RUMA 8:28 - BOWOT BOHUA

²⁸ Ihto kota'an, ijo Pohotala ijo ngahtur kokaron hal nyiring momua ijo pios ahkan ulun-ulun ijo ngasih Io, tutang ijo tona'ah-Oh, tohorong umba rancana-Oh.

RUMA 8:28 ပူးပေါင်းရင်းမြစ်များ

MARKUS 12:30

Sita Tuhan Pohotalan'kam hapan kotuwi ahtoi'kam, tutang hapan koparing homboruan'kam, hapan sohopus ahkar'kam, tutang honong kokaro koba'as'mu.’

KESAH RASUL-RASUL 13:48

Ang ohkot ulun-ulun uhtus bohkon ijo eam Yahudi ngonih orih, iro jorih ahtoi samasino, turus monara-nara auh Tuhan. Tutang ulun-ulun ijo jari konahtuh bain Pohotala ahkan norima pombolum sojahti tutang kototahiu, ulun-ulun rih porocaya.

RUMA 11:29

Tului amat Pohotala mitih ulun tutang mborehkat ulun rih, Pohotala eam pu'u nguhut huli inon ijo ius konuai-Oh.

RUMA 8:30

Kodorihrih Pohotala na'ah iro ijo jari tonahtap-Oh labih soun; tutang iro ijo tona'ah-Oh rih, nongajalan-Oh hokopios hoduli umba Pohotala. Tutang iro ijo nongajalan Io hokopios hoduli umba Pohotala ngomin bagian a'ang pombolum ain Pohotala bongoi.

RUMA 9:11

Sounumba duo behti anak rih konanak, Pohotala jari nuhkas pitih-Oh ahkan hototurusoh. Pitih Pohotala rih eam bogatung umba inon ijo duon konuan bain ulun, tahpi bogatung umba pona'ah Pohotala bongoi. Tului aang ohkot koduo anak bahkas Rabeka rih jaham duon nguan aang'co ijo pios ata'ai ijo ja'at.

1 KORINTUS 1:24

Tahpi bagi ulun-ulun ijo jari tona'ah bain Pohotala – pios io ulun Yahudi, kanika ulun bohkon Yahudi – borihta rih kolou caraoh Pohotala ngorinah kowasa tutang kopihtar-Oh.

1 KORINTUS 1:9

Pohotala dahpot tomorocaya labihtuwioh. Iorih Pohotala ijo jari na'ah ihkam ahkan monjadi ihco umba Anak-Oh, iorih Yesus Kristus, Tuhan ihto.

1 KORINTUS 2:9

Tombalikoh, hal rih, anai kolou auh ijo tonyurat aang Surat Borasih, ‘‘Inon ijo eam pu'u tonopahjah ata'ai konahan kobain ulun, tutang eam pu'u hino lombut aang tiruk ulun orih ijo tonahtap Pohotala ahkan ulun-ulun ijo sita Io.’’

2 KORINTUS 5:1

Tului ihkai kota'an ijo amat lohpou – orihrih behti-ijo ihto mohconoh ang kolunon tuh konahkas, Pohotala ahkan nyodia bagi ihto ihco lohpou ang soruga, ijo konuan bain Pohotala bongoi tutang ijo tahan turus-jahamoh.

GALATIA 1:15

Tahpi kotului kopios ahtoi Pohotala, Io ngopili ahku hounmba ahku konanak, tutang na'ah ahku ahkan mohalu Io.

GALATIA 1:6

Ahku helan tohou Konduang-konduang! Ihkam tona'ah Pohotala bain tului ponongaasin Kristus, tahpi huntuh ihkam kodorih jeleng nolihkut Pohotala tutang nutut ‘‘kabar pios’’ ijo bohkon tahkanmba Kabar Hinut ijo tahkan Pohotala.

GALATIA 5:8

Musti ijo nguan rih, eamrih Pohotala ijo jari na'ah ihkam!

EPESUS 3:11

Pohotala nguan rih tohorong umba rancana-Oh ijo kototahiu, ijo tononguai-Oh hawui nguha Kristus Yesus Tuhan ihto.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

PILIPI 3:14

Orih kobaiuoh ahku nokoru toturus nitu titui laiu, ahkan duon komanang, yorih pombolum ijo ang soruga; ahkan orihrih Pohotala na'ah ihto nguha Kristus Yesus.

1 TESALONIKA 5:9

Pohotala mitih ihto eam ahkan tonohukum, tahpi ahkan tonyolamat, nguha Tuhan ihto Yesus Kristus.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

2 TIMOTEUS 2:19

Tahpi galang segah ijo tonapa bain Pohotala eam dahpot hungge. Ang ngosanoh tonyurat tuh: ‘‘Tuhan ngosono ulun-ulun ijo aiou-Oh,’’ tutang ‘‘Ulun ijo nuhtui ijo io ain Tuhan, ulun orih harus tondo nguan gawi ijo sala.’’

IBRANI 9:15

Orihrih kotuluioh, Kristus monjadi Poholat, ahkan ihco bowot ijo bohua, mangat ulun ijo jari tona'ah bain Pohotala, dahpot norima borehkat-borehkat abadi, ijo jari tonobowot bain Pohotala. Paringoh orih dahpot nyolung, kotului jari anai ijo mahtoi, yorih Kristus; tutang popahtoi-Oh rih morodehka ulun tahkan kosalai-kosalai ijo iro nguaioh ang ohkot bowot ijo pahtuk magun hapan.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 3:9

Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

1 PETRUS 5:10

Tahpi uli ihkam ngarot pondehan, Pohotala bongoi ahkan nguan ihkam nyolung soporuna. Io ahkan monombok tutang ngomba'asoh ihkam hawui podehen ihkam. Bain Io anairih Pohotala ijo paham pios ahtoi, ijo ius na'ah ihkam umba mokomo kohajoi-Oh ijo abadi nguha Kristus.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

1 YOHANES 4:19

Ihto mongasih, tului Pohotala jari labih houn mongasih ihto.

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.