RUMA 5:14 - BOWOT BOHUA

¹⁴ Tahpi tahkan jaman Adam nyiring ang jaman Museh, popahtoi jari mongowasa paring ukup kolunon. Malah ulun-ulun ijo eam nguan toturung umba cara ijo sama, kolou ijo konuan bain Adam, ulun-ulun rih ka tahput ka'a konowasa bain popahtoi. Adam anairih gambar tahkanumba Io, ijo ahkan lombut pongohuli.

RUMA 5:14 ပူးပေါင်းရင်းမြစ်များ

RUMA 5:12

Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:17

Tului kototurung ihco behti, popahtoi nanyap koumo-umoh nguha ulun ijo ihco rih. Eam inon labih hajo hino, kojorian tahkan inon ijo tokonuanoh bain ihco behti ijo bohkon, yorih, Yesus Kristus. Nguha Io, Pohotala nusuh pononganasi-Oh ahkan kolourih karon ulun, tutang honong cuma-cuma, nguapjalan iro hokopios hoduli umba Pohotala; iro ahkan bokowasa ang kolunon tuh nguha Kristus.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 8:20

Tului ijopindalangit jari tonohonouoh monjadi luhtek eam kotului konohuangoh bongoi, tahpi kotului Pohotala mohonouoh kodorih. Oluka kodorih anai ka'a horapan ihto tuh.

RUMA 8:22

Ihto kota'an ijo nyiring wayah tuh, sohopus kolunon ngorunguh tului kongarot, kolou ihcobehti inai ngarot aang ohkotoh nganak longa.

1 KORINTUS 15:22

Koloukuwoh sohopus kolunon uras mahtoi, kotului hobarih hihco umba Adam, kodorih ka'a paring ahkan tonombolum tului hobarih hihco umba Kristus.

1 KORINTUS 15:45

Aang Surat Borasih tonyurat koloutuh, ‘‘Ulun ijo pahtukoh iorih Adam, monjadi angbolum ijo bolum,’’ tahpi Adam ijo pokolaiu-Oh anai rih Roh ijo mononga pombolum.

IBRANI 9:27

Pohotala jari nuhkas ijo ulun mahtoi sinotikat iou tutang iro uli rih tomosara bain Pohotala.