YAKOBUS 2:14 - BOWOT BOHUA

¹⁴ Konduang-konduang! Inon gunaioh ulun nuhtui, ‘‘Ahku ulun ijo porocaya,’’ amat io eam ngorinahoh umba gawiuoh? Dahpot-rih koporocaya somahcam rih monyolamatoh?

YAKOBUS 2:14 ပူးပေါင်းရင်းမြစ်များ

MATEUS 5:20

Jadi ingatrih: Ihkam eam touharapan, monjadi uhkup ain Pohotala, amat eam molowi umba guru-guru agama tutang ulun-ulun Parisi a'ang hal nguan konohuang Pohotala!”

LUKAS 3:11

Yohanes mutah, ‘‘Ulun ijo anaingina duo kolambar kolambi, harus nonga ihcokolombar ahkan injah ijo eam ngina, tutang ulun ijo anai ukui harus io magioh.’’

LUKAS 6:49

Tahpi ulun ijo ngonih auh-auh-Ku tutang eam molalusoh, jorih kolou ihcobehti ulun ijo nombok lohpouoh eam anai galangoh. Amat danum ba'ah noturung lohpou rih, lohpou rih jeleng bolihang; tutang rusakoh hajo samasino!’’

KESAH RASUL-RASUL 15:9

Pohotala eam ngobohkon ihto umba iro, Pohotala morasih ahtoi iro, tului iro porocaya.

KESAH RASUL-RASUL 8:13

Simon bongoi ka'a porocaya. Tutang uli ponopondus io turus nutut Pilipus. Tandahelan-tandahelan ijo nyolung, nguan Simon tohelan-helan.

KESAH RASUL-RASUL 8:21

Ihko earo hak ahkan umba ang nguan gawin ihkai, tului ahtoi'kam eam morong toharep Pohotala.

RUMA 2:25

Amat Konduang tehen umba hukum agama Yahudi mahka sunat Konduang anai gunaioh ka'a. Tahpi amat Konduang eam duon tehen umba hal-hal ijo ponoretahoh aang hukum rih, mahka sunat Konduang eam aro gunai samasino.

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

1 KORINTUS 16:22

Ulun ijo eam sita Tuhan, nauhoh io buah tulut! MARANAHTA – Tuhan ihkai, lombut iou!

GALATIA 5:13

Konduang jari tona'ah, ahkan monjadi ulun ijo morodehka. Tahpi ara hapa komorodehka orih ahkan hototurus nguan inon iou ijo ihkam jolik nguai. Sobalikoh ihkam saling mongasih tutang saling mohalu.

GALATIA 5:6

Kobain amat ihto ius hihco umba Kristus Yesus, hal numbun ata'ai eam numbun poroturan sunat, eam monjadi soal hino. Ijo boguna tihkasrih porocaya umba Kristus, tutang orih korinah aang kasih ihto umba ulun bohkon.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 TIMOTEUS 4:8

Molatih behti honjiot iou gunaioh, tahpi bolatih ahkan homboruan aro gunai a'ang karo hal, kotului bosuang bowot ahkan pombolum aang uhuntuh tutang uhun ijo ahkan lombut.

TITUS 1:16

Iro nuhtui ijo iro kosono Pohotala, padahar gawin iro ngobeleoh. Iro ngojilokoh, tutang iro eam kani te'et; iro anairih ulun-ulun ijo eam dahpot nguan ang'co ijo hinut.

TITUS 3:8

Auh tuh tu'u-tu'u morong. Ahku kani ihko monihkin hal-hal tuh, mangat ulun-ulun ijo porocaya umba Pohotala tu'u-tu'u bousaha, ahkan nguan gawi-gawi ijo pios tutang boguna ahkan paring ulun.

IBRANI 11:17

Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

IBRANI 13:9

Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

YAKOBUS 1:16

Ara ihkam totihpu, Konduang-konduang'ku ijo tongasih.

YAKOBUS 2:16

Inon gunai ihkam nuhtui ahkaioh, ‘‘Sana-sanang hapa hahtin ijo bolasut, tutang solamat kuman!’’ – amat ihkam eam nonga ahkaioh inon ijo tomoruluoh ahkan pombolumoh?

YAKOBUS 2:18

Mihkohtou anai ijo homouh, ‘‘Anai ulun ijo bosikuh umba koporocaya, tutang anai hino ulun ijo bosikuh umba gawiuoh.’’ Ahku ahkan mutah, ‘‘Pokarahiou rih ahkak'ku, koloukuwoh ulun dahpot anaingina koporocaya earo gawiu, tutang ahku ahkan ngorinah umba gawi ijo ahku anaingina koporocaya.’’

YAKOBUS 2:26

Nah, koloukuwoh behti eam-anai roh anai rih behti ijo mahtoi, kolourih ka'a koporocaya eamanai gawiu iorih porocaya ijo mahtoi.

2 PETRUS 1:5

Bain kotului orih bousaha tu'u-tu'u, mangat ihkam tehtep porocaya umba Kristus tutang koporocaya'mu rih, tonyukah bain pombolum ijo pios. Ang bambai pombolum ijo pios, ihkam porulu monjadi ulun ijo anai pongotaan,