YAKOBUS 3:14 - BOWOT BOHUA

¹⁴ Tahpi amat ihkam ngobohu, poros ahtoi, tutang ngohu arop bongon, a'airih namam kopihtar arop rih, kotului umba orih ihkam mutarbalik borihta ijo morong tahkan Pohotala.

YAKOBUS 3:14 ပူးပေါင်းရင်းမြစ်များ

MATEUS 27:18

Pilatus nuhtui kolou orih tului io kota'an, ijo pongowasa Yahudi monyarah Yesus ahkaioh tului kohiri ahtoi'ndo.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

KESAH RASUL-RASUL 13:45

Kotihka ulun-ulun Yahudi nohto ulun aro rih, iro hiri ahtoi samasino. Iro ngorana Paulus tutang molawan paring ang tonuhtuioh.

KESAH RASUL-RASUL 26:9

Sounoh ahku bongok ka niruk ijo ahku harus nguan koparing-paringoh mangat molawan Yesus tahkan Nasaret rih.

KESAH RASUL-RASUL 5:17

Kojoriai imam hajo tutang paring injah-jolahaioh, yorih barih ulun-ulun Saduki, nopara botindak, tului iro hiri ahtoi.

KESAH RASUL-RASUL 7:9

Amai-amai laluhur ihto rih ngobohu umba Yusep nyiring iro modagang io monjadi jihpon ang Misir. Tahpi Pohotala homboh io,

RUMA 1:29

Ahtoi iro tuwi umba paring ijo ja'at, ijo eam morong; tuwi umba kokuhuahtoi; komaram tutang nanyam bohiri; tuwi umba kojolik ahkan munu, hokolahi, ngobula, tutang dandam. Iro rajin nohou ulun bohkon;

RUMA 13:13

Ihto harus nguan hal-hal tonohoromat kolou ijo kopu'uoh, konuan ulun aang koloang ondou. Ara pesta rami molowi bahtasoh, ata'ai nyiring bobusau. Ara ngihal, ata'ai tobiat eam morong. Ara rajin hokolahi, ata'ai hiri ahtoi.

RUMA 2:17

Tahpi huntuh koloukuwoh umba Konduang-konduang bongon? Konduang ngahku arop ulun Yahudi. Konduang ngahtung arop umba hukum agama Yahudi tutang Konduang tamam tului kohihco Konduang umba Pohotala.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

1 KORINTUS 13:4

Ulun ijo ngasi ulun bohkon; sabar tutang hinut ahtoi. Io eam nyambun umba kobehu, eam bobalik, eam bojuhu.

1 KORINTUS 3:3

kotului ihkam magun bolum numbun tobiat'kam cara kolunon. Kotului amat magun hiri ahtoi tutang hokolahi sama arop'kam, eamkah orih pokarah ijo ihkam magun numbun tobiat kolunon, kolou ulun-ulun ijo eam kosono Pohotala?

1 KORINTUS 5:2

Oluka kodorih, Konduang magun isung ahtoi. Tobalikoh Konduang sopunaoh porosahtoi, tutang hobarih tahkan louk Konduang, ulun ijo nguan hal orih.

1 KORINTUS 5:6

Eam pahtut ihkam komo bojuhu. Mihkohoh, ihkam jari kosono porobasa tuh, ‘‘Ragi ijo honjiot nguan hopus-golahpung kamir!’’

2 KORINTUS 12:20

Ahku kowatir ijo aang ohkot ahku masap ihkam noin, ahku nyombang ihkam eam kolou inon ijo ahku harapoh, tutang ihkam ka ahkan nyombang ahku eam kolou ijo ihkam harapoh. Ara-ara noin anai ijo hokolahi, hiri ahtoi, bolasut ahtoi, gunan ahkai bongoi, pinah-mopitnah, hasut-mohasut, bojuhu tutang monderoh.

GALATIA 5:15

Tahpi amat ihkam saling hokoramak, awas noin ihkam hombo-homboh lonyuh.

GALATIA 5:20

aang nyembah songiangdewa tutang koruhoi, a'ang bomusuh-musuh, hokolahi, hokobohu, jeleng bosingi, tutang kogunan aropoh bongoi; kopusit tutang bopihak-pihak,

GALATIA 5:21

hawui hiri ahtoi, bobusau, pesta borami-rami tutang ijo bohkonoh. Toharep paringoh orih, ahku mopingat ihkam, huntuh koloukuwoh ahku mopingat ihkam lomoi ka'a, ijo ulun-ulun ijo nguan hal-hal kolourih eam ahkan monjadi anak ukup Ain Pohotala.

GALATIA 5:26

Ihto eam tou monjadi bojuhu, tutang saling ngoporos ahtoi, honong hiri ahtoi ihco sama ijo-bohkon.

GALATIA 6:13

Ulun-ulun ijo nutut poroturan sunat ka eam molalus hukum agama. Tahpi iro kani ihkam tonyunat, mangat iro dahpot monamamoh, ijo ihkam te'et umba poroturan rih.

PILIPI 1:15

Puna anai pira-pira ang parak iro ijo mborihta Kristus tului hiri ahtoi, tutang kani hojawab, tahpi ijo bohkon mborihta Kristus, tului anai maksud ijo hinut.

PILIPI 2:3

Ara nguan aang'co, tului kojuan kogunan arop bongon, ata'ai ahkan mopojuhu arop. Sobalikoh hondakrih ihkam nyino-nyinong honong randah ahtoi tutang ngohu ulun bohkon labih pios tahkan arop bongon.

1 TIMOTEUS 2:4

Io kani, mangat paring ulun tonyolamat, tutang ngota'an ijo morong.

1 TIMOTEUS 6:4

anairih ulun ijo bojuhu, tutang eam kota'an ino-inon! Ponyahkitoh iorih jolik bodebat tutang hojawab, tohou istilah-istilah nyiring mopolombut hiri ahtoi, kopusitoh, pitnah, hokobohu ijo eam pios,

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

YAKOBUS 1:18

Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

YAKOBUS 3:16

Ang amoh anai kobohu, tutang sipat kogunan arop bongon, ang anan ka'a sombang korusuh, tutang karo mahcam gawi ijo ja'at.

YAKOBUS 5:19

Konduang-konduang'ku! Amat ang louk ihkam anai ihcobehti ijo eam monutut hino ajar tahkan Pohotala, turus ihcobehti ijo bohkon ngomin, ulun rih hoduli nokuh Pohotala,