RUMA 8:14 - BOWOT BOHUA

¹⁴ Ulun-ulun ijo toniting bain Roh Pohotala, anairih anak-anak Pohotala.

RUMA 8:14 ပူးပေါင်းရင်းမြစ်များ

MATEUS 5:9

Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

YOHANES 1:12

Olukolouorih anai ka'a ulun ijo norima Io tutang porocaya umba-Oh; iro tononga-Oh hak monjadi Anak Pohotala,

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

RUMA 8:5

Ulun-ulun ijo bolum numbun tobiat kolunon, toturus niruk inon ijo tongojolikoh bain tobiat kolunon. Tahpi ulun-ulun ijo bolum numbun Roh Pohotala toturus niruk inon ijo tongojolikoh bain Roh Pohotala.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

RUMA 9:26

Tutang ang unuk ang umoh tonuhtui ahkan ulun, ‘Ihko bohkon ukup-Ku,’ ang anan ulun-ulun rih ahkan konohawot anak-anak ain Pohotala ijo bolum.’’

RUMA 9:8

Orih rimai ijo lihit Abraham ijo monjadi anak-anak Pohotala, baya lihitoh ijo konanak tului bowot Pohotala. Tutang bohkon tahkan paring lihitoh.

2 KORINTUS 6:18

Ahku ahkan monjadi Amai'mu, tutang ihkam ahkan monjadi anak-anak-Ku, kolouorih hion Tuhan Ijo Mahakowasa.’’

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

GALATIA 4:5

Honong kodorih, Io momorodehka ulun-ulun ijo bolum ang pinda kowasan hukum agama; mangat ihto ka dahpot monjadi anak-anak Pohotala.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

GALATIA 5:16

Kohondak koloutuh: Nauhoh Roh Pohotala niting ihkam tutang ara bolum numbun kojolik tobiat kolunon.

GALATIA 5:18

Tahpi amat Roh Pohotala ijo niting ihkam, mahka ihkam eam tokowasa bain hukum agama.

EPESUS 1:5

mahka Io ius ngahtuh labih sounlomoi ijo nguha Yesus Kristus, Io ahkan potuot ihto monjadi anak-anak Aiu bongoi. Tutang puna orih rih ijo jolik tononguai-Oh.

EPESUS 5:9

Kobain tahkan koloang rih, lombut karon mahcam angkonuan ijo hinut, bujur tutang tehtek aang topahjah Pohotala.

1 YOHANES 3:1

Nohtorih, eaminon Pohotala masi ihto, nyiring ihto tongahku kolou anak-anak-Oh. Tutang puna ihto anai rih anak-anak Pohotala. Orihrih bainoh kolunon ijo ja'at tuh eam kosono ihto, kotului kolunon eam ngosono Pohotala.

1 YOHANES 3:24

Paring ulun ijo te'et ahkan poretah-poretah Pohotala, bolum hihco umba Pohotala, tutang Pohotala hihco umba iro. Tutang ihto ta'an amat Pohotala bolum hihco umba ihto, kotului Io jari nonga Roh-Oh ahkan ihto.

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.