RUMA 8:2 - BOWOT BOHUA

² Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

RUMA 8:2 ပူးပေါင်းရင်းမြစ်များ

YOHANES 4:10

Yesus mutah, ‘‘Jahkaioh ihko kota'an ponongan Pohotala tutang iai ijo nyawot korih umba ihko, musti ihko bongom ijo nyawot danum umba-Oh, tutang Io ahkan nonga ahkan'kam danum bolum.’’

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 6:63

Ijo nguan ulun bolum iorih Roh Pohotala. Koba'as ulun eam aro gunaioh. Auh-auh ijo tonuhtui-Ku ahkan'kam tuh, anairih auh-auh Roh Pohotala tutang auh-auh ijo nonga pombolum.

YOHANES 8:32

mahka ihkam ahkan ngosono Pohotala ijo morong, tutang bain kotului orih ihkam ahkan tomorodehka.’’

YOHANES 8:36

Kotului orih, amat Anak momorodeka ihkam, ihkam tu'u-tu'u morodeka.

RUMA 16:3

Nyampaioh tabe'ku ahkan Priskila tutang Akwila jolahak'ku ijo hombo-homboh bogawi ahkan Kristus Yesus.

RUMA 3:27

Bain kotului orih eam anai hino alasan, bagi ihto ahkan tama-tamam. Ombai kodorih? Inonrih, kotului ihto nguan ijo tomihtik a'ang hukum agama Yahudi? Eam. Tahpi tului ihto porocaya.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

RUMA 6:18

Ihkam ius tonoliwusoh tahkan dusa, tutang huntuh monjadi jihpon ahkan kohondak Pohotala.

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

RUMA 7:21

Jadi ahku ngomin kobulatoh, ijo hukum tuhrih ijo nambit paranan; yorih ijo amat ahku jolik nguan ijo pios, mahka tihkas ijo ja'at bewe ijo lombut aang ahku.

RUMA 7:23

tahpi ahku sadar ijo luwang behtik'ku anai hino hukum bohkon ijo nambit paranan – io rih hukum, ijo hokolawan umba hukum ijo konolik'ku bain akal dasar aik'ku. Orih kotuluioh ahku tojorat aang hukum dusa ijo nambit paranan ang luwang arop'ku.

RUMA 7:4

Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

2 KORINTUS 3:17

Nah, Tuhan ijo konohuangoh ang ohtoi, anairih Roh. Tutang ang umoh Roh Tuhan anai, ang anan ka'a anai komorodehkaan.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

GALATIA 2:19

Tahpi ahku jari mahtoi toharep hukum agama – tomunu bain hukum rih bongoi – mangat ahku dahpot bolum bagi Pohotala. Ahku jari tomahpak umba Kristus.

GALATIA 5:1

Ihto uhuntuh morodehka! Tului Kristus jari momorodehka ihto! Tului rih potahanohrih komorodehka'kam, tutang ara kani tonojihpon hino.

GALATIA 6:2

Hondakoh ihkam saling hokodohop ngohtun puat ulun bohkon ka'a mangat umba kolourih ihkam moneet poretah Kristus.

YAKOBUS 1:25

Hukum Pohotala soporuna, tutang anaingina koba'as ahkan momorodehka kolunon. Tutang ulun ijo monoliti tutang nohtoani pio-pios hawui molalusoh hukum-hukum rih, tutang eamoh ngonih iou turus nolingouoh, ulun rih ahkan ponorehkat Pohotala a'ang nyinong hal ijo tonguaioh.

PONGORINAH 11:11

Uli tolu sotongah ondou, lombut hasong bolum tahkan Pohotala, tutang nyolong hino koluwang koduo behti nabi rih. Iro ka hikat tombok, nyiring paring ulun ijo nohto iro, nyolung mihkoh samasino.

PONGORINAH 22:1

Molehkat rih ka'a ngorinah ahkak'ku, sungoi ijo danumoh nonga pombolum. Sungoi rih mongorinjap kolou kristal, tutang nohasak tahkan pododusan Pohotala, tutang Anak Tobiri rih.