RUMA 8:29 - BOWOT BOHUA

²⁹ Iro ijo jari konopili bain Pohotala, jari ka'a tonahtap tahkan toparai-Oh ahkan monjadi samakolou umba Anak-Oh, io rih Yesus Kristus. Honong kodorih, Anak rih monjadi ijo pahtuk ang louk aro Konduang-konduang-Oh.

RUMA 8:29 ပူးပေါင်းရင်းမြစ်များ

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MATEUS 28:10

“Ara mihkoh,” hion Yesus umba iro, “tulak nuhtui ahkan konduang-konduang-Ku, mangat'ndo tulak nokuh Galilea; ang anan iro ahkan nohto Ahku.”

MATEUS 7:23

Tahpi Ahku ahkan muhtah, ‘Ahku eam pu'u ngosono ihkam! Hahtun tahkan ohtoi, ihkam ijo nguan koja'at!’ ”

YOHANES 17:16

Sama haloh, kolou Ahku eam ain kolunon, iro ka eam ain kolunon.

YOHANES 17:19

Bagi gunan iro, Ahku nyorahoh arop kolou ain 'cokobilah Amai, mangat iro ka monjadi 'cokobilah ain Amai nguha kotu'u.

YOHANES 17:26

Ahku jari ngorinah aran Amai ahkan iro; tutang Ahku ahkan toturus nguai kodorih, mangat kasih Amai ahkak-Ku tohtap ang luwang ahtoi iro tutang Ahku hihco umba iro.’’

YOHANES 20:17

‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

RUMA 11:2

Eam! Pohotala eam dian ukup Aiu ijo jari tongopili-Oh tahkan topahtuk. Konduang-konduang kota'an inon ijo tonyurat a'ang Surat Borasih tohou Elia, kotihka io ngadu soal Israel umba Pohotala. Elia nuhtui,

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

RUMA 9:23

Pohotala ka'a boniat ngorinah ahkan ihto kosanangkomangat molowi-lowi ijo tonusuh-Oh ahkan ihto ijo ponokasih-Oh. Ihto jari tonahtap-Oh ahkan monorima kosanangkomangat rih.

1 KORINTUS 15:49

Koloukuwoh ihto uhuntuh, anai kolou Adam ijo tonapa tahkan tana, mahka noin ihto ahkan monjadi kolou Io ijo tahkan soruga rih.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 KORINTUS 8:3

Tahpi ulun ijo tu'u-tu'u sita Pohotala, Io tongosono kobain Pohotala.

2 KORINTUS 3:18

Huntuh boun ihto paringoh eam tonuhtup sondurung, tutang ihto nopulang kolondangsilou Tuhan Yesus. Tutang bain kotului orih ihto hototurus tongubah monjadi kolou Io; mahi tahi ihto monjadi mahi ngolondangsilou. Kolondangsilou rih tahkan Roh, tutang Roh rih anairih Tuhan.

EPESUS 1:11

Pohotala monguan kokaron aangihco, numbun kojolik-Oh tutang kopuhtusai-Oh bongoi. Tahkan pahtuk Io jari mitih ihto, tului Io jolik mangat ihto monjadi ukup-Oh kotului hihco umba Kristus.

EPESUS 4:24

Kohondakrih ihkam bolum kolou kolunon bohua ijo tona'oi numbun pola Pohotala; iorih umba tobiat ijo morong, bujur tutang borasih.

PILIPI 3:21

Behtin ihto ijo bolomu tutang duon maram tuh, ahkan konubah bain Kristus monjadi kolou behtin Aiu bongoi ijo borasih. Io dahpot nguan orih kotului Io anai-ngina kowasa duon pominda kokaro aangihco.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.