YAKOBUS 1:5 - BOWOT BOHUA

⁵ Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 1:5 ပူးပေါင်းရင်းမြစ်များ

MATEUS 11:20

Turus Yesus nopara nosalan lowu-lowu ang umoh Io paling aro nguan tandahelan. Bain ulun-ulun ang lowu-lowu orih eam kani hubah tahkan dusa-dusan'ndo.

MARKUS 16:14

Kojoriaioh Yesus ngorinah arop-Oh ahkan murid-murid-Oh sobalas behti, kotihka iro beteng kuman. Io ningak iro bain iro kurang porocaya, tutang turus mahang ahtoi'ndo, nyiring eam porocaya umba ulun-ulun ijo jari nohto bongoi ijo Yesus bolum.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 4:10

Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YAKOBUS 1:17

Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

1 YOHANES 3:22

Tutang inon ijo ihto nyawot tahkanumba-Oh, ihto norimaoh, tului ihto te'et umba poretah-poretah-Oh, tutang nguan inon ijo ngojorih ahtoi-Oh.