RUMA 5:1 - BOWOT BOHUA

¹ Huntuh ihto ius hokohinut hoduli umba Pohotala, tului ihto porocaya. Tutang bain tului orih ihto bolum a'ang hokubuah umba Pohotala, nguha Tuhan ihto Yesus Kristus.

RUMA 5:1 ပူးပေါင်းရင်းမြစ်များ

LUKAS 19:38

Iro bosurak, ‘‘Mborehkatrih Lahca ijo lombut a'ang aran Tuhan! Kojorih ang soruga tutang horomat ahkan Pohotala!’’

LUKAS 19:42

Hion Yesus, ‘‘Ngasi-ngasi, paham kopiosoh amat ondou tuh ihkam kota'an, inon ijo duon mopolombut kobuah! Tahpi huntuh ihko eam duon nohtooh.

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

YOHANES 14:27

Kosanangkomangat Ahku nohtahoh ahkan ihkam. Kosanangkomangat aik-Ku bongok ijo Ahku nongaoh ahkan ihkam. Ijo Ahku nonga rih eam kolou ijo tongan kolunon ahkan'kam. Ara galisah ara mihkoh.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

YOHANES 20:31

Tahpi paringoh tuh tonyurat, mangat ihkam porocaya ijo Yesus anairih Lahca Ponyolamat, Anak Pohotala, tutang tului porocaya umba Io, ihkam ngondahpot pombolum.

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

RUMA 1:17

Tului umba Kabar Hinut rih Pohotala ngorinah kolouinon caraoh kohihco kolunon umba Pohotala, monjadi hinut hoduli; caraoh iorih honong porocaya umba Pohotala, tahkan pahtuk nyiring laiuoh. Orih sama kolou ijo tonyurat luwang Surat Borasih, ‘‘Ulun ijo porocaya umba Pohotala nyiring kohihcooh umba Pohotala monjadi hinut hoduli, ulun orih ahkan bolum!’’

RUMA 1:7

Orih kotuluioh ahku nyurat ahkan'kam. Keleh Pohotala Amai ihto, tutang Tuhan Yesus Kristus nonga borehkat tutang kosanang ahkan'kam.

RUMA 10:10

Tului honong ahtoioh ulun porocaya, nyiring Pohotala norima io kolou ulun ijo hokopios umba Pohotala. Tutang honong nyamaioh ulun ngahku, nyiring io tonyolamat.

RUMA 10:15

Tutang koloukuwohrih ulun duon ngomin borihta rih, amat iro eam tonyuhu? Ang aang Surat Borasih tonyurat koloutuh, ‘‘Eam inon kopioioh polombut ulun-ulun ijo ngomin Kabar Hinut tahkan Pohotala!’’

RUMA 14:17

Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 15:33

Mudah-mudahan Pohotala ijo nongaoh kosanang ahkan ulun, pahahyak Konduang paringoh. Amen.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 3:30

Tului Pohotala tihkas Ihco. Io ijo nonga jalan ahkan ulun-ulun Yahudi hokohinut hoduli umba Pohotala, tului iro porocaya. Tutang Iorih hino nongajalan ulun-ulun uhtus bohkon ka tou hokohinut hoduli umba Pohotala. Orih ka'a tului iro porocaya.

RUMA 4:5

Tahpi anai ulun ijo eam monggahtung aang gawiuoh bongoi io moporocayaoh aropoh ahkan Pohotala, ijo ngorinahoh ulun bodusa liwus tahkan kosalaioh. Hogalang koporocayaoh orih rih Pohotala norima ulun rih, monjadi ulun ijo ngojorih ahtoi Pohotala.

RUMA 5:11

Tutang molowi tahkanumba rih, ihto hokojorih ka'a ngosan kohinut Pohotala nguha Tuhan ihto Yesus Kristus. Tului nguha Yesus Kristus, ihto huntuh nginyam kohihco ijo morong rih honong Pohotala.

RUMA 5:18

Jadi, koloukuwoh kototurung ihco behti ngonjorian sohapus ukup kolunon tonohukum; kodorih ka'a gawin ihco behti ijo nuhtut kohondak Pohotala, mongonjorian paring ulun konoliwus tahkan kosala'an, tutang tononga pombolum.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

RUMA 9:30

Jadi koloputaioh io rih tuh, uhtus-uhtus bohkon ijo eam lihit Yahudi, eam bousaha mangat kohihco iro umba Pohotala monjadi pios hoduli. Tahpi kotului iro porocaya, mahka Pohotala, napa kohihcon iro umba Io, tutang monjadi pios hoduli.

GALATIA 2:16

Oluka kodorih ihkai ta'an, ijo ulun hokopios hoduli umba Pohotala, baya tului porocaya umba Yesus Kristus tutang eam tului molalus hadat agama. Ihkai bongon ka, porocaya umba Yesus Kristus, mangat ihkai hokopios umba Pohotala nguha koporocayan 'kai rih, eam kotului ihkai molalus hadat agama. Tului umba molalus hukum agama, eam ihcobehti ka duon hokopios hoduli umba Pohotala.

GALATIA 3:25

Huntuh, kotului jari ohkotoh kolunon dahpot porocaya umba Kristus, mahka ihto eam hino tonongawas bain hukum agama.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 2:7

Pohotala nguan orih, mangat aang jaman ijo ahkan lombut kolunon dahpot nopahjah eaminon kohajoioh asin Pohotala. Asiu rih tongorinah Pohotala, nguha kohinut ahtoi-Oh ahkan ihto, umba poholat Kristus Yesus.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

KOLOSE 1:20

Tutang nguha Anak rih hino Pohotala momutusoh ahkan nguan kokaro ang'co hokopios hoduli umba Io, pios kokaro ang'co ijo ang tana, kanika ijo ang soruga. Pohotala nguan orih nguha popahtoi Anak-Oh ang kahju sopolahki.

KOLOSE 3:15

Hondakrih koputusan-koputusan'kam konahtuh bain kobuah ijo tononga bain Kristus, ang luwang ahtoi'kam. Tului Pohotala na'ah ihkam ahkan monjadi ramun ihco bereng mangat ihkam bolum a'ang kobuah tahkan Kristus orih. Hondakrih ihkam botorimakasih.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

2 TESALONIKA 3:16

Tuhan anairih luwangtohasak kosanang ihto. Keleh Io turus nonga ahkan'kam kojorih ang kokaron hal. Keleh Tuhan hihco Konduang paring-Oh.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.