RUMA 8:1 - BOWOT BOHUA

¹ Uhuntuh eam anai hino pohukuman toharep iro ijo bolum hihco umba Kristus Yesus.

RUMA 8:1 ပူးပေါင်းရင်းမြစ်များ

YOHANES 14:20

Amat lombut ondou orih, ihkam ahkan kota'an ijo Ahku hihco honong Amai, ihkam hihco honong Ahku, tutang Ahku hihco honong ihkam.

YOHANES 15:4

Tohtaprih hihco umba Ahku tutang Ahku ka'a ahkan tohtap hihco a'ang ihkam. Da'an bongoi eam tou momua, kocoali amat io tohtap aang batangoh. Kodorih ka'a ihkam tihkas tou momua, amat tohtap hihco a'ang Ahku.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

RUMA 16:3

Nyampaioh tabe'ku ahkan Priskila tutang Akwila jolahak'ku ijo hombo-homboh bogawi ahkan Kristus Yesus.

RUMA 16:7

Nyampaioh ka'a tabe'ku ka'a ahkan Andronikus tutang Yunias. Iro ihcolihting uhtus umba ahku tutang pu'u nyolong sipir hombo-homboh ahku. Houn umba ahku porocaya umba Kristus, iro soun porocaya. Iro bosewut louk dolang rasul.

RUMA 5:1

Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 5:16

Ponongan Pohotala ka'a mahcu labih hajo tahkanumba dusan ulun ijo ihco rih. Tului uliumba ihco behti nguan toturung, lombut ponis, ‘‘Bosala’’. Tahpi ulimba aro ulun nguan dusa lombutrih pononga tahkan Pohotala ijo bokorinahoh, ‘‘Eam Bosala’’.

RUMA 7:17

Jadi, eam hino ahku kotu'uioh ijo nguanoh orih molekan dusa ijo mongowasa arop'ku rih.

RUMA 7:20

Amat ahku nguaioh hal-hal, ijo eam ahku jolik nguaioh, orih rimai bohkon ahku ijo nguaioh hal-hal rih, molekan dusa ijo ngowasa behtik'ku dih.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

RUMA 8:14

Ulun-ulun ijo toniting bain Roh Pohotala, anairih anak-anak Pohotala.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

RUMA 8:39

pios hal-hal ijo ang langit, oluka hal-hal ijo ang luwang ngosan tana, ata'ai inon ka ijo bohkon, paringoh eam dahpot mohalang Pohotala ngasi ihto. Kolou ijo jari tongorinah-Oh nguha Yesus Kristus, Tuhan ihto.

RUMA 8:4

Pohotala nguanoh orih, mangat kohondak-Oh ijo tongorinahoh aang hukum agama Yahudi rih duon tomolalus ang arop ihto ijo bolum numbun Roh Pohotala tutang eam numbun tobiat kolunon.

RUMA 8:9

Tahpi amat ihkam eam bolum numbun tobiat kolunon. Ihkam bolum numbun Roh Pohotala – amat, puna kotuhkasoh, Roh Pohotala tu'u-tu'u nambit paranan ang luwang arop'kam. Ulun ijo eam anaitepun Roh Kristus, ulun orih bohkon ain Kristus.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

1 KORINTUS 15:22

Koloukuwoh sohopus kolunon uras mahtoi, kotului hobarih hihco umba Adam, kodorih ka'a paring ahkan tonombolum tului hobarih hihco umba Kristus.

2 KORINTUS 12:2

Ahku ngosono ihcobehti Kristen ijo opat bolas toun ijo soun, tonongahtang nokuh unuk ijo pongoisungoh ang soruga. (Ahku eam ta'an inon behtiu oh moro-morong konahtang ata'ai rih tihkas ihco ponopahjah – Pohotala iou ijo kota'an.)

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

GALATIA 3:26

Tului ihkam porocaya umba Kristus Yesus, mahka ihkam hihco umba Io; tutang bain kotului orih ihkam monjadi anak-anak Pohotala.

GALATIA 3:28

A'ang hal tuh, eam hino anai kobohkon holat ulun Yahudi tutang ulun bohkon Yahudi, holat jihpon tutang ulun morodehka, holat ulunbahkas tutang ulunbawi. Konduang paringoh ihco tului Kristus Yesus.

GALATIA 5:16

Kohondak koloutuh: Nauhoh Roh Pohotala niting ihkam tutang ara bolum numbun kojolik tobiat kolunon.

GALATIA 5:25

Roh Pohotala ius nonga ahkan ihto pombolum ijo bohua; bain kotului rih Io ka'a harus mongowasa pombolum ihto.

EPESUS 1:1

Ukup Pohotala ang Epesus, ijo bokehtep umba Kristus Yesus!

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.