RUMA 8:16 - BOWOT BOHUA

¹⁶ Roh Pohotala sama-sama umba Roh ihto, mongorinah, ijo ihto tuh anairih anak-anak Pohotala.

RUMA 8:16 ပူးပေါင်းရင်းမြစ်များ

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

LUKAS 20:36

Iro sama kolou molehkat, tutang eam tou mahtoi. Iro orih paringoh anak-anak Pohotala, tului iro jari tongombolum huli tahkan kopahtoi.

YOHANES 1:12

Olukolouorih anai ka'a ulun ijo norima Io tutang porocaya umba-Oh; iro tononga-Oh hak monjadi Anak Pohotala,

KESAH RASUL-RASUL 5:32

Ihkai tuh saksi-saksioh tohou paring orih rih – ihkai tutang ka'a Roh Pohotala ijo tononga bain Pohotala ahkan ulun-ulun ijo numbun poretah-Oh.’’

RUMA 8:14

Ulun-ulun ijo toniting bain Roh Pohotala, anairih anak-anak Pohotala.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

RUMA 8:23

Tutang eamoh sohopus kolunon bewe ijo ngorunguh; ihto bongon ka ngorunguh ang luwang homboruan'to. Ihto jari norima Roh Pohotala, kolou ponongan Pohotala ijo pahtukoh, tahpi ihto magun ka'a ngindoi Pohotala nguwat arop ihto paringoh, tutang ngonjorian ihto monjadi anak-anak-Oh.

RUMA 8:26

Kodorih ka'a Roh Pohotala lombut dohop ihto, amat ihto bolomu. Tului ihto eam kota'an koloukuwoh soharusoh, ihto bodo'a; Roh rih bongoi noharep Pohotala ahkan nyawot baginihto, hawui rindu ijo paham timbon nyiring eam duon konohawot.

RUMA 9:26

Tutang ang unuk ang umoh tonuhtui ahkan ulun, ‘Ihko bohkon ukup-Ku,’ ang anan ulun-ulun rih ahkan konohawot anak-anak ain Pohotala ijo bolum.’’

RUMA 9:8

Orih rimai ijo lihit Abraham ijo monjadi anak-anak Pohotala, baya lihitoh ijo konanak tului bowot Pohotala. Tutang bohkon tahkan paring lihitoh.

2 KORINTUS 1:12

Ihkai tamam, tului ahtoi bua ihkai, moyakin ihkai, ijo pombolum ihkai ang kolunon tuh – pahtukoh kohihco ihkai umba Konduang, ius ihkai nihtoioh hawui ihlas, tutang borasih. Ihkai nguan orih rih eam tului kohorahtin ulun, tahpi tului koulih ijo tononga Pohotala.

2 KORINTUS 1:22

Ahkan orih Pohotala jari monsah ihto monjadi Aiou-Oh, tutang nonga Roh Aiu ang luwang ahtoi ihto kolou jaminan, ijo Io ahkan nonga ahkan ihto paring ijo tonobowot-Oh.

2 KORINTUS 5:5

Ijo monyodiarih ihto ahkan orihrih, anairih Pohotala bongoi, tutang Io nonga Roh-Oh ahkan ihto kolou jaminan.

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 4:30

A'airih monyedihoh ahtoi Roh Pohotala. Ihkam jari tonyegel umba Roh monjadi ain Pohotala. Roh rih ka'a monjadi jaminan, ijo Ondou Komorodehka ahkan lombut ahkan'kam.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

1 YOHANES 3:10

Tuhrih kobohkoioh holat anak-anak Pohotala umba anak-anak Sehtan; ia-iai eam nguan kohondak Pohotala, ata'ai eam masi konduangoh, io bohkon Anak Pohotala.

1 YOHANES 3:2

Konduang-konduang ijo tonyita! Ihto huntuh anairih anak-anak Pohotala, tahpi koada'an ihto noin, jaha korinah. Tahpi ihto ta'an ijo amat Kristus lombut, ihto ahkan nyolung kolou Io, kotului ihto ahkan nohto Io a'ang koada'an-Oh ijo komorongoh.

1 YOHANES 4:13

Bain kotului Pohotala jari nonga ahkan ihto Roh-Oh, mahka ihto ta'an ijo ihto jari bolum hihco umba Pohotala, tutang Pohotala bolum hihco umba ihto.

1 YOHANES 5:10

Kotului orih, ulun ijo porocaya ahkan Anak Pohotala jari norima kosaksian rih ang luwang ahtoioh; tahpi ulun ijo eam anai koporocaya umba Pohotala, jari ngohu soahkan-ahkan Pohotala pobalik. Tului io eam porocaya, inon ijo tonuhtui Pohotala tohou Anak-Oh.

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.