RUMA 7:23 - BOWOT BOHUA

²³ tahpi ahku sadar ijo luwang behtik'ku anai hino hukum bohkon ijo nambit paranan – io rih hukum, ijo hokolawan umba hukum ijo konolik'ku bain akal dasar aik'ku. Orih kotuluioh ahku tojorat aang hukum dusa ijo nambit paranan ang luwang arop'ku.

RUMA 7:23 ပူးပေါင်းရင်းမြစ်များ

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

RUMA 6:19

Tului koba'as norima'mu kolourih bolomu, ahku hapa sutu-sutu kojihpon, mangat ihkam labih jeleng nyolembangoh. Lomoi ihkam nyorah arop'kam koparingoh, monjadi jihpon ahkan hal-hal kojilok tutang ijo ja'at, ahkan konohuang-konohuang ijo ja'at. Kodorih ka'a huntuh, hondakrih ihkam monyarahoh arop koparingoh, monjadi jihpon bagi kohondak ain Pohotala, nguan konohuang-konohuang Pohotala ijo khusus.

RUMA 7:14

Ihto kota'an ijo hukum agama Yahudi, asar tahkan Roh Pohotala, tahpi ahku tuh ulun bolomu. Ahku jari ponodagang monjadi jihpon dusa.

RUMA 7:21

Jadi ahku ngomin kobulatoh, ijo hukum tuhrih ijo nambit paranan; yorih ijo amat ahku jolik nguan ijo pios, mahka tihkas ijo ja'at bewe ijo lombut aang ahku.

RUMA 7:5

Tului, lomoi ihto bolum numbun sipat-sipat kolunon. Aang ohkot orih kojolik-kojolik ijo bodusa, ijo lombut kotului anaioh hukum agama, nambit paranan a'ang arop ihto. Orih kotuluioh ihto nguanoh hal-hal ijo kojoriaioh nitu popahtoi.

RUMA 8:2

Tului hukum Roh Pohotala ijo nguan ihto bolum hihco umba Kristus Yesus jari nguwat ahku tahkan hukum ijo kotuluioh dusa tutang popahtoi.

GALATIA 5:17

Tului kojolik kolunon hokolawan umba kojolik Roh Pohotala, tutang kojolik Roh Pohotala hokolawan umba kojolik kolunon. Kododuooh saling hokolawan, nyiring ihkam eam dahpot nguan inon ijo ihkam jolikoh.

IBRANI 12:4

Kotului a'ang kolawan'kam umba dusa, ihkam jaha pu'u hokolawan nyiring harus nusuh daha.

YAKOBUS 3:2

Ihto paringoh bojoin nguan kosalan. Tahpi ulun ijo eam pu'u nguan kosalan umba tuhtui-tuhtuioh, io ulun ijo soporuna, ijo duon mongowasa hopus aropoh.

YAKOBUS 4:1

Tahkan umoh asaroh karon kolahi, tutang botengkar ang louk ihkam? Eamorih rih asar tahkan kojolik-kojolik'kam, ijo turus iou hokolahi ang luwang behtin'kam, ahkan dahpot kosanang kolunon!

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.