RUMA 6:21 - BOWOT BOHUA

²¹ Aang ohkot rih, koutungan inon ijo jari ihkam norimaoh tahkan hal-hal, ijo huntuh ihkam mia nguaioh? Gawi-gawi orih tihkas ngomin ihto nihtu popahtoi!

RUMA 6:21 ပူးပေါင်းရင်းမြစ်များ

RUMA 1:32

Iro kota'an, ijo numbun hukum Pohotala, ulun ijo nguan paringoh rih, harus tonohukum mahtoi. Oluka kodorih, iro nguan ka'a hal-hal orih; tutang malah sotuju hino ulun bohkon nguaioh.

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 6:16

Kota'ankah ihkam ijo amat ihkam monyorah arop ahkan ihcobehti ulun, mangat nguanoh konohuangoh, mahka ihkam anairih jihpon ulun, ijo ihkam heretoh rih – inonrih jihpon dusa ijo ngomin ihkam ahkan popahtoi ata'ai jihpon ijo heret umba Pohotala. Tutang honong kodorih, hokopios huli umba Pohotala.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 7:5

Tului, lomoi ihto bolum numbun sipat-sipat kolunon. Aang ohkot orih kojolik-kojolik ijo bodusa, ijo lombut kotului anaioh hukum agama, nambit paranan a'ang arop ihto. Orih kotuluioh ihto nguanoh hal-hal ijo kojoriaioh nitu popahtoi.

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

RUMA 8:6

Amat tiruk'kam konowasa bain tobiat kolunon, mahka kojoriaioh popahtoi. Tahpi amat tiruk'mu konowasa bain Roh Pohotala, mahka kojoriaioh io rih bolum tutang damai umba Pohotala.

2 KORINTUS 4:2

Ihkai eam hapa cara-cara kopindong ijo ngomia. Ihkai eam kani bogawi honong lihcik, ata'ai ngobulak-balik tihtunauh Pohotala. Ihkai mohalu Pohotala umba ahtoi ijo borasih numbun kohondak-Oh. Tului orih, ihkai harapoh paring ulun monilai ihkai honong pios ang luwang ahtoi buaoh.

2 KORINTUS 7:11

Cuba ihkam nohtoani inon buaoh aang'kam, bain kosedihan ijo sorurui umba kohondak Pohotala! Buaoh, iorih ihkam tu'u-tu'u ngurahjalan ahkan nokining kokoruh! Ihkam monjadi bosingi toharep dusa, ihkam mihkoh, ihkam rindu, ihkam monjadi bosomangat, ihkam rela mohukum ijo bosala! A'ang paring persoalan tuh ihkam jari ngorinah, ijo ihkam eam bosala.

PILIPI 3:19

Pombolum ulun-ulun kolourih ahkan kolaiou honong koluhtek, tului pohotalan iro anairih kojolik bereng iro bongoi. Hal-hal ijo mopomia, justru ijo orihrih ijo iro monamamrih, kotului iro niruk baya hal-hal ijo tohorong umba kolunon tuh iou.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

IBRANI 6:8

Tahpi amat tana rih polombutbua tingan tutang tumbu ruwut duhi, mahka tana orih eam anai gunai tutang noin ahkan tonulut bain Pohotala tutang laiuoh tonyaha lingis.

YAKOBUS 1:15

Pongohuli, amat kojolik ijo ja'at rih tonumbunrih mahka nganak dusa; tutang amat dusa jari botuo, mahka akibatoh iorih popahtoi.

YAKOBUS 5:20

ingat auh ayat tuh: Ulun ijo ngomin ulun bodusa ngulos tahkan jalaioh ijo sala, ulun rih nyolamat homboruan ulun bodusa rih, tahkan popahtoi, tutang kotuluioh aro dusa tonapunoh. Horomat ihkai, Yakobus

1 PETRUS 4:17

Jari johcok ohkotoh Pohotala mosara kolunon. Tutang ukup Pohotala bongoi, ijo ahkan tomosara labih houn. Nah, amat Pohotala ahkan nopara umba ihto, koloukuwohrih kojadioh noin, umba ulun-ulun ijo eam porocaya, umba Kabar Hinut tahkan Pohotala rih?

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.

PONGORINAH 16:6

Iro jari nusuh dahan ukup Pohotala, tutang dahan nabi-nabi, huntuh Ihko nguan iro ngorih daha. Puna kopahtutrih rih ahkan iro!’’

PONGORINAH 20:14

Pongohuli Popahtoi tutang Lowun Popahtoi ndian ahkan luwang tasik baho. (Tasik baho tuh anairih popahtoi bahagian koduo.)