YAKOBUS 2:19 - BOWOT BOHUA

¹⁹ Ihkam porocaya ijo Pohotala tihkas ihco, kowa? Nah, roh-roh ja'at ka porocaya tutang iro kitik genjeh mihkoh!

YAKOBUS 2:19 ပူးပေါင်းရင်းမြစ်များ

MATEUS 8:29

Iro soluka tahkan luwang kolowong tanom tutang ngoriak, “Anak Pohotala, ahkan Ihko nguan inon umba ihkai? Inonkah Ihko nohuang ngoporos ihkai olu ka jaham johcok ohkotoh?”

MARKUS 1:24

‘‘O, Yesus ulun Nasaret, Ihko nguan inon umba ihkai? Ihko lombut ahkan morusak ihkai? Ahku kota'an iai Ihko: Ihko suruhan ijo borasih tahkan Pohotala!’’

MARKUS 12:29

Yesus mutah, ‘‘Poretah ijo pahtukoh iorih: ‘Ngonihrih, oi uhtus Israel! Tuhan Pohotalan ihto, Tuhan rih Tukan.

MARKUS 5:7

Umba auh ijo muhing io bokociak, ‘‘Yesus, Anak Pohotala Ijo Pahamisung! Ahkan ihko nguaninonoh ahku tuh? Aang aran Pohotala, ahku nyawot, ararih nyiksa ahku!’’ (

MARKUS 7:9

Turus Yesus nuhtui hino, ‘‘Ihkam ahpik samasino nulak poretah Pohotala, mangat tehen umba ajaran'mu bongom.

LUKAS 4:34

‘‘O Yesus, ulun Nasaret, Ihko kani nguan inon umba ihkai? Ihko lombut ahkan morusak ihkai? Ahku ta'an iai Ihko: Ihko sonuhu ijo borasih tahkan Pohotala!’’

YOHANES 17:3

Tuhrih pombolum ijo sojahti tutang turus-jaham; mangat ulun ngosono Amai, puna ihco-ihcooh Pohotala ijo morong, tutang ngosono Yesus Kristus ijo sonuhu bain Amai.

KESAH RASUL-RASUL 16:17

Ulunbawi rih turus ih ngohasu Paulus tutang ihkai hawui ngoriak, ‘‘Ulun-ulun tuh jihpon Pohotala Ijo Mahaisung! Iro lombut ahkan mborihta ahkan Konduang-konduang koloukuwoh caraoh ihkam duon solamat!’’

KESAH RASUL-RASUL 19:15

Tahpi roh sehtan rih nuhtui umba iro, ‘‘Ahku kosono Yesus tutang ahku kosono Paulus ka, tahpi ihkam tuh iai?’’

KESAH RASUL-RASUL 24:25

Tahpi kotihka Paulus noturus panderoh tohou komorong, tutang tahan kojolikbolai, tutang tohou hukum ang Ondou Kiamat, mahka Pelik monjadi paham mihkoh turus nuhtui, ‘‘Ihko tou tulak huntuh. Ahku ahkan na'ah ihko hino amat anai kosapet.’’

RUMA 3:30

Tului Pohotala tihkas Ihco. Io ijo nonga jalan ahkan ulun-ulun Yahudi hokohinut hoduli umba Pohotala, tului iro porocaya. Tutang Iorih hino nongajalan ulun-ulun uhtus bohkon ka tou hokohinut hoduli umba Pohotala. Orih ka'a tului iro porocaya.

1 KORINTUS 8:4

Tohou soal kuman ukun ijo jari tonyorah ahkan songiangdewa ihto ngota'an ijo songiang, gambar angihco ijo kotu'uioh, eam aro. Tutang ihto ngota'an ka'a ijo Pohotala tihkas ihco, eam aro ihco bohkon.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

GALATIA 3:20

Nah, harus anai duo pihak, punai porulu ihcobehti poholat. Tahpi Pohotala eam porulu poholat, tului Io bongoi ijo ngatuhoh.

1 TIMOTEUS 2:5

Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.

YAKOBUS 2:8

Ihkam nguan ijo morong, amat ihkam molalus hukum Kolahca'an ijo tonyombang luwang ayat Surat Borasih tuh, ‘‘Ngasirih sama arop'mu kolou ihko ngasih arop'mu bongom.’’

YUDAS 1:4

Kotului earo ihto ngota'anoh anai nyombihti-nyombihti ulun ijo botatu, ijo nosolat nyolong nokuh louk ihto. Iro ulun-ulun bejad ijo mutarmokilaoh borihta, tohou pononganasi Pohotalan ihto, ahkan dahpot kosapet momedaoh kojolik bolai iro. Tutang iro nulak Yesus Kristus, ijo ihco-ihcooh Pongowasa tutang Tuhan ihto. Tahkan lomoi hukuman ahkan iro jari tonujum luwang Surat Borasih.

YUDAS 1:6

Ingatrih, ka'a, dolang molehkat ijo nokalou holat-holat kowasan iro, nyiring tulak nohtahoh unuk mohcon iro. Pohotala masung molehkat-molehkat rih, umba rantai abadi, ang luwang unuk ijo pindong ang pinda tana. Ang anan iro tonahan turus johcok hukuman ijo tongonyahtu nokuh ngosan iro ang Ondou ijo hebat rih noin.

PONGORINAH 20:10

Pongohuli Sehtan ijo mobula iro rih, tonyahkah nokuh luwang tasik baho tutang sondawa. Ang anan unukoh ohcin tutang nabi pobula rih tondian labih houn. Iro ahkan tonyiksa hondou ngolomi ahkan turus-jaham.