RUMA 7:7 - BOWOT BOHUA

⁷ Amat kodorih, inon ijo tou ihto nuhtuioh? Ijo hukum agama Yahudi rih ja'at? Puna eam! Tahpi hukum rih ijo majar ahku tohou dusa. Ahku eam ahkan kota'an bokuhu rih inon, amat hukum agama rih eam nuhtui, ‘‘Ara bokuhu.’’

RUMA 7:7 ပူးပေါင်းရင်းမြစ်များ

MATEUS 5:28

Tahpi huntuh Ahku nuhtui ahkan'kam: iai ka'a nopahjah ihcobehti bawi tutang lombut kojolik ahtoioh, ulun rih jari hobandung umba ulunbawi orih rih aang ahtoioh.

LUKAS 12:15

Pongohuli, ahkan paring ulun ijo anai ang anan Yesus nuhtui, ‘‘Bua-buahrih, tutang borondong, ara nyiring ihkam bokuhu. Tului pombolum ulun eam bogatung umba ponahtouoh, oluka ponahtouoh holowi-holea.’’

LUKAS 20:16

Musti io ahkan lombut tutang munu ponggawi-ponggawi pomulan rih, turus nyarah pomulan rih ahkan ponyewa-ponyewa pumbulan ijo bohkon.’’ Ngonih orih, nuhtuirih ulun-ulun ahkan Yesus, ‘‘Samasino eam!’’

KESAH RASUL-RASUL 20:33

Jaha pu'u ahku jolik duit ata'ai hahtin tahkan ihcobehti ka.

RUMA 13:9

Tului hukum agama Yahudi, yorih: Ara hobandung; ara munu; ara nahkou; ara jolik tepun inon ijo ulun bohkon tepui; paringoh rih sama-sama umba hukum-hukum ijo bohkon, jari bulat monjadi ihco hukum iou, yorih, ‘‘Ngasirih sama ulun kolou ihko mongasi arop'mu bongom.’’

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 3:5

Tahpi amat komorong Pohotala jari mahi-mahi korinah, bain tului ihto nguan ijo eam morong, inonrih ijo kani ihto nuhtuioh? Ijo Pohotala eam adil amat Io mosara ihto? (Puna kisok orih wajar numbun kolunon.)

RUMA 4:1

Amat kodorih inon ijo duon ihto nuhtui, tohou Abraham tahtu ajuh uhtus ihto? Koloukuwohrih pongalamanoh?

RUMA 4:15

Hukum agama Yahudi mopolombut hukum Pohotala. Tahpi amat aturan Pohotala eam aro, mahka polanggar ka'a eam aro.

RUMA 5:20

Ijo nonga hukum agama Yahudi iorih Pohotala bongoi. Tahpi mahi-mahi ulun ngurah-jalan moneet hukum rih, mahi-mahi iro noturungoh tutang bodusa toharep Pohotala. Oluka kodorih, mahi-mahi ulun napa dusa, Pohotala mahi-mahi ka'a masi iro.

RUMA 6:15

Huntuh, kuwoh koloputai-Oh? Toukah ihto bodusa, tului ihto eam hino ang pinda kowasa hukum agama Yahudi, molekan ang pinda kowasa pononganasi Pohotala? Samasino eam!

RUMA 7:11

Kotului nguha hukum agama rih, dusa sapet nyolong nihpu tutang munu ahku.

RUMA 7:13

Ho, Inonrih tuh rimai tului ijo pios rih mopolombut popahtoi ahkak'ku? Puna eam! Dusa iou ijo polombut popahtoi rih. Honong hapa ijo pios, dusa polombut popahtoi ahkak'ku, mangat sipat-sipat dusa gihtan honong tarang. Nguha poretah-poretah Pohotala rih bobuktirih, eaminon koja'atoh dusa.

RUMA 7:5

Tului, lomoi ihto bolum numbun sipat-sipat kolunon. Aang ohkot orih kojolik-kojolik ijo bodusa, ijo lombut kotului anaioh hukum agama, nambit paranan a'ang arop ihto. Orih kotuluioh ihto nguanoh hal-hal ijo kojoriaioh nitu popahtoi.

RUMA 7:8

Nguha hukum agama, dusa sapet ahkan mopolombut kokaron mahcam kojolik ijo bokuhu ang luwang ahtoi'ku; kotului amat hukum agama eam aro, mahka dusa ka mahtoi.

1 KORINTUS 15:56

Wisa popahtoi iorih dusa, tutang dusa nguan gawiuoh nguha hukum agama.

EPESUS 5:3

Ihkam anairih ukup ain Pohotala. Kobainrih gawi-gawi ijo kihal, tutang ijo eam sanonoh, ata'ai ka kokuhurih ijo eam pahtut anai, ang tohun-tohun'kam. Ara nyiring ulun bohkon anaingina alasan ahkan nuhtui ijo ihkam nguan hal-hal kolourih.

KOLOSE 3:5

Kotului rih munuoh rih kojolik-kojolik kolunon ijo monderoh arop'kam, kolou kokihal, hal-hal ijo eam sanonoh, kojolikbolai, konohuang ijo ja'at, tutang kokuhu (tului kokuhu anairih kolou umba nyembah dewa).

1 TESALONIKA 4:5

Ara bolum nutut kojolik, jolikbolai toharep oruh'kam, kolou ijo konuan bain ulun-ulun ijo eam kosono Pohotala.

IBRANI 7:19

Hukum agama Yahudi, eam dahpot nguan angihco ka menjadi soporuna. Orih kotuluioh ihto uhuntuh tononga ihco koharap ijo labih hinut; honong rih ihto duon ngondoni Pohotala.