RUMA 8:23 - BOWOT BOHUA

²³ Tutang eamoh sohopus kolunon bewe ijo ngorunguh; ihto bongon ka ngorunguh ang luwang homboruan'to. Ihto jari norima Roh Pohotala, kolou ponongan Pohotala ijo pahtukoh, tahpi ihto magun ka'a ngindoi Pohotala nguwat arop ihto paringoh, tutang ngonjorian ihto monjadi anak-anak-Oh.

RUMA 8:23 ပူးပေါင်းရင်းမြစ်များ

LUKAS 20:36

Iro sama kolou molehkat, tutang eam tou mahtoi. Iro orih paringoh anak-anak Pohotala, tului iro jari tongombolum huli tahkan kopahtoi.

LUKAS 21:28

Amatmira hal-hal orih nopara nyolung, kuat tutang ngahtang kuhung'mu, bain honjulu hino ihkam ahkan tonyolamat.’’

RUMA 5:11

Tutang molowi tahkanumba rih, ihto hokojorih ka'a ngosan kohinut Pohotala nguha Tuhan ihto Yesus Kristus. Tului nguha Yesus Kristus, ihto huntuh nginyam kohihco ijo morong rih honong Pohotala.

RUMA 5:3

Tutang molowi tahkan orih, ihto ka jorih ang luwang kokarot, tului ihto kota'an ijo kokarot rih napa ulun monjadi bokehtep,

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

RUMA 7:24

Nah, koloutuhrih koada'ak'ku; ahku moneet hukum Pohotala umba akal dasar'ku, tahpi honong tobiat kolunok'ku, ahku kalah aang dusa. Pahamrih kocolahkaioh ahku tuh! Iai ijo kani monyolamat ahku tahkan behtik'ku tuh, ijo ngomin ahku nokuh popahtoi? Botorimakasih ahku ahkan Pohotala! Io kani monyolamat ahku nguha Tuhan Yesus Kristus.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

1 KORINTUS 1:7

nyiring ihkam eam kurang ihco borehkat ka, pondehan ihkam ngindoi Tuhan ihto Yesus Kristus lombut, tutang gihtan kobain paring ulun.

2 KORINTUS 1:22

Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

2 KORINTUS 7:5

Kotihka ihkai johcok ang Makedonia ka, ihkai samasino eam sapet istirahat. Tahkan kokaro lahpak, ihkai dahpot kosusah; tahkan lahpak bohkon kolahi, tahkan luwang ahtoi bongon kihkoh.

GALATIA 5:5

Tahpi bagi ihkai, ihkai bokoharap, ijo honong pondohop Roh Pohotala tutang hogalang koporocayan ihkai umba Kristus, Pohotala touduonrih ahkan ihkai hokopios umba Io.

EPESUS 1:14

Roh orihrih njaminoh ijo ihto ahkan norima inon ijo jari tonobowot Pohotala ahkan ukup-Oh. Tuh nonga koyakinan ahkan ihto ijo Pohotala ahkan momorodehka ukup-Oh. Tonotararih Pohotala kotului kohajoi-Oh!

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

TITUS 2:13

Uhuntuh ihto rahat ngindoi Ondou, ijo ihto paham mohara-harapoh rih; ang Ondou orih rih kolunon ahkan nohto kohajon Yesus Kristus, yorih Pohotala Mahahajo tutang Lahca Ponyolamat ihto.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.