RUMA 5:17 - BOWOT BOHUA

¹⁷ Tului kototurung ihco behti, popahtoi nanyap koumo-umoh nguha ulun ijo ihco rih. Eam inon labih hajo hino, kojorian tahkan inon ijo tokonuanoh bain ihco behti ijo bohkon, yorih, Yesus Kristus. Nguha Io, Pohotala nusuh pononganasi-Oh ahkan kolourih karon ulun, tutang honong cuma-cuma, nguapjalan iro hokopios hoduli umba Pohotala; iro ahkan bokowasa ang kolunon tuh nguha Kristus.

RUMA 5:17 ပူးပေါင်းရင်းမြစ်များ

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

YOHANES 10:10

Ponahkou lombut tihkas ahkan nahkou, ahkan munu tutang ahkan morusak. Tahpi Ahku lombut mangat ulun dahpot pombolum – ijo molowi-lowi.

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:15

Tahpi ijo koduooh rih eam sama; tului ponongan Pohotala mahcu labih kohajoi, amat tonihpong umba kototurung ijo konuan bain Adam. Kototurung ihco behti, kotuluirih aro ulun mahtoi. Eam inon labih hajo hino kojorian tahkan pononganasi Pohotala, tutang ponongan solamat ijo tononga-Oh, ahkan kodorih karon ulun nguha kohinut ahtoioh ihcobehti, yorih Yesus Kristus.

RUMA 5:20

Ijo nonga hukum agama Yahudi iorih Pohotala bongoi. Tahpi mahi-mahi ulun ngurah-jalan moneet hukum rih, mahi-mahi iro noturungoh tutang bodusa toharep Pohotala. Oluka kodorih, mahi-mahi ulun napa dusa, Pohotala mahi-mahi ka'a masi iro.

RUMA 6:14

Dusa eam duon ngowasa ihkam, tului ihkam eam hino ang pinda hukum agama Yahudi. Tahpi ihkam pinda hukum pononganasi ain Pohotala.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 8:39

pios hal-hal ijo ang langit, oluka hal-hal ijo ang luwang ngosan tana, ata'ai inon ka ijo bohkon, paringoh eam dahpot mohalang Pohotala ngasi ihto. Kolou ijo jari tongorinah-Oh nguha Yesus Kristus, Tuhan ihto.

1 KORINTUS 15:49

Koloukuwoh ihto uhuntuh, anai kolou Adam ijo tonapa tahkan tana, mahka noin ihto ahkan monjadi kolou Io ijo tahkan soruga rih.

1 KORINTUS 4:8

Puna ihkam eam porulu ino-inon hino! Ihkam jari tahtou! Ihkam jari monjadi lahca! Tutang ihkai eam. Eaminon kopiosoh amat ihkam tu'u morong monjadi lahca, mangat ihkai duon moretah homboh ihkam.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

1 TIMOTEUS 1:14

Tutang ahku malah tonopuhak umba ponongaasi Tuhan ihto. Io nonga ahkak'ku kodahpot ahkan porocaya umba Oh tutang ngasi sosama ulun. Kodahpot orih tononga ahkan ihto paring ijo jari hihco umba Kristus Yesus.

2 TIMOTEUS 2:12

Amat ihto tohtap tabah, ihto ahkan moretah ka'a homboh Io. Amat ihto ngulim Io, Io ka ahkan ngulim ihto.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 2:9

Tahpi ihkam anai uhtus ijo tonopili, imam-imam ijo mohalu lahca, uhtus ijo borasih, khusus ahkan Pohotala, ukup Pohotala bongoi. Pohotala mitih ihkam, tutang na'ah ihkam soluka tahkan luwang kopindong, ahkan nyolong nokuh luwang koloang-Oh ijo gomilang honong konohuang, mangat ihkam monyiar kabar tohou karon-gawiu-Oh ijo luar biasa.

PONGORINAH 1:6

tutang ngonjorian ihto ihco uhtus khusus, imam-imam ijo mohalu Pohotala, Amai-Oh. Yesus Kristus orihrih, ijo hajo tutang bokowasa ahkan turus-jahamoh. Amen.

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.

PONGORINAH 20:6

Kosanangrih ahkan ulun-ulun ijo umba tonombolum hoduli ang tahap pahtuk rih. Iro puna monjadi ukup Pohotala. Popahtoi tahap koduo eam bokowasa ngosan iro. Iro ahkan monjadi imam-imam ain Pohotala tutang imam-imam ain Kristus; tutang iro ahkan moretah homboh Io sokujan toun kotahiuoh.

PONGORINAH 22:5

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.