RUMA 6:10 - BOWOT BOHUA

¹⁰ Popahtoi ijo tonyuru Kristus, anairih popahtoi toharep dusa. Orih nyolung sino tikat iou ahkan turus-jahamoh. Tutang komonyun ijo tonitoi-Oh huntuh tuh anairih kobolum ahkan Pohotala.

RUMA 6:10 ပူးပေါင်းရင်းမြစ်များ

LUKAS 20:38

Nah, Pohotala rih, eam Pohotalan ulun ijo mahtoi! Io Pohotalan ulun-ulun ijo bolum! Bain bagi Pohotala paring ulun bolum.’’

RUMA 6:11

Ihkam harus ka'a ngohu arop'kam mahtoi tahmo dusa, tahpi bolum a'ang kohico ijo tehen umba Pohotala, nguha Kristus Yesus.

RUMA 6:9

Kotului ihto ngota'an ijo Kristus jari tonombolumoh tahkan popahtoi, tutang Io eam ahkan mahtoi hino; popahtoi jari eam hino bokowasa ngosan arop-Oh.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

2 KORINTUS 5:15

Kristus mahtoi ahkan paring ulun, mangat paring ulun ijo bolum, eam hino bolum ahkai bongoi, molekan ahkan Kristus ijo jari mahtoi tutang tonombolum hoduli demi kogunan iro.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

1 PETRUS 3:18

Kotului Kristus bongoi mahtoi tihkas sino iou, ahkan turus-jahamoh kotului dusan kolunon – ihcobehti ijo eam bosala, mahtoi ahkan ulun ijo bosala. Kristus nguan ohrih rih, mangat Io dahpot nihting ihkam nokuh Pohotala. Io tomunu socara behtiuoh, tahpi tonombolum hoduli socara rohani.

1 PETRUS 4:6

Orihrih baiuoh Kabar Hinut jari tomborihta ka'a ahkan ulun-ulun mahtoi. Konohuangoh mangat iro, ijo jari tomosara a'ang koada'an behtiuoh – kolou haloh paring ulun ahkan tomosara – duon bolum socara rohani, numbun kohondak Pohotala.