RUMA 7:4 - BOWOT BOHUA

⁴ Kodorih ka'a hal-hal umba ihkam, Konduang-konduang'ku. Toharep hukum agama Yahudi ihkam jari mahtoi, tului ihkam ius ponohihco umba behtin Kristus, tutang monjadi barih Aiu, ijo ius tonombolum hoduli tahkan popahtoi. Io tonombolumoh tahkan popahtoi, ahkan ihto monjadi boguna bagi Pohotala aang pombolum ihto.

RUMA 7:4 ပူးပေါင်းရင်းမြစ်များ

MATEUS 26:26

Kotihka iro ulikuman, Yesus ngomin luhte, turus ngohawot do'a torimakasih. Pongohuli Io molah-molah luhte rih umba longoi-Oh, turus nongaoh ahkan murid-murid-Oh hawoi hioi, “Ngomin tutang kumai; jituh behtik-Ku.”

MARKUS 4:20

Tutang bonyi ijo toponyi ang tana ijo bosiwuh rih, nindung ulun-ulun ijo ngonih kabar orih tutang norimaoh, iro mua aro, anai ijo tolun pulu, anai ijo onom pulu, anai ijo solahtus tikat lihpet karon-buaoh.’’

YOHANES 15:8

Amat ihkam mua aro, Amai-Ku konohajo; tutang honong kodorih ihkam tu'u-tu'u monjadi murid-Ku.

YOHANES 3:29

Pongahten bawi rih anairih ain pongahten ijo bahkas. Sahabat pongahten bahkas rih tihkas tombok mambai tutang ngonih, tutang io sonang amat ngonih auh pongahten bahkas. Kodorih ka'a umba ahku. Uhuntuh ahku sonang samasino.

YOHANES 6:51

Ahkurih luhte ijo nosuluh tahkan soruga – luhte ijo nonga pombolum. Ulun ijo kuman luhte tuh ahkan bolum kototahiuoh. Luhte ijo ahkan Ahku nongaoh, ahkan pombolum ulun ang kolunon, anai rih usi-Ku.’’

RUMA 6:11

Ihkam harus ka'a ngohu arop'kam mahtoi tahmo dusa, tahpi bolum a'ang kohico ijo tehen umba Pohotala, nguha Kristus Yesus.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

RUMA 6:2

Puna eam! Dusa eam hino bokowasa umba ihto, jadi, kuwoh tou ihto hototurus bolum hawui napa dusa hino?

RUMA 6:22

Tahpi huntuh ihkam jari konuwatoh tahkan dusa tutang monjadi jihpon Pohotala. Koutungan'mu iorih ijo Konduang bolum khusus ahkan Pohotala tutang hal orih, momuaoh pombolum sojahti tutang kototahiu.

RUMA 7:3

Amat ulunbawi rih bolum umba ulunbahkas ijo bohkon aang uhun bosaioh magun bolum, mahka ulunbawi rih konohawot hobandung. Tahpi amat bosaioh jari mahtoi, mahka numbun hukum io bolohkak. Tutang amat io kani kawin hino umba ulunbahkas ijo bohkon mahka io eam konohawot hobandung.

RUMA 7:6

Tahpi huntuh ihto eam hino konarut ang hukum agama Yahudi. Ihto jari mahtoi toharep hukum ijo lomoioh ngowasa ihto. Ihto eam hino bosorah honong cara ijo usang, numbun hukum ijo sonurat. Huntuh ihto bosorah numbun cara ijo bohua ijo ngorinah bain Roh Pohotala ahkan ihto.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

1 KORINTUS 10:16

Aang ohkot ihto ngorih anggur honong ngohawot torimakasih ahkan Pohotala, eamkah orihrih korinah, ijo ihto hihco umba Kristus a'ang popahtoi-Oh? Tutang a'ang ohkot ihto milat nulat ruhte ahkan ukun hombo-homboh, eamkah orih korinah ijo ihto, anai hihco umba behtin Kristus?

2 KORINTUS 11:2

Ahku rindu umba'kam, kolou Pohotala bongoi ka rindu umba'kam. Ihkam anai kolou ihcobehti anakdara bujang tindih, ihco magun borasih, ijo jari ahku mbowotoh, ahkan tonongawinoh umba ihcobehti bosai, iorih Kristus.

GALATIA 3:13

Tahpi Kristus momorodehka ihto tahkan tulut hukum agama. Io nguan rih hawui mohonou arop-Oh tonulut tului ihto. Tului ang Surat Borasih tonyurat, ‘‘Tonulut ulun ijo mahtoi tonokuak ang kahju.’’

GALATIA 5:18

Tahpi amat Roh Pohotala ijo niting ihkam, mahka ihkam eam tokowasa bain hukum agama.

EPESUS 2:15

Hukum agama Yahudi hawui poretah-poretah tutang aturan-aturan-Oh jari tongudap bain Kristus, mangat duo uhtus rih monjadi ihco uhtus kolunon bohua, ijo hihco umba Io. Umba cara orihrih Kristus ngonjorian kobuah.

PILIPI 1:11

Pombolum'kam ahkan momurai umba karogawi ijo tu'u-tu'u pios, ijo baya dahpot tomutik bain Yesus Kristus bongoi; mahka Pohotala ahkan tonohajo tutang tohonara-nara.

PILIPI 4:17

Orih eam rimai ahku baya jolik norima pononga. Ijo ahku jolikoh iorih, mangat ahku duon nohto bua-bua ijo mondahang koutung'kam.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

KOLOSE 1:22

Tahpi huntuh, umba popahtoi Anak-Oh, Pohotala napa sambung ihkam umba Io, monjadi pios hoduli. Umba cara orih ihkam dahpot tonomin noharep Pohotala a'ang koada'an borasih, molinyou tutang earo salai.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

KOLOSE 2:14

tutang ngobalang surat-surat uhtang toharep ihto, ijo toturus mongancam ihto, umba sarat-sarat ijo bahat. Hawui nyopolahki surat rih ang kahju sopolahki, Pohotala ngudap paring dawa toharep ihto.

KOLOSE 2:20

Ihkam ius mahtoi hombo-homboh Kristus, tutang jari tomorodehka tahkan roh-roh ijo bokowasa ang pindalangit tuh. Nah, ombai ihkam bolum kolou ulun ijo magun konowasa bain kolunon tuh? Ombai ihkam tunduk umba poroturan-poroturan koloutuh?

IBRANI 10:10

Yesus Kristus jari nguan inon ijo tongohondak Pohotala tutang nyorah arop-Oh monjadi porahpah. Umba ponyorahan rih, ijo konuai-Oh tihkas sino iou ahkan turus-jahamoh, ihto paring tonomuhi tahkan dusa.

1 PETRUS 2:24

Kristus bongoi ngohtun dusa-dusan ihto aang arop-Oh ngosan kahju sopolahki, mangat ihto morodehka tahkan kowasan dusa, tutang bolum numbun konohuang Pohotala. Himang-himang Kristusrih ijo ngopios ihkam.

PONGORINAH 19:7

Olairih ihto jori-jorih tutang sanang; olairih ihto momuji kohajoi-Oh! Kotului jari johcok ondou pongawin ijo nambit galar Anak Tobiri rih, tutang pongahten-Oh jari tahtap molalus pongawin-Oh.

PONGORINAH 21:9

Ihco tahkan louk kopihtu molehkat, ijo jari nambit kondarah-kondarah ijo tuwi, umba kopihtu kosusah ijo laiu rih, lombut ahkak'ku tutang nuhtui, ‘‘Olai! Ahku ahkan ngorinah ahkan'mu Pongahten, yorih oruh Anak Tobiri.’’