RUMA 5:18 - BOWOT BOHUA

¹⁸ Jadi, koloukuwoh kototurung ihco behti ngonjorian sohapus ukup kolunon tonohukum; kodorih ka'a gawin ihco behti ijo nuhtut kohondak Pohotala, mongonjorian paring ulun konoliwus tahkan kosala'an, tutang tononga pombolum.

RUMA 5:18 ပူးပေါင်းရင်းမြစ်များ

YOHANES 1:7

Io lombut momborihtaoh tohou koloang rih, mangat paring ulun porocaya.

YOHANES 12:32

Tahpi Ahku tuh, amat Ahku jari tonongahtang ang ngosan tana, Ahku ahkan nguhut paring ulun Ahkak-Ku.’’

YOHANES 3:26

Iro tulak nokuh Yohanes, tutang nuhtui, ‘‘Amai Guru, inon Amai magun ingat ulun ijo homboh Amai ang pohoi Sungoi Yordan orih, ijo Amai nunjukoh ahkan 'kai lomoi? Io huntuh mopondus ka'a, tutang paring ulun tulak nokuh Io!’’

RUMA 3:25

Pohotala noparahpah Yesus Kristus, mangat honong popahtoi-Oh rih ulun tongorimahoh ius boliwus tahkan kosalaioh, amat iro porocaya umba Io. Pohotala nguan angkodorih ahkan ngorinah koadilan-Oh. Tului ang wayah ijo houn Pohotala ius nyolenankosabar ngindoi, toharep dusa-dusan ulun. Nyiring Io eam mohukum iro.

RUMA 4:25

Yesus rih jari tonyorahoh ahkan tomunu tului dusa-dusan ihto; turus Io tonombolum hoduli bain Pohotala mangat nonga-jalan ihto hokohinut hoduli umba Pohotala.

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:15

Tahpi ijo koduooh rih eam sama; tului ponongan Pohotala mahcu labih kohajoi, amat tonihpong umba kototurung ijo konuan bain Adam. Kototurung ihco behti, kotuluirih aro ulun mahtoi. Eam inon labih hajo hino kojorian tahkan pononganasi Pohotala, tutang ponongan solamat ijo tononga-Oh, ahkan kodorih karon ulun nguha kohinut ahtoioh ihcobehti, yorih Yesus Kristus.

RUMA 5:19

Tutang koloukuwoh aro ulun monjadi ulun bodusa, kotului ihco behti eam te'et. Kodorih ka'a aro ulun duonjalan hokopios hoduli umba Pohotala, tului ihco behti te'et umba Pohotala.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

1 KORINTUS 15:22

Koloukuwoh sohopus kolunon uras mahtoi, kotului hobarih hihco umba Adam, kodorih ka'a paring ahkan tonombolum tului hobarih hihco umba Kristus.

IBRANI 2:9

Tahpi ihto jari nohto Yesus bokowasa! Io tonguan honjiot, labih pinda tahkan molehkat, ahkan ohkot ijo iwak, mangat ngosan kopios ahtoi Pohotala, Io dahpot mahtoi ahkan paring ukup kolunon. Ihto nohto Io uhuntuh, tononga ponuot ijo isung tutang torohoromat, kotului Io jari ngarot nyiring mahtoi.

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.

1 YOHANES 2:20

Tahpi ihkam jari monorima Roh Pohotala, ijo tonusuh bain Yesus Kristus, tutang orih kotuluioh ihkam paringoh kosono ajar ijo morong rih.