RUMA 8:26 - BOWOT BOHUA

²⁶ Kodorih ka'a Roh Pohotala lombut dohop ihto, amat ihto bolomu. Tului ihto eam kota'an koloukuwoh soharusoh, ihto bodo'a; Roh rih bongoi noharep Pohotala ahkan nyawot baginihto, hawui rindu ijo paham timbon nyiring eam duon konohawot.

RUMA 8:26 ပူးပေါင်းရင်းမြစ်များ

MATEUS 10:20

Tului inon ijo ahkan ponander'kam ang ohkot rih, bohkon ihkam, molekan Roh Amai ijo ang soruga, nguha ihkam.

MATEUS 20:22

“Ihkam eam kota'an inon ijo ihkam nyawotoh,” hion Yesus umba iro. “Sanggup ihkam ngorih tahkan sakir koporos ijo harus Ahku ngorih?” “Sanggup,” hion'ndo.

LUKAS 22:44

Yesus karas ngarot cara mboruai, nyiring Io mahi tu'u-tu'u bodo'a. Horas-Oh kolou daha mohceu nokuh tana.]

YOHANES 14:16

Ahku ahkan nyawot ahkan Amai, tutang Io ahkan nonga ahkan'kam Pondohop bohkon, ijo ahkan mohcon dahang ihkam nyiring turus-jahamoh.

RUMA 15:1

Ihto ijo tu'u-tu'u yahkin, ahkan inon ijo ihto porocayaoh, harusrih sabar toharep kobahat-kobahatoh ulun bohkon ijo bolomu koporocayaoh. Ara ihto tihkas nyanang arop ihto bongon iou.

RUMA 7:24

Nah, koloutuhrih koada'ak'ku; ahku moneet hukum Pohotala umba akal dasar'ku, tahpi honong tobiat kolunok'ku, ahku kalah aang dusa. Pahamrih kocolahkaioh ahku tuh! Iai ijo kani monyolamat ahku tahkan behtik'ku tuh, ijo ngomin ahku nokuh popahtoi? Botorimakasih ahku ahkan Pohotala! Io kani monyolamat ahku nguha Tuhan Yesus Kristus.

RUMA 8:15

Tului Roh, ijo tonongaoh bain Pohotala ahkan ihkam, eamrih napa ihkam monjadi jihpon nyiring ihkam bolum ang luwang kihkoh. Tobalikoh Roh Pohotala rih, ngonjorian ihkam anak-anak Pohotala. Tutang honong kowasa Roh Pohotala rih, tona'ah Pohotala rih, ‘‘Abba, io Amai'ku!’’

2 KORINTUS 5:2

Ang luwang lohpou ijo huntuh tuh, ihto munguh tului ihto rindu samasino mohcon ang luwang lohpou ihto ijo ang soruga orih.

2 KORINTUS 5:4

Kotahin ihto mohcon ang luwang lohpou ijo tahkan tana tuh, ihto munguh kotului puat ihto bahat. Eamoh kotului ihto jolik bolohkak tahkan behtin ihto ijo tahkan tana tuh. Tahpi tului ihto jolik mokehpanoh behtin ihto ijo tahkan soruga rih, mangat behtin ihto ijo tou mahtoi tuh, tongowasa bain ijo bolum.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

EPESUS 2:18

Umba poholat Kristus ihto paring – pios ulun Yahudi, oluka ulun bohkon Yahudi – kobain Roh Pohotala ijo ihco, dahpot ngondoni Amai.

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

IBRANI 4:15

Imam hajo ain ihto rih, bohkon tahkan imam ijo eam dahpot umba nginyam kolomun-kolomun ihto. Sobalikoh, Io jari tonihkos a'ang karo hal, sama kolou ihto bongon; tihkas Io eam napa dusa!

IBRANI 5:2

Imam hajo rih bongoi bolomu a'ang karo hal, tutang kotului orih io tou nguan kolomu lembai, toharep ulun-ulun ijo eam ta'an ino-inon, tutang ijo sosat jalaioh.

YAKOBUS 4:3

Tutang amatka ihkam jari nyawotoh, ihkam ka eam ngondahpotoh, tului titun ponyawot'kam sala; inon ijo ihkam nyawotoh bayarih ahkan kosanang arop'kam bongon.