YAKOBUS 1:19 - BOWOT BOHUA

¹⁹ Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

YAKOBUS 1:19 ပူးပေါင်းရင်းမြစ်များ

MATEUS 5:22

Tahpi huntuh, Ahku nuhtui ahkan'kam, ia-iai bosingi umba ulun bohkon, ahkan tomosara; tutang ia-iai hololea ulun bohkon ahkan tomosara ang toharep Majelis Agama. Tutang ia-iai ngohawot umba ulun bohkon, ‘Uong’, harus tonyahkah nokuh ahpui norahka.

MARKUS 12:37

Jadi, amat Dawid bongoi ngohawot io Lahca Ponyolamat rih, ‘Tuhan,’ koloukuwoh tou Io tahkan lihit Dawid?’’ Ulun aro ijo anai ang Lohpou Tuhan rih sanang ngonih Yesus majar.

MARKUS 2:2

Turus aro ulun lombut. Iro hokorumbung ang anan nyiring eam anai hino unuk. Ang bauntukang ka tuwi umba ulun. Turus Yesus nyiar borihta tahkan Pohotala ahkan iro.

LUKAS 15:1

Aang sino ondou, aro ponagih pajak tutang ulun-ulun ijo konohawot eam pios bain ulun aro, lombut ngonih Yesus.

LUKAS 19:48

tahpi eam nyombang jalan ahkan nguan hal orih, tului paring ulun toturus beweu ngonih Io, tutang totarik umba dolang auh-Oh.

KESAH RASUL-RASUL 1:15

Ang ihco ondou kotihka iro rahat hopuhpung – anai kowa solahtus duo pulu behti ijo dumah – Petrus tombok mangat bopander umba ulun aro. Io nuhtui,

KESAH RASUL-RASUL 10:33

Orih kotului orih ahku jion, nyuhu ulun tulak na'ah tuan. Tutang Tuan tu'u-tu'u ulun hinut ahtoi kani lombut nokuh ohtoi. Huntuh ihkai paring hopuhpung ang ohtoi ang tohimo Pohotala, ahkan ngonihoh paring ijo Pohotala nyuhu Tuan nuhtuioh, ahkan ihkai.’’

KESAH RASUL-RASUL 13:48

Ang ohkot ulun-ulun uhtus bohkon ijo eam Yahudi ngonih orih, iro jorih ahtoi samasino, turus monara-nara auh Tuhan. Tutang ulun-ulun ijo jari konahtuh bain Pohotala ahkan norima pombolum sojahti tutang kototahiu, ulun-ulun rih porocaya.

KESAH RASUL-RASUL 17:11

Ulun-ulun Berea labih bokuap ahtoi'ndo, tahkan ulun-ulun ang Tesalonika. Honong sanang ahtoi iro ngonih borihta tohou Yesus tutang nyinong ondou iro moriksa Surat Borasih ahkan ngota'an inon ajar Paulus rih morong.

KESAH RASUL-RASUL 2:42

Hawui kokehtep iro bajar tahkan rasul-rasul rih, tutang toturus hopuhpung hombo-homboh. Iro kuman hombo-homboh tutang bodo'a hombo-homboh.

EPESUS 4:26

Amat ihkam sangit, ararih mohonou kosangit rih, kotuluioh ihkam bodusa. A'airih bosingi sohopus ondou,

EPESUS 4:31

Dianohrih karon anyam koporos ahtoi, dondam tutang kosingi. A'ai hino bokociak-ciak tutang mongajea-jea. Ara hino anai anyam hiri ata'ai anyam bohkon ijo sama mahcam orih.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

KOLOSE 3:8

Tahpi huntuh hondakrih ihkam dian hal-hal ijo ja'at tahkan arop'kam; a'ai hino bosingi, ata'ai ngamuk, ata'ai ngina nanyam bohiri toharep ulun bohkon. Ara samasino nyoluka tahkan nyaman'kam auh-auh cahci mahki, ata'ai auh ijo kojilok.

1 TESALONIKA 2:13

Anai hino ihco hal bohkon, ijo napa ihkai toturus norimakasih ahkan Pohotala. Hal rih iorih, ijo ang ohkot ihkai monyapai borihta tahkan Pohotala ahkan'kam, ihkam ngonih tutang norima borihta rih, eam kolou borihta tahkan ulun, tahpi kolou borihta ijo moro-morong tahkan Pohotala. Iorih ijo rahat bogawi a'ang arop'kam ijo porocaya umba Kristus.

YAKOBUS 1:16

Ara ihkam totihpu, Konduang-konduang'ku ijo tongasih.

YAKOBUS 1:2

Konduang-konduang! Amat ihkam nyuru mahca-mahcam ujian, hondakrih ihkam komo borutung.

YAKOBUS 1:26

Amat anai ihcobehti, ijo ngomo aropoh ihcobehti ijo te'et boagama, tahpi io eam monjaga ilatoh, mahka io ngobula aropoh bongoi; sombayangoh eam anai gunaioh.

YAKOBUS 2:1

Konduang-konduang! Kolou ulun ijo porocaya umba Tuhan Yesus Kristus, Tuhan Ijo Mahahoromat, ara ihkam ngobohkon-bohkon ulun hogalang hal-hal koului.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

YAKOBUS 3:10

Tahkan nyama ijo sama, soluka auh-auh torimakasih, tutang auh-auh tulat. Soharusoh eam kolourih!

YAKOBUS 4:11

Konduang-konduang, ara saling moncela ata'ai monosalan. Ulun ijo moncela ata'ai nosalan konduangoh ijo sama-sama Kristen, io moncela ata'ai nosalan hukum Pohotala. Tutang amat ihkam nosalan hukum Pohotala, orih rimai ihkam eam numbun hukum-hukum rih, molekan monjadi hakimoh.

YAKOBUS 5:12

Ijo pahtukoh samasino, iorih: Ara nulut pios demi langit, kanika demi tana, ata'ai demi inonka iou. Ngohawotrih iou, ‘‘Yo’’ amat konohuang'mu yo, tutang ‘‘Eam’’ amat konohuang'mu eam; mangat ihkam ara tonopahas hukum bain Pohotala.

YAKOBUS 5:19

Konduang-konduang'ku! Amat ang louk ihkam anai ihcobehti ijo eam monutut hino ajar tahkan Pohotala, turus ihcobehti ijo bohkon ngomin, ulun rih hoduli nokuh Pohotala,

1 YOHANES 2:21

Jadi, ahku nyurat tuh ahkan'kam, eamoh tului ihkam eam kosono ajaran ijo morong, tahpi malah bain ihkam jari ngosonooh, tutang ihkam ka'a kota'an ijo eam anai alik a'ang ajaran ijo morong rih.