RUMA 6:12 - BOWOT BOHUA

¹² A'ai hino mohonourih dusa mongowasa pombolum'kam ijo usang, Konduang ara numbun konohuang ihkam ijo ja'at.

RUMA 6:12 ပူးပေါင်းရင်းမြစ်များ

RUMA 13:14

Nauhoh Tuhan Yesus Kristus iou ijo nahtap inon ijo ihkam pahtut nguaioh. Tutang ara numbun tobiat ulun ijo bodusa ahkan momeda kojolikbolai.

RUMA 2:8

Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

RUMA 6:16

Kota'ankah ihkam ijo amat ihkam monyorah arop ahkan ihcobehti ulun, mangat nguanoh konohuangoh, mahka ihkam anairih jihpon ulun, ijo ihkam heretoh rih – inonrih jihpon dusa ijo ngomin ihkam ahkan popahtoi ata'ai jihpon ijo heret umba Pohotala. Tutang honong kodorih, hokopios huli umba Pohotala.

RUMA 8:11

Amat Roh Pohotala, ijo mombolum Kristus tahkan popahtoi, bolum ang luwang arop'kam, mahka Io ijo mombolum Kristus tahkan popahtoi rih, ahkan mombolum ka'a behtin'kam ijo dahpot mahtoi rih. Io nguan orih umba Roh-Aiou ijo bolum ang luwang'kam.

RUMA 8:13

Kotului amat ihkam bolum numbun tobiat kolunon, mahka ihkam ahkan mahtoi. Tahpi amat ihkam konowasa Roh Pohotala, ihkam toturus iou munu konuan-konuan'kam ijo bodusa, mahka ihkam ahkan bolum.

2 KORINTUS 4:11

Kotahin ihkai bolum, ihkai toturus tongipa bain pompohtoi tului Yesus, mangat umba kolourih pombolum Yesus ka tou korinah aang behtin ihkai ijo eambunggut tuh.

2 KORINTUS 5:4

Kotahin ihto mohcon ang luwang lohpou ijo tahkan tana tuh, ihto munguh kotului puat ihto bahat. Eamoh kotului ihto jolik bolohkak tahkan behtin ihto ijo tahkan tana tuh. Tahpi tului ihto jolik mokehpanoh behtin ihto ijo tahkan soruga rih, mangat behtin ihto ijo tou mahtoi tuh, tongowasa bain ijo bolum.

GALATIA 5:16

Kohondak koloutuh: Nauhoh Roh Pohotala niting ihkam tutang ara bolum numbun kojolik tobiat kolunon.

GALATIA 5:24

Ulun-ulun ijo ius monjadi ain Kristus Yesus, ulun-ulun rih ius munu tobiat kolunoioh hawui kokaron bolai tutang kojolikoh.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

EPESUS 4:22

Kotului orih molokakohrih ko-ulun hounumba pola pombolum lomoi, ijo rahat tonorusak bain kojolik-kojolikoh ijo monyosat.

1 TESALONIKA 4:5

Ara bolum nutut kojolik, jolikbolai toharep oruh'kam, kolou ijo konuan bain ulun-ulun ijo eam kosono Pohotala.

2 TIMOTEUS 2:22

Ngomahcuohrih komangat-komangat ulun biou. Bousaha ahkan bolum numbun kohondak Pohotala, te'et aang ajaran-Oh, tutang hopasi sama arop, hawui anaingina koteneng ahtoi. Bolumrih kodorih hihco iro ijo na'ah nyawot pondohop ahkan Tuhan umba ahtoi ijo borasih.

TITUS 2:12

Pononganasi Pohotala rih mondidik ihto, mangat eam hino bolum hokolawan umba kohondak Pohotala, tutang eam numbun kojolik kolunonoh. Ihto todidik ahkan bolum luwang kolunon tuh hawui ta'an nahan arop, bujur tutang te'et umba auh Pohotala.

TITUS 3:3

Kotului soun ihto bongon ka'a uong, lahcat tutang eam te'et. Ihto tohojihpon bain mahca-mahcam bolaiusi tutang kojolik; ihto bolum umba niat-niat ja'at, tutang hiri ahtoi, hawui saling hokosingi.

1 PETRUS 1:14

Te'etiou umba Pohotala, tutang ara bolum numbun konohuang'mu ijo houn, aang ohkot ihkam magun jaha kosono Pohotala.

1 PETRUS 2:11

Konduang-konduang ijo kokasih! Ihkam anai rih ulun bohkonuhtus tutang ponomuoi ang kolunon tuh. Kotului rih ahku nyawot hawui paham mangat ihkam ara numbun kojolik bolai kolunon ijo toturus hokolahi molawan homboruan.

YUDAS 1:16

Ulun-ulun rih toturus iou bokuhtuk tutang nosalan ulun bohkon. Iro bolum numbun kojolik-kojolik iro ijo bodusa. Iro panderalik tohou aropoh bongoi, tutang monjilat ulun mangat duon utung.

YUDAS 1:18

Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.