RUMA 8:10 - BOWOT BOHUA

¹⁰ Tahpi amat Kristus bolum ang luwang behtin'mu, mahka oluka behtin'kam ahkan mahtoi tului dusa, tahpika Roh Pohotala nonga pombolum ahkan'kam, kotului kohihco umba Pohotala jari pios.

RUMA 8:10 ပူးပေါင်းရင်းမြစ်များ

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 15:5

AHKU TUH PU'UN ANGGUR, TUTANG IHKAM RIH DA'AI-DA'AIOH. Ulun ijo tohtap hihco honong Ahku, tutang Ahku honong io, ahkan momua aro; tului earo Ahku, ihkam eam tou monguanoh ino-inon.

YOHANES 17:23

Ahku umba iro, tutang Amai umba Ahku; mangat iro moro-morong ihco. Mahka kolunon akan ta'an, ijo Amai iou ijo nyuhu Ahku, tutang ijo Amai ka'a ngasih iro, kolou Amai ka'a ngasih Ahku.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 6:54

Ulun ijo kuman usi-Ku tutang ngorih daha-Ku, io tepun pombolum sojahti tutang kototahiu, tutang Ahku ahkan ngobolumoh aang Ondou Kiamat.

YOHANES 6:56

Ulun ijo kuman usi-Ku tutang ngorih daha-Ku, io hihco honong Ahku, tutang Ahku honong io.

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

2 KORINTUS 13:5

Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! – bohkon haloh amat puna ihkam eam tu'u-tu'u porocaya.

2 KORINTUS 4:11

Kotahin ihkai bolum, ihkai toturus tongipa bain pompohtoi tului Yesus, mangat umba kolourih pombolum Yesus ka tou korinah aang behtin ihkai ijo eambunggut tuh.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 2:20

Uhuntuh bohkon hino ahku ijo bolum, tahpi Kristus ijo bolum luwang behtik'ku. Pombolum tuh ijo ahku ngumangoh huntuh, anairih pombolum bain porocaya umba Anak Pohotala ijo ngasih ahku, tutang ijo jari nyorah arop-Oh, ahkak'ku.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

PILIPI 1:23

Ahku tonyomba'an tahkan duo pihak. Ahku jolik sino nohtah kolunon tuh, mangat tulak mohcon umba Kristus, kotului orihrih ijo paling pios.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

KOLOSE 1:27

Ahkan ukup Aiu rih, Pohotala kani ngorinahoh eaminon kopiosoh tutang kohajooh rahasia-Oh rih bagi sohopus ukup kolunon. Rahasia orihrih, iorih: Kristus anai luwang arop'kam, ijorimai ihkam ahkan hawui nginyam kohajon Pohotala.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

IBRANI 12:23

Ihkam umba ihco puhpungpulou ijo rami – puhpungpulou rih ain anak-anak pongoko ain Pohotala, ijo arai-araioh tonoliting ang luwang soruga. Ihkam lombut noharep Pohotala. Hakim paring ukup kolunon. Ihkam noharep roh-roh, karo ulun-ulun hinut, ijo jari nyolung soporuna.

IBRANI 9:27

Pohotala jari nuhkas ijo ulun mahtoi sinotikat iou tutang iro uli rih tomosara bain Pohotala.

PONGORINAH 14:13

Turus ahku ngonih auh tahkan soruga nuhtui, ‘‘Nyuratrih tuh: Nopara huntuh, kosanangrih ulun-ulun ijo mahtoi rahat hino mohalu Tuhan!’’ ‘‘Morong!’’ putah Roh Pohotala. ‘‘Iro ahkan tondo bogawi paham, tului bua pohalu iro, toturus ahkan homboh iro.’’