RUMA 8:33 - BOWOT BOHUA

³³ Iairih ijo duon ngugat ihto ukup ihco konopili Pohotala, amat Pohotala bongoi ngorinah ijo ihto eam bosala?

RUMA 8:33 ပူးပေါင်းရင်းမြစ်များ

MATEUS 24:24

Bain ahkan lombut ponyolamat pobula tutang nabi-nabi pobula. Iro ahkan nguan gawi-gawiu ijo luar biasa, tutang tandahelan-tandahelan ahkan mobula, amat touduon, taput uhkup ain Pohotala ka'a.

LUKAS 18:7

Orih, inon Pohotala eam ahkan ngomorong porokara ukup-Oh bongoi ijo nyawot dohop umba Io hondou tutang ngolomi? Inon Io ahkan nguluh kotihka ahkan ndohop iro?

RUMA 3:26

Tahpi huntuh Io botindak toharep dusa-dusan ahkan ngorinah komorong-Oh. Umba cara orih Io pokarahoh ijo arop-Oh morong, tutang nyinong ulun ijo porocaya ahkan Yesus, ponokarah-Oh kolou ulun ijo jari hokohinut hoduli umba Pohotala.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

GALATIA 3:8

Surat Borasih jari nohto labih soun, ijo Pohotala mongonduon ulun-ulun bohkon Yahudi, hokopios hoduli umba Pohotala, amat iro porocaya umba Io. Kabar Hinut rih tonyorihta labih houn ahkan Abraham ang bowotoh tuh, ‘‘Nguha ihko, Pohotala ahkan mborehkat paring ukup kolunon, ang isun tana.’’

1 TESALONIKA 1:4

Ihkai ta'an, Konduang-konduang, ijo Pohotala mongasih ihkam tutang ius mitih ihkam monjadi ulun-Aiu ijo khusus.

TITUS 1:1

Anak'ku Titus! Ahku, Paulus, nyurat surat tuh kolou jihpon Pohotala tutang rasul Yesus Kristus. Ahku tonopili, tutang tonyuhu, ahkan dohop ulun-ulun ijo tonopili Pohotala, mangat monjadi ba'as a'ang koporocayan iro. Ahku ka'a harus ngagalan iro mangat kosono ajaran ijo morong ijo tongajarrih bain agaman ihto.