YAKOBUS 1:17 - BOWOT BOHUA

¹⁷ Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

YAKOBUS 1:17 ပူးပေါင်းရင်းမြစ်များ

MATEUS 7:11

Oluka ihkam ja'at, ihkam tou ka'a nonga ijo hinut ahkan anak-anak'kam. Mahi hino Amai'kam ang soruga! Io molowi hino ahkan nonga ijo hinut ahkan ulun ijo nyawot umba Io.

LUKAS 11:13

Oluka ihkam ja'at, ihkam ta'an ka'a nonga ijo pios ahkan anak'kam. Mahihino Amai'kam ijo ang soruga! Io ahkan nonga Roh-Oh ahkan iro ijo nyawot umba Io!’’

YOHANES 1:9

Koloang sojahti ijo mopoloang paring kolunon, lombut nokuh kolunon.

YOHANES 3:27

Yohanes mutah, ‘‘Kolunon eam duon anaingina ino-inon amat eam tononga Pohotala ahkaioh.

YOHANES 3:3

Yesus mutah, ‘‘Porocayarih, eam ihcobehti ka duon monjadi anak uhkup Pohotala, amat io eam konanakrih hoduli.’’

YOHANES 8:12

Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

KESAH RASUL-RASUL 11:18

Ulirih ngonih auh orih iro eam nosalan io hino. Turus iro monara Pohotala. Iro nuhtui, ‘‘Amat kolouorih ulun-ulun bohkon Yahudi ka tononga kosapet bain Pohotala ahkan hubah tahkan dusa-dusan iro tutang ngenang pombolum ijo sojahti!’’

KESAH RASUL-RASUL 5:31

Tutang Pohotala jari nonga ahkai-Oh ponuot tutang kowasa ijo isung monjadi Okon tutang Ponyolamat; mangat uhtus Israel tononga kosapet ahkan hubah tahkan dusa-dusaoh, tutang ngonduon pongapunan.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

1 KORINTUS 4:7

Iai ijo ngonjadi Konduang labih tahkan ulun bohkon? Eamlah dolang aang'co Konduang norimaoh tahkan Pohotala? Jadi ombai kani ngojuhu arop, kolo-kolou inon ijo anai aang Konduang rih, eam ang'co ijo tononga?

2 KORINTUS 4:6

Pohotala ijo nuhtui, ‘‘Kohondakoh tahkan luwang kopindong lombut koloang,’’ Pohotala orihrih ka'a ijo polombut koloang rih ang luwang ahtoi ihto, mangat tirukihtung ihto monjadi boloang tutang duon ngosono korolondang Pohotala ijo monyingah aang boun Kristus.

EPESUS 1:18

Ahku nyawot mangat Pohotala nguap tiruk'kam nyiring monjadi boloang; mangat ihkam horahti inon ijo ihkam dahpot harapoh tahkan Pohotala ijo na'ah ihkam. Ka'a mangat ihkam ta'an eaminon botusuh borehkat-borehkat ijo bohinoi ijo tonahtap Pohotala ahkan ukup-Oh,

EPESUS 2:8

Pohotala mongasih ihkam, orih kotuluioh Io kani nyolamat ihkam, kotului ihkam porocaya umba Yesus. Kosolamat ihkam rih, eam tahkan bua usaha'kam bongom. Orih anairih ponongan Pohotala. Jadi, eam aro ihcobehti ka ijo dahpot mopojuhu aropoh tohou hal orih.

PILIPI 1:29

Kotului Pohotala jari nonga pononga ahkan'kam, eam tihkas ahkan porocaya umba Kristus, tahpi ka'a ahkan komo kokarot bagi Kristus.

1 TIMOTEUS 6:16

Iorih iou ijo eam tou tonokowasa bain popahtoi; Io bolum ang koloang ijo eam dahpot tongondoni bain iaika ka'a. Eam aro ihcobehti ulunka ijo pu'u nohto-Oh, ata'ai dahpot nohto-Oh. Ahkai-Oh horomat tutang kowasa ahkan turus-jahamoh! Amen.

IBRANI 13:8

Yesus Kristus tohtap sama, pios lomoi, uhuntuh, tutang nyiring turus-jahamoh.

YAKOBUS 1:5

Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

YAKOBUS 3:15

Kopihtaran mahcam orih eam asar tahkan soruga. Io asar tahkan kolunon, tahkan kojolik ulun tutang tahkan sehtan!

YAKOBUS 3:17

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

1 YOHANES 1:5

Tuhrih borihta ijo jari ihkai ngonih tahkan Anak-Oh, tutang ijo ihkai monyiaroh ahkan ihkam; Pohotala rih koloang, tutang aang Io eam anai kopindong samasino.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 21:23

Lowu rih eam usah ngorolondang mahtanondou ata'ai bulan, bain kohajon Pohotala ijo ngoloangoh, tutang Anak Tobiri rih anairih ahkan sumbuoh.

PONGORINAH 22:5

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.