YAKOBUS 2:5 - BOWOT BOHUA

⁵ Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

YAKOBUS 2:5 ပူးပေါင်းရင်းမြစ်များ

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 5:3

“Kosanangsolamat ahkan ulun, ijo mokomo eam badaya tutang tihkas bohapang ang Tuhan ih; iro rih anai anak-ukup ain Pohotala!

MARKUS 7:14

Turus Yesus na'ah ulun aro rih sino hino tutang nuhtui ahkan'ndo, ‘‘Ngonihrih mangat solembang!

LUKAS 12:21

Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

LUKAS 16:22

Ulun porosbolum rih pongo mahtoi turus tongomin molehkat nokuh unuk tohoromat ang bambai Abraham ang soruga. Ulun tahtou rih mahtoi ka'a tutang tonanom.

LUKAS 16:25

Tahpi Abraham mutah, ‘Mingatrih anak'ku: kotahin umur pombolum'mu, ihko jari ngondahpot paring ijo pio-pios, rahatoh Lasarus ngondahpot ijo ja'at-ja'at. Uhuntuh io sanang ang ohtoi, tutang ihko ngarotkoporos.

LUKAS 22:29

Kolou ka'a Amai jari nonga ahkak-Ku hak ahkan moretah, kodorih ka'a Ahku ahkan nonga ahkan'kam hak rih.

LUKAS 6:20

Yesus nopahjah murid-murid-Oh, turus nuhtui, ‘‘Kosanangrih ihkam ulun-ulun porosbolum, tului ihkam anairih anak ukup ain Pohotala!

YOHANES 7:48

‘‘Anaikah okon-okon ito ata'ai ulun Parisi ijo porocaya umba Io?

KESAH RASUL-RASUL 7:2

Stepanus nuhtui, ‘‘Konduang-konduang tutang Amai-amai! Cuba ngonih ahku! Sounumba tahtu ajuh ihto Abraham hatun nokuh Haran ang ohkot io magun mohcon aang Mesopotamia, Pohotala ijo tonohoromat lombut nokuh io

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

1 KORINTUS 2:9

Tombalikoh, hal rih, anai kolou auh ijo tonyurat aang Surat Borasih, ‘‘Inon ijo eam pu'u tonopahjah ata'ai konahan kobain ulun, tutang eam pu'u hino lombut aang tiruk ulun orih ijo tonahtap Pohotala ahkan ulun-ulun ijo sita Io.’’

2 KORINTUS 4:15

Paringoh rih anaioh ahkan kogunan'kam. Tului mahi-mahi aro ulun nginyam kasih Pohotala, mahi-mahi aro hino do'a torimakasih ijo tonyapai ahkan Pohotala; honong kodorih Pohotala tonotara.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

2 KORINTUS 8:9

Tului ihkam ngota'an tu'u, ijo ihto karas tonokasih kobain Yesus Kristus Tuhan ihto. Io tahtou, tahpi Io nguan arop-Oh monjadi porosbolum ahkan kogunan ihkam, mangat umba koporosbolum-Oh rih ihkam monjadi tahtou.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 3:8

Ang louk paring ukup Pohotala, ahkurih ijo paling hina. Tahpi Pohotala nonga ahkak'ku pononga tuh, gawi ahkan mborihta ahkan ulun-ulun bohkon Yahudi, Kabar Hinut tohou kotahtou Kristus ijo eam anai koopahoh;

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

2 TESALONIKA 1:5

Tutang ang ohtoi rih korinah eaminon adiloh bosara Pohotala: Ihkam jari ngarot kotului Kolunon Bohua Ain Pohotala, tutang tului orih ihkam ahkan tongohu layak ahkan nyolong nokuh luwangoh.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

2 TIMOTEUS 4:18

Puna Tuhan ahkan moliwus ahku, tahkan nyinong gawi ijo ja'at toharep ahku. Io ahkan ngomin ahku honong solamat, nokuh luwang Kolahca'an-Oh ang soruga. Hondakrih Io tonohajo turus-jahamoh! Amen.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 11:26

Museh komo, ijo mahcu labih borega, ahkan norima tongohina demi Lahca Ponyolamat, ijo tonobowot Pohotala rih, tahkanumba ngondahpot karo ponahtou, tana Misir, tului Museh moharap upah ang ondou pongohuli.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

YAKOBUS 1:16

Ara ihkam totihpu, Konduang-konduang'ku ijo tongasih.

YAKOBUS 1:19

Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

YAKOBUS 1:9

Ulun Kristen ijo porosbolum, kopiosoh nginyam kojorih, amat Pohotala ngahtangoh.

1 PETRUS 1:4

Ihto bokoharap ahkan anaitepun borehkat-borehkat ijo tonyodia Pohotala ahkan ukup-Oh, yorih borehkat-borehkat ijo tongina-Oh ang soruga, nyiring eam dahpot rusak, ata'ai monjadi maram, ata'ai ka luntur.

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.

PONGORINAH 3:18

Tului orih Ahku ningak ihkam mangat moli tahkanumba Ahku bulou, yorih bulou ijo borasih, mangat ihkam monjadi tahtou. Moli ka'a pokahjan puhti ijo tahkan aang Ahku, mangat ihkam hopokajan, tutang nuhtup keada'an'kam, ijo hoburang tutang ngomia. Tutang molirih hino totamba ahkan tomalit ang mahtan'kam, mangat ihkam dahpot nopahjah.