RUMA 5:10 - BOWOT BOHUA

¹⁰ Amat anai wayah ihto homusuh umba Pohotala, ihto tongobuahoh umba Io nguha popahtoi Anak-Oh; mahihino huntuh ulimba kohihcon ihto umba Pohotala pios hoduli, puna ihto ahkan tonyolamat ka'a nguha pombolum Kristus.

RUMA 5:10 ပူးပေါင်းရင်းမြစ်များ

YOHANES 14:19

Mohcon honjulu iou kolunon eam ahkan nohto Ahku hino. Tahpi ihkam ahkan nohto Ahku. Tutang tului Ahku bolum, ihkam ka ahkan bolum.

YOHANES 5:26

Kolou Amai bongoi tohasak pombolum, kodorih ka Io ponjadi Anak-Oh tohasak pombolum ka'a.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 6:57

Amai ijo bolum rih nyuhu Ahku, tutang Ahku ka bolum tahkan Amai. Kolouorih ka'a ulun ijo kuman usi-Ku ahkan bolum tahkan Ahku.

RUMA 11:28

Kotului ulun Yahudi eam kani norima Kabar Hinut tahkan Pohotala mahka iro monjadi musuh Pohotala; tutang orih puna monjadi koutungan bagi Konduang ijo bohkon Yahudi. Tahpi tului ngopili Pohotala, mahka ulun-ulun Yahudi rih tahtap ponongasi Pohotala tului tahtu ajuh iro.

RUMA 5:11

Tutang molowi tahkanumba rih, ihto hokojorih ka'a ngosan kohinut Pohotala nguha Tuhan ihto Yesus Kristus. Tului nguha Yesus Kristus, ihto huntuh nginyam kohihco ijo morong rih honong Pohotala.

RUMA 5:6

Kotihka ihto a'ang koada'an eam aro daya, Kristus mahtoi ahkan ihto aang ohkot ijo kona, ijo tonuhkas bain Pohotala; podahal ihto ulun-ulun, ijo ngomahcuarop tahkan Pohotala.

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

RUMA 8:7

Ulun ijo tirukoh tongowasa bain tobiat kolunon, ulun rih homusuh umba Pohotala, kotului ulun rih eam tunduk umba hukum Pohotala; tutang puna io eam tou tunduk ahkan hukum Pohotala.

2 KORINTUS 5:20

Jadi ihkai anairih monjadi pohalu-pohalu Kristus. Nguha ihkai Pohotala bongoi ijo nyapai pohtoh-Oh. Ngasan aran Kristus ihkai nyawot hawui paham, torima njuluk longon Pohotala ijo toudahpon ihkam hokopios umba Io.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

EPESUS 2:16

Kobain popahtoi-Oh ang sopolahki, Kristus mopohihco duo uhtus rih, tutang ngobuah iro umba Pohotala, nyiring dilaprih komusuh rih.

EPESUS 2:3

Lomoi ihto paringoh sama ka'a umba iro; ihto bolum numbun tobiat kolunon ihto, tutang nguan inon ijo monyanang behti tutang tiruk ihto. Ang ohkot rih ihto anairih ulun-ulun ijo kona kosangit Pohotala ka'a, sama kolou ulun-ulun bohkon.

IBRANI 2:17

Jituh rimai ijo Io harus monjadi sama umba konduang-konduang-Oh a'ang kokaro hal. Tutang umba orih Io dahpot monjadi Imam Hajo ijo bokehtep tutang pongasiponyayang. Umba pohalu-Oh rih dusan kolunon dahpot tonapun.

IBRANI 7:25

Bain kotului rih ahkan turus-jahamoh, Yesus dahpot nyolamat, ulun-ulun ijo lombut, nokuh Pohotala nguha Io, kotului Io bolum turus-jahamoh, ahkan monyapai sawot ahkan Pohotala, bagi ulun-ulun rih.

1 YOHANES 2:1

Anak-anak'ku! Ahku nyurat tuh ahkan ihkam, mangat ihkam ara nguan dusa. Tahpi amat anai ijo nguan dusa, mahka ihto anai ihcobehti pondohop, yorih Yesus Kristus ijo adil rih; Io ahkan nyawot bagi ihto ang toharep Amai.

1 YOHANES 4:10

Tuhrih kasih: Bohkon ihto ijo jari ngasi Pohotala, tahpi Pohotala ijo ngasi ihto, tutang nyuhu Anak-Oh, mangat nguha Io ihto mondahpot pongapunan ngosan dusa-dusan ihto.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.