RUMA 6:17 - BOWOT BOHUA

¹⁷ Tahpi torimakasih ahkan Pohotala! Tului lomoi ihkam jihpon dusa, tahpi huntuh ihkam honong kotuwi ahtoi heret umba ajar komorong ijo jari tunongaoh ahkan'kam.

RUMA 6:17 ပူးပေါင်းရင်းမြစ်များ

KESAH RASUL-RASUL 11:18

Ulirih ngonih auh orih iro eam nosalan io hino. Turus iro monara Pohotala. Iro nuhtui, ‘‘Amat kolouorih ulun-ulun bohkon Yahudi ka tononga kosapet bain Pohotala ahkan hubah tahkan dusa-dusan iro tutang ngenang pombolum ijo sojahti!’’

KESAH RASUL-RASUL 28:15

Konduang-konduang ang Ruma ijo porocaya ahkan Tuhan Yesus ngonih borihta tohou ihkai, nyiring iro lombut johcok nokuh pasar Apius tutang Pasanggrahan Tolu ahkan naharang ihkai. Kotihka Paulus hosombang umba iro, io ngohawot torimakasih ahkan Pohotala tutang ahtoioh jadi tabah.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 1:8

Pahtuk-pahtuk nguha Yesus Kristus, ahku monorimakasih ahkan Pohotala tului Konduang-konduang paringoh; tului sohopus kolunon jari ngonih ijo ihkam porocaya samasino umba Kristus.

RUMA 15:18

Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 16:26

Tahpi huntuh, ang poretah Pohotala ijo abadi, rancana rih jari tongorinah tutang tomborihta ahkan paring uhtus ulun nguha kokaron surat bola nabi, mangat iro paringoh porocaya tutang bokehtep umba Pohotala.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

1 KORINTUS 1:4

Ahku toturus botorimakasih ahkan Pohotala tohou ihkam, bain ihkam ius norima pononganasi tahkan Pohotala nguha Kristus Yesus.

1 KORINTUS 14:6

Amat ahku, jahkaoh lombut nokuh ihkam, tutang ahku bopander a'ang bomahcam basa ijo helan, inon mopa'at rih ahkan ihkam? Eam aro mopa'at honjiot ka! Bohkon haloh, amat ahku ngorinah ihco kalimat tahkan Pohotala, ata'ai ahku monarang ang'co tohou Pohotala, ata'ai ahku nyiar borihta tahkan Pohotala, ata'ai ahku majar.

2 KORINTUS 2:14

Torimakasih ahkan Pohotala! Io toturus niting ihkai ahkan umba aang pawai komanang Kristus, tului ihkai bolum hihco umba Io. Pohotala mohapa ihkai, mangat borihta tohou Kristus tosiar kolou buan harum ijo semerbak koumo-umoh.

EPESUS 1:16

ahku eam pahtot-pahtotoh botorimakasih ahkan Pohotala tohou ihkam. Toturus ahku ngohawot aran ihkam ang ohkot ahku bodo'a.

1 TESALONIKA 3:9

Eaminon hajooh torimakasih ihkai umba Pohotala ngosan paring kojorih ijo ihkai nyuruoh ang toharep-Oh, kotului ihkam.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

2 TIMOTEUS 1:13

Nutut iou umba tu'u-tu'u ajaran morong ijo jari ahku nonga ahkan'mu. Tutang pios ihko tahtap nambit koporocaya tutang kasih ijo monjadi ain ihto tului hihco umba Kristus Yesus.

PILEMON 1:4

Nyinong tikat ahku bodo'a ahku ngohawot aran Konduang tutang ngohawot torimakasih ahkan Pohotala.

IBRANI 11:8

Kotului porocaya, mahka Abraham mone'et Pohotala, kotihka Pohotala na'ah io, tutang nyuhuoh tulak nokuh tanah, ijo Pohotala mbowot ahkaioh. Turus Abraham tulak honong eam ta'an nokuh umoh ahkan ponulak.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

1 PETRUS 1:22

Tului ihkam te'et umba ajaran tahkan Pohotala, mahka ihkam moporasih arop, tutang ihkam ngasi ulun-ulun porocaya socara ihlas. Kobain rih, kopiosrih ihkam sita ihco umba ijobohkon, umba sotuwi ahtoi.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

1 PETRUS 3:1

Kolourih ka'a ihkam, oruh-oruh, pahtut minda auh bosai, mangat amat ang tohun ihkam anai, ijo eam porocaya ahkan borihta tahkan Pohotala, hadat dasar'mu duon nguan iro monjadi porocaya. Tutang eam porulu ihkam nuhtui ino-inon ahkan iro,

1 PETRUS 4:17

Jari johcok ohkotoh Pohotala mosara kolunon. Tutang ukup Pohotala bongoi, ijo ahkan tomosara labih houn. Nah, amat Pohotala ahkan nopara umba ihto, koloukuwohrih kojadioh noin, umba ulun-ulun ijo eam porocaya, umba Kabar Hinut tahkan Pohotala rih?

2 YOHANES 1:4

Ahku jorih samasino ngota'an, ijo anai anak-anak Ine ijo bolum numbun ajaran Pohotala, kolou ijo jari tonoretah Pohotala, Amai, ahkan ihto.

3 YOHANES 1:3

Ahku sanang samasino, kotihka pira-pira Konduang Kristen johcok tutang mborihta ahkak'ku, eaminon kote'etoh, Konduang toharep Pohotala ijo morong, kotului puna Konduang toturus bolum numbun ajaran Pohotala.