YAKOBUS 2:8 - BOWOT BOHUA

⁸ Ihkam nguan ijo morong, amat ihkam molalus hukum Kolahca'an ijo tonyombang luwang ayat Surat Borasih tuh, ‘‘Ngasirih sama arop'mu kolou ihko ngasih arop'mu bongom.’’

YAKOBUS 2:8 ပူးပေါင်းရင်းမြစ်များ

MATEUS 22:39

Poretah ijo duo sama umba ijo pahtuk orih: Ngasih sama arop'kam kolou ihko ngasih arop'mu bongom.

MATEUS 25:21

‘Hinut,’ hion tuan rih, ‘ihko tuh pohalu ijo pios tutang sotia tului ihko duon konoharap umba ijo isut, ahku ahkan morocaya ihko ijo aro ahkan'mu. Nyolongrih tutang umbarih jorih-jorih homboh ahku!’

MATEUS 25:23

‘Hinut,’ hion tuan rih, ‘ihko jihpon ijo morong tutang sotia. Tului ihko duon konoharap umba ang isut, ahku morocaya ijo aro ahkan'mu. Nyolongrih tutang umbarih jorih-jorih homboh ahku!’

MATEUS 7:12

Nguan ulun bohkon, kolou ihkam jolik tononguan bain iro. Orihrih usin hukum Museh tutang ajar nabi-nabi.”

RUMA 13:10

Ulun ijo mongasi ulun bohkon, eam ahkan nguan ang ja'at umba ulun rih. Jadi, ulun ijo mongasi sama aropoh, iorih ulun ijo jari molalus paring syarat hukum agama.

GALATIA 5:14

Sohopus hukum agama, koloputai a'ang poretah ijo ihco tuh. ‘‘Hondakoh ihkam mongasih sama-sama ulun, kolou ihko ngasih arop'kam bongom.’’

GALATIA 6:2

Hondakoh ihkam saling hokodohop ngohtun puat ulun bohkon ka'a mangat umba kolourih ihkam moneet poretah Kristus.

PILIPI 4:14

Tahpi ihkam jari dohop ahku ang luwang kosusah'ku tutang inon ijo ihkam nguai rih puna pios.

1 TESALONIKA 4:9

Eam gunai hino ihkai nyurat ahkan'kam, tohou koloukuwoh ihkam harus ngasi konduang-konduang ijo 'cokoporocaya. Ihkam bongon jari tongajar bain Pohotala ahkan ngasih ihco umba ijobohkon.

YAKOBUS 1:25

Hukum Pohotala soporuna, tutang anaingina koba'as ahkan momorodehka kolunon. Tutang ulun ijo monoliti tutang nohtoani pio-pios hawui molalusoh hukum-hukum rih, tutang eamoh ngonih iou turus nolingouoh, ulun rih ahkan ponorehkat Pohotala a'ang nyinong hal ijo tonguaioh.

YAKOBUS 2:12

Bopanderrih tutang molalusohrih kolou ulun ijo ahkan ponosara numbun Hukum Pohotala ijo momorodehka kolunon.

YAKOBUS 2:19

Ihkam porocaya ijo Pohotala tihkas ihco, kowa? Nah, roh-roh ja'at ka porocaya tutang iro kitik genjeh mihkoh!

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.