RUMA 5:20 - BOWOT BOHUA

²⁰ Ijo nonga hukum agama Yahudi iorih Pohotala bongoi. Tahpi mahi-mahi ulun ngurah-jalan moneet hukum rih, mahi-mahi iro noturungoh tutang bodusa toharep Pohotala. Oluka kodorih, mahi-mahi ulun napa dusa, Pohotala mahi-mahi ka'a masi iro.

RUMA 5:20 ပူးပေါင်းရင်းမြစ်များ

MATEUS 20:9

Turus lombut rih ponggawi-ponggawi rih, ijo pongo bogawi, nopara tahkan pukul limo cohit. Iro nyino-nyinongbehti norima ihco duit perak.

MATEUS 9:13

Solidik iou inon rimai ayat Surat Borasih tuh, ‘Ahku nohuang kasihsayang tutang eam porahpah ohcin’. Kotului Ahku lombut eam ahkan na'ah ulun ijo ngohu aropoh ius pios, molekan ulun ijo ngohu aropoh hina.”

LUKAS 7:47

Tu'u-tu'u: pongasihoh ijo hajo rih bokorinah ijo dusaioh ijo aro jari dahpot apun! Amat ulun tonapun honjiot, io ahkan pongasioh honjiot ka'a.’’

YOHANES 10:10

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

YOHANES 15:22

Jahkaioh Ahku eam lombut tutang eam nuhtui paringoh rih ahkan iro, iro eam bodusa. Tahpi huntuh iro eam aro pahkingoh hino bagi dusan iro.

RUMA 4:15

Hukum agama Yahudi mopolombut hukum Pohotala. Tahpi amat aturan Pohotala eam aro, mahka polanggar ka'a eam aro.

RUMA 6:1

Amat kodorih inon ijo duon ihto nuhtuioh? Haruskah ihto toturus napa dusa mangat Pohotala mahi-mahi ngasi ihto?

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.