YAKOBUS 4:8 - BOWOT BOHUA

⁸ Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

YAKOBUS 4:8 ပူးပေါင်းရင်းမြစ်များ

MATEUS 12:33

“Ahkan dahpot bua ijo pios, bahtangoh pahtut bosiwuh. Amat bahtangoh eam bosiwuh, buaoh eam pios ka'a. Bosiwuh eamoh ihco bahtang kahju, tongota'an tahkan buaoh.

MATEUS 15:2

“Ombai murid-murid-Mu molanggar hadat tahtu ajuh ihto? Uhun ahkan kuman, iro eam muhi longon'ndo labih houn numbun aturan!”

MATEUS 27:24

Kojoriaioh Pilatus borondong ijo io eam tou nguan ino-inon hino tutang ijo ulun-ulun rih puna tou ahkan borontak. Jadi Pilatus ngomin danum, turus ang toharep ulun aro rih io muhi longoioh hawui nuhtui, “Ahku eam nanggung-jawab ngosan popahtoi ulun tuh! Orih urusan'kam!”

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

1 TIMOTEUS 2:8

Ahku kani mangat ang umoh ka ka'a barih bahkas bodo'a umba ahtoi ijo borasih, earo kosangit ata'ai kopaut.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.