YAKOBUS 2:18 - BOWOT BOHUA

¹⁸ Mihkohtou anai ijo homouh, ‘‘Anai ulun ijo bosikuh umba koporocaya, tutang anai hino ulun ijo bosikuh umba gawiuoh.’’ Ahku ahkan mutah, ‘‘Pokarahiou rih ahkak'ku, koloukuwoh ulun dahpot anaingina koporocaya earo gawiu, tutang ahku ahkan ngorinah umba gawi ijo ahku anaingina koporocaya.’’

YAKOBUS 2:18 ပူးပေါင်းရင်းမြစ်များ

RUMA 14:23

Tahpi ulun ijo nanyam ragu-ragu ahkan kuman aang'co, pongohuli ka tahtap kuman ukun rih, ulun rih tonosalan bain Pohotala; tului ulun rih eam botindak numbun koyahkinanoh tohou inon ijo morong tutang ijo sala. Tutang inon iou ijo konuan eam aro koporocaya, anai orih dusa.

RUMA 3:28

Kotului koputusaioh koloutuh: Ulun bokorinah jari hokohinut hoduli umba Pohotala, eam tului Io nguan inon ijo tomihtik a'ang hukum agama Yahudi, molekan tului Io porocaya umba Yesus Kristus.

RUMA 4:6

Kodorihoh tiruk Dawid ka'a; orih kotuluioh io ngohawot solamat, kosanang ahkan ulun ijo bain Pohotala jari tonorima monjadi ulun ijo ngojorih ahtoi-Oh, earo Pohotala nohtoani gawin-gawin ulun rih. Dawid nuhtui numbun tuh,

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

RUMA 9:19

Nah, Konduang ahkan nuhtui umba ahku, ‘‘Amat kodorih ombai Pohotala magun kani monosalan kolunon? Ombai eam ihcobehti ka duon mohalang konohuang Pohotala?’’

1 KORINTUS 13:2

Oluka ahku ahpik nyiar borita tahkan Pohotala rih, tutang horahti paring hal ijo timbon-timbon, tutang ngota'an kokaro aang'co hawui paham porocaya umba Pohotala, nyiring dahpot nguan puruk bokisat tahpi ahku eam ngasi ulun-ulun bohkon, mahka ahku eam aro rimai ino-inon!

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

IBRANI 11:31

Kotului porocaya ka'a, mahka Rahab, bawin sundal rih eam kona punu, homboh umba ulun-ulun ijo molawan Pohotala; kotului io norima hawui bojenta, umba pongolahti-pongolahti Israel.

IBRANI 11:33

Kotului porocaya, mahka iro jari ngalahoh kolahcan-kolahca'an. Iro nguan inon ijo morong, nyiring norima inon ijo tonobowot Pohotala. Iro mangop nyaman-nyaman singa,

IBRANI 11:6

Earo porocaya, eam ihcobehti ka duon ngojorih ahtoi Pohotala. Bain ulun ijo lombut nokuh Pohotala harus porocaya ijo Pohotala tohko, tutang ijo Pohotala nonga balos ahkan ulun ijo ngurah-Oh.

YAKOBUS 2:14

Konduang-konduang! Inon gunaioh ulun nuhtui, ‘‘Ahku ulun ijo porocaya,’’ amat io eam ngorinahoh umba gawiuoh? Dahpot-rih koporocaya somahcam rih monyolamatoh?

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.