RUMA 6:4 - BOWOT BOHUA

⁴ Umba pompondus orih, ihto tonanom umba Kristus tutang umba mahtoi homboh Io, mangat koloukuwohoh Kristus tonombolum tahkan popahtoi bain kowasan Amai ijo tonohoromat, kodorih ka ihto duon molalus ihco pombolum ijo bohua.

RUMA 6:4 ပူးပေါင်းရင်းမြစ်များ

YOHANES 11:40

Yesus nuhtui umba Marta, ‘‘Eamrih jari Ahku nuhtui ahkan'kam: Amat ihko porocaya, ihko ahkan nohto kodorih kohajoi kowasan Pohotala!’’

YOHANES 2:11

Orih rih tandahelan topahtukoh ijo tonapaoh Yesus. Io nguanoh orih ang Kana ang Galilea. Honong tanda orih Io ngorinahrih kohajoi-Oh. Mahka murid-murid-Oh porocaya umba Io.

KESAH RASUL-RASUL 2:24

Tahpi Pohotala ngoponyunoh Io huli tahkan louk ulun-ulun mahtoi. Io tonolon bain popahtoi, tahpi Pohotala moliwus-Oh, tului eam anaiharapan Io konowasa toturus bain popahtoi.

KESAH RASUL-RASUL 2:32

Yesus tuhrih ijo tonombolumoh hoduli tahkan louk ulun mahtoi bain Pohotala. Ihkai paring jari monyaksioh bangon 'kai hal orih.

RUMA 6:19

Tului koba'as norima'mu kolourih bolomu, ahku hapa sutu-sutu kojihpon, mangat ihkam labih jeleng nyolembangoh. Lomoi ihkam nyorah arop'kam koparingoh, monjadi jihpon ahkan hal-hal kojilok tutang ijo ja'at, ahkan konohuang-konohuang ijo ja'at. Kodorih ka'a huntuh, hondakrih ihkam monyarahoh arop koparingoh, monjadi jihpon bagi kohondak ain Pohotala, nguan konohuang-konohuang Pohotala ijo khusus.

RUMA 6:3

Ngota'ankah Konduang-konduang ijo aang ohkot ihto ponopondus, ihto ponohihco umba Yesus Kristus? Tuh rimai ihto ponohihco umba popahtoi-Oh.

RUMA 6:8

Amat ihto jari mahtoi homboh Kristus, ihto porocaya ijo ihto ka, ahkan bolum homboh Io.

RUMA 6:9

Kotului ihto ngota'an ijo Kristus jari tonombolumoh tahkan popahtoi, tutang Io eam ahkan mahtoi hino; popahtoi jari eam hino bokowasa ngosan arop-Oh.

RUMA 7:6

Tahpi huntuh ihto eam hino konarut ang hukum agama Yahudi. Ihto jari mahtoi toharep hukum ijo lomoioh ngowasa ihto. Ihto eam hino bosorah honong cara ijo usang, numbun hukum ijo sonurat. Huntuh ihto bosorah numbun cara ijo bohua ijo ngorinah bain Roh Pohotala ahkan ihto.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

1 KORINTUS 6:14

Pohotala jari mombolum behtin Tuhan Yesus tahkan popahtoi, kodorih ka'a Pohotala ahkan mombolumoh ihto, hapa kowasa-Oh.

2 KORINTUS 13:4

Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

2 KORINTUS 5:17

Ulun ijo jari hihco umba Kristus, monjadi kolunon bohua samasino. Ijo tahi jari eam aro hino – paringoh jari monjadi bohua.

EPESUS 4:17

Kotului rih demi aran Tuhan, tuhrih ijo ahkan ahku nuhtui tutang tegas; ara hino bolum kolou ulun-ulun ijo eam kosono Pohotala, tutang niruk ijo eam-eam.

EPESUS 5:8

Ihkam bongom lomoi anai ang luwang kopindong. Huntuh ihkam jari monjadi ukup Tuhan, jadi ihkam anai ang luwang koloang. Bain kotului rih ihkam harus bolum ang luwang koloang rih.

KOLOSE 3:10

Ihkam huntuh jari tononga pombolum ijo bohua. Ihkam anairih kolunon bohua, ijo rahat tombohua toturus bain Pona'oioh, yorih Pohotala, numbun tapai-Oh bongoi. Maksudoh iorih mangat ihkam ngosono Pohotala honong soporuna.

KOLOSE 4:1

Konduang-konduang ijo monjadi tuan! Hondakrih ihkam moretahgawi jihpon-jihpon'kam umba komorong tutang adil. Ingat, ijo ihkam ka tehpun ihcobehti tuan'kam ijo ang soruga.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 YOHANES 2:6

Ia-iai nuhtui ijo Io bolum hihco umba Pohotala, Io harus bolum nutut lohkun Kristus.