YAKOBUS 3:17 - BOWOT BOHUA

¹⁷ Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

YAKOBUS 3:17 ပူးပေါင်းရင်းမြစ်များ

MATEUS 23:28

Kodorih ka'a ihkam. Tahkan luaroh ihkam, topahjahoh pios ahkan ulun; tahpi ang luwang ahtoi, ihkam tuwi umba alik tutang polanggaran-polanggaran.”

MATEUS 5:8

Kosanangsolamat ahkan ulun ijo borasih ahtoioh; iro ahkan kosono Pohotala.

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

LUKAS 21:15

Ahku bongok ahkan nonga bagi'mu auh-auh tutang kopiosbudi bosara orih, nyiring eam ihcobehti ka tahkan musuh-musuh'kam duon ngolawan ata'ai nulak inon ijo ihkam nuhtuioh.

LUKAS 6:36

Hondakoh ihkam monjadi pongasih kolou Amai'kam ijo tuwi umba pongasih!’’

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:47

Yesus nohto Natanael lombut, turus nuhtui tohou io, ‘‘Nohto, orih ulun Israel sojahti. Eam aro pobula aangoh.’’

KESAH RASUL-RASUL 11:24

Barnabas tuh ulun ijo hinut ahtoioh tutang konowasa bain Roh Pohotala hawui paham porocaya umba Tuhan, nyiring aro ulun nutut Tuhan.

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

RUMA 12:18

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 12:9

Ngasi honong ihlas. Bosingi umba ijo ja'at, tutang nambitoh ahkan inon ijo pios.

RUMA 15:14

Konduang-konduang! Ahku yahkin ijo anai aro samasino hal ijo pios aang ihko. Ihkam ka ngota'an kokaron paringoh tutang duon majar ihco umba ijobohkon ka'a.

1 KORINTUS 12:8

Ahkan ijo ihcobehti, Roh rih nonga kosanggup ahkan bopander hawoi pongaroh. Ahkan ijo bohkon Roh ijo sama rih nonga kosanggup ahkan monarang tohou Pohotala.

2 KORINTUS 10:1

Uhuntuh ahku, Paulus, kani nyurung aang'co ahkan'kam. Ahku tuh, numbun hion ulun, bolomu-lembai amat hotoharep umba ihkam, tahpi bohanyi amat hokomahcu. Nah, kotului kolomukolembai tutang kopios ahtoi Kristus!

2 KORINTUS 6:6

Honong nguan kotulus, kopihtar, sabar tutang hinut ahtoi, ihkai ngorinah, ijo ihkai, anairih jihpon Pohotala. Ka'a hawui bohambin aang pondohop Roh Pohotala, tutang hawui kasih ijo ihlas,

2 KORINTUS 7:11

Cuba ihkam nohtoani inon buaoh aang'kam, bain kosedihan ijo sorurui umba kohondak Pohotala! Buaoh, iorih ihkam tu'u-tu'u ngurahjalan ahkan nokining kokoruh! Ihkam monjadi bosingi toharep dusa, ihkam mihkoh, ihkam rindu, ihkam monjadi bosomangat, ihkam rela mohukum ijo bosala! A'ang paring persoalan tuh ihkam jari ngorinah, ijo ihkam eam bosala.

2 KORINTUS 9:10

Pohotala ijo nyodia bonyi ahkan ulun pongumo, tutang ukun ahkan ihto. Io ka'a ahkan nyodia tutang mopoaro inon jo ihkam noburanoh, mangat bua komorong ahtoi'kam botambah hino.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

1 TESALONIKA 2:7

Tahpi ihkai bohadat bolomu lembai uhun anai ang tohun ihkam, kolou ihcobehti inai mohalu anak-anakoh.

1 TIMOTEUS 5:21

Ang toharep Pohotala, Kristus Yesus tutang molehkat-molehkat ijo tonopili, ahku nyawot honong paham mangat ihko numbun potunjuk-potunjuk tuh, earo tongohu toharep iai ka, tutang earo hopihak-pihak.

2 TIMOTEUS 2:24

Ulun ijo bogawi ahkan Tuhan eam pahtut hojawab, io harus bojenta toharep paring ulun, tutang dahpot majar ulun honong pios tutang sabar.

TITUS 1:15

Kokaron ang'co, anairih borasih ahkan ulun-ulun ijo borasih. Tahpi bagi ulun-ulun ijo tirukoh ja'at tutang ijo eam porocaya, eam anai ang'co ka ijo borasih, tului tiruk tutang ahtoi-bua iro jari ja'at!

TITUS 3:2

Nuhtuirih ahkan iro mangat ara mopitnah ata'ai hojawab umba iai ka ka'a molekan mangat bojoin bojenta. Pios iro bojoin bolomu lembai toharep paring ulun.

IBRANI 12:11

Puna aang ohkot ihto tongajar, hukum orih eam nyanang ahtoi ihto, molekan baya ngoporos iou. Tahpi pongohino tahkan orih, bagi ihto ijo jari tongajar hukum rih, kotuluirih ihto bolum, numbun konohuang Pohotala, tutang mohasilrih pokomo mangat aang ihto.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.

YAKOBUS 1:17

Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 2:13

Tului Pohotala eam ahkan monunjukoh balos kasih ahkan ulun ijo eam kosono balos kasih. Tahpi balos kasih labih ba'as tahkan hukum!

YAKOBUS 2:4

Honong nguan kolourih, ihkam nguan kobohkon ang louk sosama arop'kam tutang monilai ulun hogalang tiruk ijo jaat.

YAKOBUS 3:15

Kopihtaran mahcam orih eam asar tahkan soruga. Io asar tahkan kolunon, tahkan kojolik ulun tutang tahkan sehtan!

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 PETRUS 2:18

Konduang-konduang ijo monjadi pohalu, tunduk umba tepun'mu honong sohormat-horomatoh; eam tihkas ahkan iro ijo pios ahtoi tutang bojenta, tahpi ka'a umba iro ijo kejam.

1 YOHANES 3:18

Anak-anak'ku! Ararih ihto ngasi baya ang nyama, ata'ai tihkas umba kohawot iou. Hondakrih ihto ngasi umba kasih ijo sojahti, ijo tongorinah umba gawin ihto.

1 YOHANES 3:3

Paring ulun ijo anai koporocaya tuh toharep Kristus, monjaga aropoh, mangat tu'u-tu'u borasih, borasih tahkan dusa sama kolou Kristus ka'a borasih.