RUMA 8:11 - BOWOT BOHUA

¹¹ Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

RUMA 8:11 ပူးပေါင်းရင်းမြစ်များ

YOHANES 14:17

Io rih Roh Pohotala ijo ahkan ngorinah komorong tohou Pohotala. Kolunon eam dahpot norima Io, kotului eam nohto ata'ai eam ngosono-Oh. Tahpi ihkam ngosono Io, kotului Io mohcon umba ihkam, tutang ahkan ihco honong ihkam.

YOHANES 5:21

Amai rih ngomonyun ulun mahtoi, tutang nonga ahkan iro pombolum sojahti tutang kototahiu; kodorih ka Anak nonga pombolum ijo kototahiu ahkan ulun ijo kani tononga-Oh pombolum.

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

RUMA 16:10

Tabe ahkan Apeles. Kokehtepoh umba Kristus jari gihtan. Tabe'ku ka'a ahkan bobuhan Aristobulus,

RUMA 16:3

Nyampaioh tabe'ku ahkan Priskila tutang Akwila jolahak'ku ijo hombo-homboh bogawi ahkan Kristus Yesus.

RUMA 16:7

Nyampaioh ka'a tabe'ku ka'a ahkan Andronikus tutang Yunias. Iro ihcolihting uhtus umba ahku tutang pu'u nyolong sipir hombo-homboh ahku. Houn umba ahku porocaya umba Kristus, iro soun porocaya. Iro bosewut louk dolang rasul.

RUMA 16:9

Nyampaioh iou horomat'ku umba Urbanus, jolahan ihto ijo bogawi hombo-homboh umba ihto, ahkan Kristus. Ka'a horomat'ku ahkan Stakhis ijo ahku ngasioh.

RUMA 6:12

A'ai hino mohonourih dusa mongowasa pombolum'kam ijo usang, Konduang ara numbun konohuang ihkam ijo ja'at.

RUMA 8:1

Uhuntuh eam anai hino pohukuman toharep iro ijo bolum hihco umba Kristus Yesus.

RUMA 8:12

Orihrih kotuluioh, Ari-Konduang, ihto tepun tanggung-jawab; tahpi bohkon tanggung-jawab ahkan tobiat kolunon; ihto eam porulu bolum numbun kojolikoh.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

1 KORINTUS 15:16

Tului amat ulun mahtoi eam tonombolum hoduli, mahka Kristus ka, eam tonombolum hoduli tahkan popahtoi.

1 KORINTUS 6:14

Pohotala jari mombolum behtin Tuhan Yesus tahkan popahtoi, kodorih ka'a Pohotala ahkan mombolumoh ihto, hapa kowasa-Oh.

2 KORINTUS 4:11

Kotahin ihkai bolum, ihkai toturus tongipa bain pompohtoi tului Yesus, mangat umba kolourih pombolum Yesus ka tou korinah aang behtin ihkai ijo eambunggut tuh.

2 KORINTUS 4:14

Ihkai yakin, ijo Pohotala ijo jari ngombolum hoduli Tuhan Yesus, ahkan ngombolum ihkai ka'a honong Yesus, tutang ngomin ihkam tutang ihkai nokuh toharep-Oh.

2 KORINTUS 5:4

Kotahin ihto mohcon ang luwang lohpou ijo tahkan tana tuh, ihto munguh kotului puat ihto bahat. Eamoh kotului ihto jolik bolohkak tahkan behtin ihto ijo tahkan tana tuh. Tahpi tului ihto jolik mokehpanoh behtin ihto ijo tahkan soruga rih, mangat behtin ihto ijo tou mahtoi tuh, tongowasa bain ijo bolum.

GALATIA 6:8

Amat ulun ngombulan numbun tobiat kolunoioh, io ahkan ngohtom popahtoi tahkan tobiatoh rih. Tahpi amat io ngumbulan numbun totiring Roh Pohotala, io ahkan ngohtom pombolum sojahti tutang kototahiu tahkan Roh Pohotala.

EPESUS 2:5

nyiring ang ohkot ihto magun mahtoi socara rohani kotului koturung-koturung ihto, Io mombolum ihto hoduli hombo-homboh umba Kristus. Jadi tihkasrih kotului kopiosoh ahtoi Pohotala, ihkam tonyolamat kobaiu-Oh.

PILIPI 3:21

Behtin ihto ijo bolomu tutang duon maram tuh, ahkan konubah bain Kristus monjadi kolou behtin Aiu bongoi ijo borasih. Io dahpot nguan orih kotului Io anai-ngina kowasa duon pominda kokaro aangihco.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 11:11

Uli tolu sotongah ondou, lombut hasong bolum tahkan Pohotala, tutang nyolong hino koluwang koduo behti nabi rih. Iro ka hikat tombok, nyiring paring ulun ijo nohto iro, nyolung mihkoh samasino.