YAKOBUS 3:13 - BOWOT BOHUA

¹³ Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

YAKOBUS 3:13 ပူးပေါင်းရင်းမြစ်များ

MATEUS 11:29

Numbun poretah-Ku tutang bajar tahkan Ahku, tului Ahku tuh bolomu lembai tutang randah ahtoi, mahka ihkam ahkan nginyam komangat.

MATEUS 21:5

“Mborihtarih ahkan Sion, Lahca'kam, rahat lombut ahkan'kam. Io randah ahtoi tutang nunggang, ihcokungan keledai, ihcokungan anak keledai ijo biou.”

MATEUS 5:5

Kosanangsolamat ahkan ulun ijo randah ahtoi; Pohotala ahkan molalus bowot-Oh ahkan'ndo!

MATEUS 7:24

“Nah, ulun ijo ngonih auh-Ku tuh, tutang numbun orih, sama kolou ulun horati ijo nombok lohpouoh ang ngosan bahtu.

1 KORINTUS 6:5

Tu'u-tu'u momi'a! Puna ang louk ihkam ihcobehti anai ulun piosbosara, ahkan ngobuah sokehta, louk konduang-konduang'kam, ijo sama-sama Kristen!

2 KORINTUS 10:1

Uhuntuh ahku, Paulus, kani nyurung aang'co ahkan'kam. Ahku tuh, numbun hion ulun, bolomu-lembai amat hotoharep umba ihkam, tahpi bohanyi amat hokomahcu. Nah, kotului kolomukolembai tutang kopios ahtoi Kristus!

2 KORINTUS 8:24

Ihkai harap ihkam ngorinah sitan'kam ahkan iro, mangat paring ukup kota'an ijo ihkam ngasih iro, tutang ijo inon ijo ihkai naraoh tohou ihkam anairih morong.

GALATIA 5:23

Iro randah ahtoi tutang sanggup ngowasa aropoh. Eam anai hukum agama ijo ngohana hal-hal kolourih.

GALATIA 6:1

Konduang-konduang! Amat ihcobehti sombang nguan ihco dusa, hondakoh ihkam ijo bolum numbun Roh Pohotala, niting ulun rih buli nitoi jalan ijo morong. Tahpi ihkam harus nguan orih umba bolomu lembaiahtoi, tutang bojaga a'ai nyiring ihkam bongom taputtonihkos ka'a.

GALATIA 6:4

Nyinong ulun harus moriksa bongoi inonrih hadatdasaroh rih pios ata'ai ja'at. Amat pios io tou komo tamam ngosan hal rih. Tahpi eam usah io monyamaoh umba inon ijo tonguan ulun bohkon.

EPESUS 4:2

Hondakrih ihkam turus randah ahtoi, bolomu-lembai, tutang sabar. Ngorinahohrih asin'kam, honong hokodohop ihco umba ijo bohkon.

PILIPI 1:27

Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

KOLOSE 3:12

Konduang anairih ukup Pohotala. Pohotala ngasih ihkam tutang mitih ihkam ahkan monjadi aiu-Oh ijo khusus. Iorih, kotuluioh ihkam harus pokarah balos ngasi, ihkam harus pios ahtoi, randah ahtoi, bolomu lembai, tutang ba'as ngarot.

1 TIMOTEUS 4:12

Ara mohanau ihcobehti ka ngohu ihko randah kotului ihko magun biou. Sobalikoh hondakrih ihko monjadi sutu bagi ulun-ulun porocaya a'ang pander'mu tutang hadat'mu, a'ang cara ihko mongasih sosama tutang porocaya umba Yesus Kristus, tutang umba pombolum'mu ijo borasih.

1 TIMOTEUS 6:11

Tahpi ihko anairih ulun ain Pohotala, jadi ihko harus ngomahcu paringoh rih. Bousaha monjadi ulun ijo morong ang mahtan Pohotala, ijo mongabdi umba Pohotala, porocaya umba Kristus, mongasih sosama, tahan a'ang kokarot, tutang sihkap bolomu lembai.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

TITUS 3:2

Nuhtuirih ahkan iro mangat ara mopitnah ata'ai hojawab umba iai ka ka'a molekan mangat bojoin bojenta. Pios iro bojoin bolomu lembai toharep paring ulun.

IBRANI 13:5

Ara pombolum'kam tongowasa, bain sinta ahkan duit, tahpi hondakrih ihkam sukup umba inon ijo anai aang'kam. Kotului Pohotala ius nuhtui, ‘‘Ahku eam mohonau ata'ai ahkan nohtah ihko.’’

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 2:18

Mihkohtou anai ijo homouh, ‘‘Anai ulun ijo bosikuh umba koporocaya, tutang anai hino ulun ijo bosikuh umba gawiuoh.’’ Ahku ahkan mutah, ‘‘Pokarahiou rih ahkak'ku, koloukuwoh ulun dahpot anaingina koporocaya earo gawiu, tutang ahku ahkan ngorinah umba gawi ijo ahku anaingina koporocaya.’’

YAKOBUS 3:1

Konduang-konduang! Ara aro-aro tahkan louk'kam ijo kani monjadi guru. Ihkam kota'an, ijo ihto ijo monjadi guru ahkan tomosara umba labih paham tahkan ulun bohkon.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 PETRUS 1:15

Sombalikoh, hondakrih ihkam borasih a'ang kokaro angihco ijo ihkam nguai, sama kolou Pohotala ijo na'ah ihkam rih borasih.

1 PETRUS 2:12

Hadatdasar'mu, ang tohun ulun ijo eam kosono Tuhan harusrih labih pios, nyiring amat iro mopitnah ihkam, kolou ulun ja'at, iro ka'a harus ngahku angkonuan'mu ijo pios, nyiring iro ahkan monara Pohotala ang ondou polombut-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 3:4

Tombalikoh, hondakrih kobohinoi'mu lombut tahkan luwang ahtoi, budi basa ijo bolomu luwah tutang teneng; orih rih kobohinoi abadi ijo paham borega numbun ponopahjah Pohotala.