YAKOBUS 5:10 - BOWOT BOHUA

¹⁰ Konduang-konduang, ingatrih dolang nabi ijo nuhtui ngosan aran Tuhan. Iro sabar tutang tabah ngarot. Jadi, omin iro monjadi sutu.

YAKOBUS 5:10 ပူးပေါင်းရင်းမြစ်များ

LUKAS 13:34

Yerusalem, Yerusalem! Nabi-nabi ihko munuoh! Ulun-ulun soruhan Pohotala ihko muhkahoh umba bahtu nyiring mahtoi! Jari pira tikat Ahku jolik ngoraup paring ulun'mu kolou pohuk ngolindung karon-anakoh ang pinda ilatoh, tahpi ihko eam kani!

LUKAS 6:23

Nabi-nabi aang jaman houn tononguanoh kolourih ka'a. Amat hal orih nyolung, hondakleh ihkam sanang ahtoi tutang nari honong jorih, tului hajo upah tonahtap ahkan ihkam ang soruga.

KESAH RASUL-RASUL 3:21

Io harus mohcon ang soruga nyiring Pohotala monjorian paringoh bohua. Kolou ijo tonuhtuioh bain Pohotala hopatou nabi-nabioh ang jaman lomoi.

KESAH RASUL-RASUL 7:52

Kuwoh anai ihcobehti nabi ijo eam konoporos bain tahtu ajuh'kam? Iro munu soruhan-soruhan tahkan Pohotala ijo jaman houn lomoi jari monyiar ijo Jihpon Pohotala ijo morong rih ahkan lombut. Tutang huntuh ihkam ngarana tutang munu Jihpon Pohotala rih.

IBRANI 13:7

Ara nolingou umba okon-okon'kam ijo monyorihta pohtoh Pohotala ahkan'kam. Nohtoani rih koloukuwoh iro bolum, tutang koloukuwoh iro mahtoi, tutang nyuturih koporocaya iro.

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

YAKOBUS 5:13

Amat ang louk'kam anai ijo rahat susah, kopiosoh io bodo'a. Amat anai ijo jorih, handakrih io monyanyi monara Pohotala.

YAKOBUS 5:7

Bain orih, bosabarrih Konduang-konduang'ku, nyiring Tuhan lombut. Nohto rih koloukuwoh sabaroh ihcobehti Pongumo ngindoi, nyiring umoioh polombut buaoh ijo borega ahkaioh. Umba kosabar io ngindoi uhjan musim ngonyahtu tutang uhjan musim dolak.

YAKOBUS 5:9

Ara bokuhtuk tutang saling hotosalan, mangat ihkam eam kona hukum bain Pohotala. Ingat! Hakim ius doni, tohtap ahkan lombut.