RUMA 8:5 - BOWOT BOHUA

⁵ Ulun-ulun ijo bolum numbun tobiat kolunon, toturus niruk inon ijo tongojolikoh bain tobiat kolunon. Tahpi ulun-ulun ijo bolum numbun Roh Pohotala toturus niruk inon ijo tongojolikoh bain Roh Pohotala.

RUMA 8:5 ပူးပေါင်းရင်းမြစ်များ

MARKUS 8:33

Tahpi Yesus ngulos tutang nopahjah murid-murid-Oh, turus ningak Petrus, ‘‘Hahtun tahkan ohtoi, Ponihkos! Tiruk'mu rih tiruk ulun; bohkon tiruk Pohotala!’’

YOHANES 3:6

Kolunon socara behtiu konanakrih bain ulun oko, tahpi cara rohani konanakrih bain Roh Pohotala.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

1 KORINTUS 15:48

Ulun-ulun kolunon tuh uras kolou Adam ijo pahtukoh; ijo tonapa tahkan tana, tahpi ulun-ulun soruga uras kolou Io ijo lombut tahkan soruga.

1 KORINTUS 2:14

Ulun ijo eam anaingina Roh Pohotala, eam dahpot monorima inon ijo ngorinah bain Roh rih. Kotului bagi ulun rih dolang hal konohawot kolou ihco kouong bewe. Ulun rih eam duon mohorahtioh, tului hal-hal rih tihkas duon tonilaioh numbun rohani.

2 KORINTUS 10:3

Ihkai puna magun bolum ang luwang kolunon, tahpi ihkai eam hokolahi hogalang titun kolunon 'kai.

GALATIA 5:17

Tului kojolik kolunon hokolawan umba kojolik Roh Pohotala, tutang kojolik Roh Pohotala hokolawan umba kojolik kolunon. Kododuooh saling hokolawan, nyiring ihkam eam dahpot nguan inon ijo ihkam jolikoh.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

2 PETRUS 2:10

khususoh ulun-ulun ijo numbun kojolik-kojolik bolai iro ijo kojilok tutang ijo mohina kowasan Pohotala. Kolourih kohanyi tutang kojuhuoh guru-guru polasu rih nyiring iro eam teka-tekan mohina dolang aangbolum ijo tonohoromat ang soruga ka!