TITUS 2:2 - BOWOT BOHUA

² Ningakrih ulun-ulun bahkas ijo ohko, mangat iro nahan aropoh, bijaksana tutang bolum kolou ulun ijo pahtut tonohoromat. Iro harus ka'a nambit aang ajaran ijo morong tahkan Pohotala, mongasih honong soporuna, tutang ngarot honong tabah.

TITUS 2:2 ပူးပေါင်းရင်းမြစ်များ

MARKUS 5:15

Iro lombut nokuh Yesus, turus nohto ulun nanai ijo tonyalung roh ja'at rih beteng io tuot ang anan, io jari hopokajan tutang tirukoh ka'a jari borondong. Mahka iro paringoh monjadi mihkoh.

LUKAS 8:35

Turus ulun-ulun soluka ahkan nohto inon ijo nyolung. Iro lombut nokuh Yesus, tutang ang anan iro nyombang ulun ijo jari, bokuhkoi tahkan roh-roh ja'at rih, rahat tuot doni pa'an Yesus. Io jari hopokajan tutang tirukoh jari morong. Iro monjadi mihkoh.

KESAH RASUL-RASUL 24:25

Tahpi kotihka Paulus noturus panderoh tohou komorong, tutang tahan kojolikbolai, tutang tohou hukum ang Ondou Kiamat, mahka Pelik monjadi paham mihkoh turus nuhtui, ‘‘Ihko tou tulak huntuh. Ahku ahkan na'ah ihko hino amat anai kosapet.’’

RUMA 12:3

Pohotala jari nonga pononganasi ahkak'ku. Orih kotuluioh ahku moningakoh Konduang-konduang paringoh: Ara komo arop labih isun tahkan ijo kotu'uioh. Hondakoh Konduang-konduang monilai koada'an arop'kam honong randah ahtoi; nyino-nyinong behti monilai aropoh numbun koduon ijo tonongaoh Pohotala ahkaioh bain kotului io porocaya ahkan Yesus.

1 KORINTUS 15:34

Borondongrih uhuntuh, tutang a'ai hino nguan dusa. Kopantasoh ihkam harus mia, ijo ang louk ihkam anai ijo jaha kosono Pohotala.

1 KORINTUS 9:25

Nyinong ulun ijo rahat a'ang bolatih, nahan arop a'ang kokaron hal-hal. Io nguan hal orih tului io jolik tonyaling umba modali hadiah rih, iorih modali ijo bojoin rusaknihou. Tahpi ihto tuh nahan arop aang kokaron hal, kotului ihto jorik tonyaling umba modali ijo eam duon rusaknihou.

2 KORINTUS 5:13

Amat ihkai puna topahjahoh jari bobucon, orih anairih demi gunan Pohotala. Tutang amat ihkai gihtanoh waras, orih demi kogunai ahkan ihkam.

GALATIA 5:23

Iro randah ahtoi tutang sanggup ngowasa aropoh. Eam anai hukum agama ijo ngohana hal-hal kolourih.

PILIPI 4:8

Laiuoh, Konduang-konduang, nyuangrih tiruk'kam umba hal-hal borega, ijo pahtut tonara, yorih hal-hal ijo morong, ijo tonohoromat, ijo adil, borasih, manih, tutang pios.

1 TESALONIKA 5:6

Tului rih ihto eam tou tiru-tiruh iou kolou ulun bohkon. Ihto harus bosodia tutang tiruk ihto harus boloang.

1 TESALONIKA 5:8

Tahpi ihto tuh, ulun-ulun ijo barih aang hondou ijo boloang; tului rih tiruk ihto harus boloang. Ihto harus tehtep porocaya umba Tuhan tutang ngasi ulun-ulun bohkon hawoi bokoharap honong yakin, ijo Pohotala ahkan monyolamat ihto. Orihrih sonjata ijo ngolindung ihto a'ang kolahi molawan kopindong.

1 TIMOTEUS 1:10

toharep ulun-ulun kihal, bahkas ngoruh bahkas, ponahput, pobula, monjadi saksi-saksi alik, tutang inon iou ijo nguan hal-hal ijo hokolawan umba ajaran ijo morong.

1 TIMOTEUS 1:14

Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

1 TIMOTEUS 1:5

Titun tingak'ku tuh, anairih mangat ulun dahpot ngina ahtoi ijo hinut tutang ahtoi bua ijo tu'u borasih, hawui tu'u-tu'u porocaya umba Tuhan, tutang honong kodorih iro dahpot hosita sama aropoh.

1 TIMOTEUS 3:11

Oruh iro ka harus ulun ijo hinut, eam ulun ijo jolik mandernohou desas-desus. Iro harus kota'an nahan aropoh tutang jujur a'ang kokaro hal.

1 TIMOTEUS 3:2

Ihcobehti pohalu ukup harusrih ulun ijo earo kosalai, tutang tihkas ihco iou oruhoh, ngota'an nahan aropoh, pihtar, tutang tertib, io jolik norima ulun ang luwang lohpouoh, tutang tou majar ulun,

1 TIMOTEUS 3:4

Io harus ta'an ngahtur lohpou awuoh honong pios, tutang mondidik anak-anakoh mangat te'et, tutang io horomat ahkaioh.

1 TIMOTEUS 3:8

Pondohop ang ukup harusrih ka'a ulun ijo pios tutang tulus; eam mahta duitan tutang eam jolik ngorih paham aro tuak.

1 TIMOTEUS 5:1

Ara ihko bosingi honong paham umba ulun ijo labih oko tahkanumba ihko, molekan mahkatiou io ngonih auh-auh'mu, koloujahka io amai'mu. Nguanumbarih iro ulun-ulun biou, kolou konduang'mu,

TITUS 1:13

Inon ijo tonuhtui bain nabi rih puna morong. Orih kotuluioh ihko harus ningak iro hawui tegas; mangat iro tohtap nambit ang ajaran ijo morong,

TITUS 1:8

Io harus sanang norima ulun ang lohpouoh, jolik ahkan hal-hal ijo pios, duon nahan aropoh, morong, borasih tutang toahtur.

TITUS 2:7

A'ang kokaron hal, hondakrih ihko monjadi sutu hadat ijo hinut. Amat ihko majar, ihko harus bujur tutang tu'u-tu'u.

PILEMON 1:9

Tahpi tului ahku ngasih Konduang, ahku tihkas nyawot iou. Ahku ihcobehti oko, tutang huntuh rahat tonahan ang luwang sipir kotului Kristus Yesus.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

2 PETRUS 1:6

tutang ang bambai pongotaan, ihkam harus ka'a dahpot mongowasa arop. Tutang bohkonumba dahpot mongowasa arop, hondakrih ihkam ka'a momupuk arop, ahkan tabah noharep kokaron aang'co. Ang bambai tabah noharep kokaron aang'co, ihkam harus ka'a bolum numbun konohuang Pohotala.