YAKOBUS 2:21 - BOWOT BOHUA

²¹ Topahjah iou Abraham tahtu ajuh ihto. Io tonorima pios bain Pohotala tului gawiuoh, yorih ang ohkot io nyorah Isaak, anakoh, ahkan Pohotala ang ngosan mesbeh.

YAKOBUS 2:21 ပူးပေါင်းရင်းမြစ်များ

MATEUS 12:37

Tului auh-auh'kam bongom ijo ahkan tohapan unuk momuhtus, ijo ihko bosala ata'ai eam.”

MATEUS 3:9

A'ai ngohu ihkam dahpot liwus tahkan hukuman tului homauh ijo Abraham anairih tahtu ajuh'kam. Ingat, tahkan bahtu-bahtu tuh ka Pohotala sanggup napa lihit ahkan Abraham!

LUKAS 1:73

Io nulut umba Abraham amai ihto, tutang hobowot, ahkan nyolamatoh ihto tahkan musuh ihto, mangat ihto earo mihkoh mohalu Io

LUKAS 16:24

‘Amai Abraham!’ hion ulun tahtou rih, ‘Ngasirih ahku. Nyuhu Lasarus nguhcom ikingoh ang danum, turus nokuh ngomisa jela'ku. Ahku ngarotkoporos samasino ang luwang baho tuh!’

LUKAS 16:30

Tahpi ulun tahtou rih mutah, ‘Orih eam sukup Amai Abraham. Tahpi amat anai ulun mahtoi bolum huli tutang lombut ahkan iro, iro ahkan hubah tahkan dusa-dusan'ndo.’

YOHANES 8:39

Iro mutah, ‘‘Amai ihkai iorih Abraham.’’ ‘‘Jahkaioh ihkam puna tu'u anak Abraham,’’ hion Yesus, ‘‘puna ihkam nguan inon ijo tonguan bain Abraham.

YOHANES 8:53

Amat Abraham bongoi jari mahtoi, tutang nabi-nabi paringoh ka'a jari mahtoi, Ihko tuh iai? Kuwohrih Ihko labih hajo umba amai 'kai Abraham!’’

KESAH RASUL-RASUL 7:2

Stepanus nuhtui, ‘‘Konduang-konduang tutang Amai-amai! Cuba ngonih ahku! Sounumba tahtu ajuh ihto Abraham hatun nokuh Haran ang ohkot io magun mohcon aang Mesopotamia, Pohotala ijo tonohoromat lombut nokuh io

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 4:1

Amat kodorih inon ijo duon ihto nuhtui, tohou Abraham tahtu ajuh uhtus ihto? Koloukuwohrih pongalamanoh?

RUMA 4:12

Abraham ka'a amai rohani ahkan ulun-ulun ijo nuhtut poroturan sunat. Io amai rohani iro, eam baya tului iro nuhtut poroturan sunat, tahpi ka'a tului iro bolum honong porocaya umba Pohotala, sama kolou Abraham aang ohkot io jaha nuhtut poroturan sunat.

RUMA 4:16

Jadi bowot Pohotala rih, hogalangrih porocayaoh ulun ahkan Pohotala. Orih monjadi ihco jaminan ahkan paring lihit Abraham, ijo bowot rih tononga ahkan iro monjadi ihco pononga cuma-cuma tahkan Pohotala; eam tihkas mangat iro ijo bokehtep umba hukum agama Yahudi bewe, tahpi ka'a ahkan iro ijo porocaya umba Pohotala sama kolou Abraham porocaya umba Io. Tului Abraham orih rih amai ihto paring socara rohani.

IBRANI 11:17

Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

YAKOBUS 2:18

Mihkohtou anai ijo homouh, ‘‘Anai ulun ijo bosikuh umba koporocaya, tutang anai hino ulun ijo bosikuh umba gawiuoh.’’ Ahku ahkan mutah, ‘‘Pokarahiou rih ahkak'ku, koloukuwoh ulun dahpot anaingina koporocaya earo gawiu, tutang ahku ahkan ngorinah umba gawi ijo ahku anaingina koporocaya.’’

YAKOBUS 2:24

Korinahrih uhuntuh, ijo ulun tonorima pios bain Pohotala, kotului inon ijo konuan bain ulun rih, tutang eam baya tului porocayaoh iou.