YAKOBUS 1:21 - BOWOT BOHUA

²¹ Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 1:21 ပူးပေါင်းရင်းမြစ်များ

MATEUS 5:5

Kosanangsolamat ahkan ulun ijo randah ahtoi; Pohotala ahkan molalus bowot-Oh ahkan'ndo!

YOHANES 6:63

Ijo nguan ulun bolum iorih Roh Pohotala. Koba'as ulun eam aro gunaioh. Auh-auh ijo tonuhtui-Ku ahkan'kam tuh, anairih auh-auh Roh Pohotala tutang auh-auh ijo nonga pombolum.

YOHANES 6:68

‘‘Tuhan,’’ hion Simon Petrus umba Io, ‘‘nokuh umoh ihkai ahkan tulak? Tuhtui Tuhan nonga pombolum ijo sojahti tutang kototahiu.

KESAH RASUL-RASUL 10:33

Orih kotului orih ahku jion, nyuhu ulun tulak na'ah tuan. Tutang Tuan tu'u-tu'u ulun hinut ahtoi kani lombut nokuh ohtoi. Huntuh ihkai paring hopuhpung ang ohtoi ang tohimo Pohotala, ahkan ngonihoh paring ijo Pohotala nyuhu Tuan nuhtuioh, ahkan ihkai.’’

KESAH RASUL-RASUL 13:26

Konduang-konduang lihit Abraham, tutang paring Konduang-konduang ijo ulun bokonoh, ang ohtoi ijo te'et umba Pohotala! Pohotala jari ngirim ahkan ihto kabar solamat rih;

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 11:17

Ihcokobagi tahkan da'an-da'an zaitun – yorih ulun-ulun Yahudi – ius tonohtok. Tutang ang lohkun tohtok rih nutung umba da'an zaitun himba, yorih Konduang-konduang ijo bohkon uhtus Yahudi. Konduang tonutung ang anan, mangat Konduang nginyam karonaang ijo pios, tahkan pombolum rohani ulun-ulun Yahudi.

RUMA 6:17

Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

1 KORINTUS 15:2

Amat ihkam nambit tehen, aang inon ijo ahku mborihtaoh rih, mahka Kabar Hinut rih monyolamat ihkam; kocoali amat Konduang porocaya earo horahtioh.

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

EPESUS 4:25

Tului orih Konduang-konduang paringoh, ara hino bobalik. Nguanrih kobujur, ijo ihco umba ijo bohkonoh, kobain ihto paringoh anairih sama-sama ramun behtin Kristus.

EPESUS 5:4

Eam ka'a pahtut ahkan'mu ngohawot tuhtui-tuhtui ijo kojilok, ijo kihal, tutang ijo eam pantas. Sobalikoh hondakrih ihkam ngohawot torimakasih ahkan Pohotala.

1 TESALONIKA 1:5

Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

TITUS 2:11

Tului Pohotala jari pokarah ponongaasi-Oh, guna nyolamat paring ukup kolunon.

IBRANI 12:1

Nah, tohou ihto bongon, ang kodiling ihto anai aro sino saksi! Tului orih, olai ihto dian paring ijo ngombahat ihto, tutang dusa ijo turus lehket aang ihto. Tutang olai ihto honong bokehtep nyuru kosolanja ijo anai ang toharep ihto.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

IBRANI 4:2

Kotului Kabar Hinut rih jari tomborihta ahkan ihto, sama kolou ahkan iro. Tahpi ahkan iro borihta rih eam anai gunaioh. Kotului kotihka iro ngonihoh iro eam porocaya.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!

YAKOBUS 5:20

ingat auh ayat tuh: Ulun ijo ngomin ulun bodusa ngulos tahkan jalaioh ijo sala, ulun rih nyolamat homboruan ulun bodusa rih, tahkan popahtoi, tutang kotuluioh aro dusa tonapunoh. Horomat ihkai, Yakobus

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 1:9

Tului titun koporocaya'kam johcok, yorih, kosolamatan homboruan'mu.

1 PETRUS 2:1

Kotului orih, dianrih tahkan arop'mu kokaro ang ja'at; ara hino hobalik, tutang ara bopura-pura. Ara bohiri ahtoi, tutang ara mohina ulun bohkon.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.