RUMA 6:23 - BOWOT BOHUA

²³ Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 6:23 ပူးပေါင်းရင်းမြစ်များ

MATEUS 25:46

Mahka ulun-ulun rih ahkan tomohukum umba hukuman ijo kototahiuoh, rahatoh ulun-ulun ijo numbun kohondak Pohotala ahkan ngomo pombolum ijo morong tu'u tutang kototahiu.”

YOHANES 10:28

Ahku nonga iro pombolum ijo sojahti tutang kototahiu, tutang turus-jahamoh iro eam ahkan rusak. Eamanai ihcobehti ka dahpot ngorabut iro tahkan longok-Ku.

YOHANES 17:2

Amai jari nonga kowasa ngosan sohopus ukup kolunon ahkan Anak, mangat Io nonga pombolum sojahti tutang kototahiu, ahkan paring ulun ijo Amai nongarih ahkai-Oh.

YOHANES 3:36

Ulun ijo porocaya ahkan Anak rih ahkan monorima pombolum ijo sojahti tutang kototahiu. Tahpi ulun ijo eam te'et ahkan Anak rih eam ahkan duon pombolum. Io tomohukum Pohotala nyiring kototahiuoh.

YOHANES 4:14

‘‘tahpi ulun ijo ngorih danum ijo ahkan Ahku nongaoh, io eam ahkan tojahbolai hino nyiring kototahiu. Tului danum ijo ahkan Ahku nongaoh rih ahkan monjadi lowong danum ang luwang aropoh ijo ngombuhak soluka tutang nongarih ahkaioh pombolum ijo sojahti tutang kototahiu.’’

YOHANES 4:36

Ulun ijo ngohtom ius nopara norima uhpahoh tutang nipun buaoh ahkan pombolum ijo sojahti tutang kototahiu. Mahka ulun ijo nuhkan tutang ulun ijo ngohtom dahpot ngandah hombo-homboh.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:27

Ara bogawi mangat dahpot ukun ijo tou opah tutang maram. Bogawirih mangat ngondahpot ukun ijo eam tou maram tutang ijo nonga pombolum sojahti tutang kototahiu. Ukun rih ahkan tononga bain Anak Ulun ahkan'kam, tului Io jari tonotuot bain Pohotala Amai.’’

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 6:68

‘‘Tuhan,’’ hion Simon Petrus umba Io, ‘‘nokuh umoh ihkai ahkan tulak? Tuhtui Tuhan nonga pombolum ijo sojahti tutang kototahiu.

RUMA 1:32

Iro kota'an, ijo numbun hukum Pohotala, ulun ijo nguan paringoh rih, harus tonohukum mahtoi. Oluka kodorih, iro nguan ka'a hal-hal orih; tutang malah sotuju hino ulun bohkon nguaioh.

RUMA 2:7

Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:17

Tului kototurung ihco behti, popahtoi nanyap koumo-umoh nguha ulun ijo ihco rih. Eam inon labih hajo hino, kojorian tahkan inon ijo tokonuanoh bain ihco behti ijo bohkon, yorih, Yesus Kristus. Nguha Io, Pohotala nusuh pononganasi-Oh ahkan kolourih karon ulun, tutang honong cuma-cuma, nguapjalan iro hokopios hoduli umba Pohotala; iro ahkan bokowasa ang kolunon tuh nguha Kristus.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 6:16

Kota'ankah ihkam ijo amat ihkam monyorah arop ahkan ihcobehti ulun, mangat nguanoh konohuangoh, mahka ihkam anairih jihpon ulun, ijo ihkam heretoh rih – inonrih jihpon dusa ijo ngomin ihkam ahkan popahtoi ata'ai jihpon ijo heret umba Pohotala. Tutang honong kodorih, hokopios huli umba Pohotala.

RUMA 6:21

Aang ohkot rih, koutungan inon ijo jari ihkam norimaoh tahkan hal-hal, ijo huntuh ihkam mia nguaioh? Gawi-gawi orih tihkas ngomin ihto nihtu popahtoi!

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

RUMA 8:38

Tului ahku porocaya samasino ijo ang hopus kolunon, pios popahtoi oluka pombolum, pios molehkat oluka pongowasa, pios ancaman-ancaman huntuh oluka ancaman-ancaman ijo uhun ahkan lombut, ata'ai koba'as-koba'as ijo bohkonoh,

RUMA 8:39

pios hal-hal ijo ang langit, oluka hal-hal ijo ang luwang ngosan tana, ata'ai inon ka ijo bohkon, paringoh eam dahpot mohalang Pohotala ngasi ihto. Kolou ijo jari tongorinah-Oh nguha Yesus Kristus, Tuhan ihto.

RUMA 8:6

Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

GALATIA 3:10

Ulun-ulun ijo mokuak aropoh umba hukum agama, paringoh bolum ang pinda tulut. Tului luwang Surat Borasih tonyurat, ‘‘Ulun ijo eam bokehtep, molalus paring ijo tonyurat ang Buhku Hukum Agama tonulut Pohotala!’’

TITUS 1:2

Ajaran rih hogalang koharap, ijo ihto ahkan norima pombolum sojahti, tutang kototahiu. Pohotala jari mbowotoh pombolum rih hounumba pahtuk jaman – tutang Pohotala eam pu'u bobalik.

YAKOBUS 1:15

Pongohuli, amat kojolik ijo ja'at rih tonumbunrih mahka nganak dusa; tutang amat dusa jari botuo, mahka akibatoh iorih popahtoi.

1 YOHANES 2:25

Tutang Jituh ijo tonobowot Kristus bongoi ahkan ihto; bolum sojahti tutang kototahiu.

PONGORINAH 21:8

Tahpi ulun ijo pomihkoh, pondoruhaka, ulun bejad, pomunu, ulun ponyundal, ulun ijo hapa ilmu-ilmu gaib, ponyembah songiangdewa, tutang paring pabula, ahkan tonondian nokuh luwang tasik baho tutang sondawa ijo honyelak-honjelou, yorih popahtoi ijo ambal duo.’’