YAKOBUS 1:12 - BOWOT BOHUA

¹² Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

YAKOBUS 1:12 ပူးပေါင်းရင်းမြစ်များ

MATEUS 10:22

Ihkam ahkan tongohiri bain paring ulun, tului ihkam murid-Ku. Tahpi ulun ijo tehen nyiring laiuoh ahkan tonyolamat.

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

LUKAS 6:22

Kosanangoh ihkam, amat konohiri ulun, tonulak, tonohina tutang tonopitnah bain tului Anak Ulun!

RUMA 5:4

tutang kokehteprih mangat ngonjorian ulun tahan tihkos; tuhrih ijo mopolombutoh koharap.

RUMA 8:28

Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

1 KORINTUS 2:9

Tombalikoh, hal rih, anai kolou auh ijo tonyurat aang Surat Borasih, ‘‘Inon ijo eam pu'u tonopahjah ata'ai konahan kobain ulun, tutang eam pu'u hino lombut aang tiruk ulun orih ijo tonahtap Pohotala ahkan ulun-ulun ijo sita Io.’’

1 KORINTUS 8:3

Tahpi ulun ijo tu'u-tu'u sita Pohotala, Io tongosono kobain Pohotala.

1 KORINTUS 9:25

Nyinong ulun ijo rahat a'ang bolatih, nahan arop a'ang kokaron hal-hal. Io nguan hal orih tului io jolik tonyaling umba modali hadiah rih, iorih modali ijo bojoin rusaknihou. Tahpi ihto tuh nahan arop aang kokaron hal, kotului ihto jorik tonyaling umba modali ijo eam duon rusaknihou.

2 TIMOTEUS 2:15

Hondakrih ihko bousaha tu'u-tu'u mangat tongahku bain Pohotala, kolou ulun ijo layak bogawi bagi-Oh. Bousaha iou mangat ihko eam mia tohou gawin'mu, molekan majar hawui kona ajaran-ajaran morong tahkan Pohotala.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 10:32

Ingat rih koloukuwoh koada'an Konduang-konduang ang ohkot ijo nokalou. Ang ohkot rih, ulijari koloang Pohotala nyingah'kam, ihkam aro mongarot; tahpi ihkam tohtap molawan umba kogigih.

IBRANI 11:17

Kotului porocaya ka'a, mahka Abraham monyorah Isaak monjadi porahpah kotihka io tonguji Pohotala. Ahkan Abrahamrih Pohotala nonga bowot-Oh, tahpi Abraham rela nonga anakoh ijo baya ihco-ihcooh rih.

IBRANI 12:5

Tutang ara nolingou tingak Pohotala tuh, ijo tononga ahkan'kam kolou anak-anak-Oh: ‘‘Anak-Ku nohtoanioh pio-pios ajaran Tuhan, tutang ara koik ahtoi amat Io nyingi ihko.

IBRANI 6:15

Abraham ngindoi honong sabar, mahka io norima inon ijo jari tonobowot ahkaioh.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

YAKOBUS 5:11

Iro konohawot sanangmangat tului iro tabah. Ihkam ius ngonih tohou kosabar Ayub, tutang ihkam ta'an koloukuwoh Tuhan ang laiuoh momborehkat Io. Tului Tuhan paham kasihsayang tutang hinut ahtoi.

1 PETRUS 3:14

Tahpi sinoka ihkam harus ngarot kotului nguan hal-hal ijo hinut, ihkam botuah! Ara mihkoh umba iai ka, tutang ara kowatir.

1 PETRUS 4:13

Malah, hondakrih ihkam nanjam sanang, kotului umba ngarot hihco umba Kristus. Mahka noin amat kohajon Kristus tongorinah, ihkam ahkan tongojorih.

1 PETRUS 4:14

Ihkam botuah amat ihkam tonohina, kotului ihkam murid Kristus. Orih rimai Roh ijo tohoromat yorih Roh Pohotala anai aang ihko.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 PETRUS 5:4

Tutang ang ohkot Sokahtik Hajo rih lombut noin, ihkam ahkan norima mahkota ijo gomilang, ijo eam ahkan kawus kogomilangoh.

1 YOHANES 4:19

Ihto mongasih, tului Pohotala jari labih houn mongasih ihto.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.