RUMA 7:6 - BOWOT BOHUA

⁶ Tahpi huntuh ihto eam hino konarut ang hukum agama Yahudi. Ihto jari mahtoi toharep hukum ijo lomoioh ngowasa ihto. Ihto eam hino bosorah honong cara ijo usang, numbun hukum ijo sonurat. Huntuh ihto bosorah numbun cara ijo bohua ijo ngorinah bain Roh Pohotala ahkan ihto.

RUMA 7:6 ပူးပေါင်းရင်းမြစ်များ

RUMA 1:9

Ahku toturus mingat ihkam amat ahku bodo'a. Pohotala nyaksioh, ijo inon ijo ahku nuhtui rih morong. Iorih Pohotala ijo ahku mohaluoh ang kotuwi ahtoi, hawui mborihta Kabar Hinut tohou Anak-Oh.

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

RUMA 6:11

Ihkam harus ka'a ngohu arop'kam mahtoi tahmo dusa, tahpi bolum a'ang kohico ijo tehen umba Pohotala, nguha Kristus Yesus.

RUMA 6:19

Tului koba'as norima'mu kolourih bolomu, ahku hapa sutu-sutu kojihpon, mangat ihkam labih jeleng nyolembangoh. Lomoi ihkam nyorah arop'kam koparingoh, monjadi jihpon ahkan hal-hal kojilok tutang ijo ja'at, ahkan konohuang-konohuang ijo ja'at. Kodorih ka'a huntuh, hondakrih ihkam monyarahoh arop koparingoh, monjadi jihpon bagi kohondak ain Pohotala, nguan konohuang-konohuang Pohotala ijo khusus.

RUMA 6:2

Puna eam! Dusa eam hino bokowasa umba ihto, jadi, kuwoh tou ihto hototurus bolum hawui napa dusa hino?

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

RUMA 6:4

Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

RUMA 7:1

Konduang-konduang'ku! Konduang paringoh jari ngosono hukum. Jadi, ihkam kota'an ijo kowasan hukum ijo ngosan ihcobehti, touhapan kotahin ulun rih magun bolum.

RUMA 7:2

Ihcobehti ulunbawi ijo ngomosai, porobasaoh, io konarut bain hukum umba bosaioh, tihkas kotahin bosaioh magun bolum. Amat bosaioh mahtoi, oruhoh rih tokuwat tahkan hukum ijo ngarut io umba bosaioh.

RUMA 7:4

Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

2 KORINTUS 3:6

Io iou ijo nguan ihkai nyanggup monjadi pohalu ahkan ihco bowot ijo bohua, bowot ijo bogatung tahkan Roh Pohotala, bohkon tahkan hukum ijo tonyurat. Tului ijo tonyurat orihrih ngomin popahtoi, rahatoh ijo Roh Pohotala rih nonga pombolum.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

GALATIA 6:15

Tonosunat ata'ai eam tonosunat, orih eam boguna. Ijo boguna io rih monjadi ulun bohua.

EPESUS 4:24

Kohondakrih ihkam bolum kolou kolunon bohua ijo tona'oi numbun pola Pohotala; iorih umba tobiat ijo morong, bujur tutang borasih.

PILIPI 3:3

Podahar ihto ulun-ulun ijo jari norima sunat ijo sojahti, bohkon iro. Ihto nyembah Pohotala hawui toniting Roh Pohotala bongoi, tutang ihto norimakasih kotului ihto bolum hihco umba Kristus Yesus. Ihto eam bokuak umba upacara ijo bosipat 'jogihtan.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.