RUMA 5:12 - BOWOT BOHUA

¹² Dusa nyolong nokuh luwang kolunon nguha ihcobehti, tutang tahkan dusa orih lombut popahtoi. Kojorian popahtoi ijo nanyap aang paring ukup kolunon, tului paringoh ulun jari bodusa.

RUMA 5:12 ပူးပေါင်းရင်းမြစ်များ

RUMA 3:23

Paring ulun jari bodusa tutang jajong tahkan Pohotala ijo kani monyolamatoh iro.

RUMA 5:18

Jadi, koloukuwoh kototurung ihco behti ngonjorian sohapus ukup kolunon tonohukum; kodorih ka'a gawin ihco behti ijo nuhtut kohondak Pohotala, mongonjorian paring ulun konoliwus tahkan kosala'an, tutang tononga pombolum.

RUMA 5:19

Tutang koloukuwoh aro ulun monjadi ulun bodusa, kotului ihco behti eam te'et. Kodorih ka'a aro ulun duonjalan hokopios hoduli umba Pohotala, tului ihco behti te'et umba Pohotala.

RUMA 5:21

Ho, ihto harus mahtoi, tului ihto napa dusa. Tahpi Pohotala mongasih ihto tutang nonga jalan ahkan ihto mangat hokopios hoduli umba Io. Tutang tului kohihcon ihto umba Pohotala jari pios hoduli, Io nonga ka'a pombolum ijo sojahti tutang kototahiu ahkan ihto nguha Yesus Kristus, Tuhan ihto.

RUMA 6:21

Aang ohkot rih, koutungan inon ijo jari ihkam norimaoh tahkan hal-hal, ijo huntuh ihkam mia nguaioh? Gawi-gawi orih tihkas ngomin ihto nihtu popahtoi!

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

1 KORINTUS 15:56

Wisa popahtoi iorih dusa, tutang dusa nguan gawiuoh nguha hukum agama.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

YAKOBUS 1:15

Pongohuli, amat kojolik ijo ja'at rih tonumbunrih mahka nganak dusa; tutang amat dusa jari botuo, mahka akibatoh iorih popahtoi.

YAKOBUS 3:2

Ihto paringoh bojoin nguan kosalan. Tahpi ulun ijo eam pu'u nguan kosalan umba tuhtui-tuhtuioh, io ulun ijo soporuna, ijo duon mongowasa hopus aropoh.