RUMA 8:6 - BOWOT BOHUA

⁶ Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

RUMA 8:6 ပူးပေါင်းရင်းမြစ်များ

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 14:6

Yesus mutah, ‘‘AHKU TUH JALAN AHKAN NGOSONO POHOTALA TUTANG NGONDAHPOT POMBOLUM. EAM ARO IHCOBEHTI KA DAHPOT LOMBUT NOKUH AMAI AMAT EAM NOKALOU AHKU.

YOHANES 17:5

Amai! Pohajoohrih Ahku uhuntuh aang Amai, honong kohajo ijo Ahku tepui hihco Amai sounumba kolunon tuh tona'oi.

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 5:10

Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 6:21

Aang ohkot rih, koutungan inon ijo jari ihkam norimaoh tahkan hal-hal, ijo huntuh ihkam mia nguaioh? Gawi-gawi orih tihkas ngomin ihto nihtu popahtoi!

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 7:11

Kotului nguha hukum agama rih, dusa sapet nyolong nihpu tutang munu ahku.

RUMA 7:5

Tului, lomoi ihto bolum numbun sipat-sipat kolunon. Aang ohkot orih kojolik-kojolik ijo bodusa, ijo lombut kotului anaioh hukum agama, nambit paranan a'ang arop ihto. Orih kotuluioh ihto nguanoh hal-hal ijo kojoriaioh nitu popahtoi.

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

RUMA 8:27

Mahka Pohotala ijo ngota'an usin ahtoi ulun, horahtiu konohuang Roh rih. Tului Roh rih nyawot ahkan Pohotala, bagi ukup Pohotala tutang tohorong umba konohuang Pohotala.

RUMA 8:7

Ulun ijo tirukoh tongowasa bain tobiat kolunon, ulun rih homusuh umba Pohotala, kotului ulun rih eam tunduk umba hukum Pohotala; tutang puna io eam tou tunduk ahkan hukum Pohotala.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

GALATIA 6:8

Amat ulun ngombulan numbun tobiat kolunoioh, io ahkan ngohtom popahtoi tahkan tobiatoh rih. Tahpi amat io ngumbulan numbun totiring Roh Pohotala, io ahkan ngohtom pombolum sojahti tutang kototahiu tahkan Roh Pohotala.