RUMA 4:6 - BOWOT BOHUA

⁶ Kodorihoh tiruk Dawid ka'a; orih kotuluioh io ngohawot solamat, kosanang ahkan ulun ijo bain Pohotala jari tonorima monjadi ulun ijo ngojorih ahtoi-Oh, earo Pohotala nohtoani gawin-gawin ulun rih. Dawid nuhtui numbun tuh,

RUMA 4:6 ပူးပေါင်းရင်းမြစ်များ

MATEUS 25:19

Tahi tu'u uliorih rih, tuan tahkan pohalu-pohalu rih buli, tutang nopara holehken umba iro.

RUMA 1:17

Tului umba Kabar Hinut rih Pohotala ngorinah kolouinon caraoh kohihco kolunon umba Pohotala, monjadi hinut hoduli; caraoh iorih honong porocaya umba Pohotala, tahkan pahtuk nyiring laiuoh. Orih sama kolou ijo tonyurat luwang Surat Borasih, ‘‘Ulun ijo porocaya umba Pohotala nyiring kohihcooh umba Pohotala monjadi hinut hoduli, ulun orih ahkan bolum!’’

RUMA 3:27

Bain kotului orih eam anai hino alasan, bagi ihto ahkan tama-tamam. Ombai kodorih? Inonrih, kotului ihto nguan ijo tomihtik a'ang hukum agama Yahudi? Eam. Tahpi tului ihto porocaya.

RUMA 4:11

Io tonyunat pongohuli tutang sunat orih rih tihkas monjadi tanda ijo Pohotala jari norima io, monjadi ulun ijo ngojorih ahtoi Pohotala, tului porocaya umba Pohotala. Io tonorima bain Pohotala aang ohkot io magun jaha numbun aturan sunat. Tutang Abraham monjadi amai socara rohani bagi paring ulun ijo porocaya, ahkan Pohotala, tutang ijo kotuluioh jari tonorima bain Pohotala, monjadi ulun ijo ngojorih ahtoi-Oh, oluka iro eam nambit poroturan sunat.

RUMA 4:24

tahpi ka'a ahkan ihto. Ihto ka'a ahkan tonorima monjadi ulun ijo ngojorih ahtoi Pohotala, kotului ihto porocaya ahkan Pohotala ijo mombolum Yesus Tuhan ihto, tahkan popahtoi.

RUMA 4:5

Tahpi anai ulun ijo eam monggahtung aang gawiuoh bongoi io moporocayaoh aropoh ahkan Pohotala, ijo ngorinahoh ulun bodusa liwus tahkan kosalaioh. Hogalang koporocayaoh orih rih Pohotala norima ulun rih, monjadi ulun ijo ngojorih ahtoi Pohotala.

RUMA 4:7

‘‘Kosanangrih ahkan ulun ijo kosalai-kosalaioh tongapun tutang dusai-dusaioh ius tongapun Pohotala!

RUMA 4:9

Inon tuhtui kosanang tuh tonihtu tihkas ahkan ulun ijo numbun poroturan sunat bewe? Ata'aioh ka'a ahkan ulun-ulun ijo eam numbun poroturan sunat? Jari ihkai ngohawotoh hounmbaoh, ijo Abraham tonorima bain Pohotala monjadi ulun ijo ngojorih ahtoi-Oh, tului Abraham porocaya umba Pohotala.

1 KORINTUS 1:30

Pohotala bongoi ijo napa nyiring Konduang hihco umba Kristus Yesus. Nguha Kristus, ihto monjadi horahti. Tutang nguha Io ka'a Pohotala nguan ihto hokopios hoduli umba arop-Oh, monjadi ihto ukup-Aiu ijo khusus tutang ngoliwus ihto.

2 KORINTUS 5:21

Kristus eam bodusa, tahpi Pohotala nguan Io ngohtun dusan ihto, mangat ihto hokopios hoduli umba Pohotala, tului hihco umba Kristus.

GALATIA 3:14

Kristus nguan kodorih mangat borehkat ijo tobowot Pohotala ahkan Abraham tononga ka'a ahkan ulun-ulun bohkon Yahudi. Honong kodorih, ihto ka'a ijo porocaya umba Pohotala, dahpot norima Roh ijo tonobowot bain Pohotala rih.

GALATIA 4:15

Ihkam sanang sino aang ohkot rih. Tahpi uhuntuh ang umoh kosanang rih? Ahku kota'an ijo aang ohkot rih ihkam rela ngoruit mahtan'kam bongom, ahkan nongaoh ahkak'ku amat orih duon tononguan.

EPESUS 1:3

Tara ahkan Pohotala, Amai Tuhan ihto Yesus Kristus! Io mborehkat ihto umba kokaron borehkat rohani ang luwang soruga, tului ihto hihco umba Kristus.

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.

2 TIMOTEUS 1:9

Pohotala monyolamat ihto, tutang na'ah ihto, mangat monjadi ukup-Oh bongoi. Io nguan rih eam hogalang inon ijo ihto jari nguai, molekan hogalang rancana-Oh bongoi, tutang pononganasi-Oh. Io nonga ihto pononganasi-Oh nguha Kristus Yesus sounmba kolunon tuh tona'oi.

YAKOBUS 2:18

Mihkohtou anai ijo homouh, ‘‘Anai ulun ijo bosikuh umba koporocaya, tutang anai hino ulun ijo bosikuh umba gawiuoh.’’ Ahku ahkan mutah, ‘‘Pokarahiou rih ahkak'ku, koloukuwoh ulun dahpot anaingina koporocaya earo gawiu, tutang ahku ahkan ngorinah umba gawi ijo ahku anaingina koporocaya.’’

2 PETRUS 1:1

Konduang-konduang ijo tu'u-tu'u porocaya kolou ihkai! Yesus Kristus iorih Pohotala, tutang Lahca Ponyolamat ihto, nguandahpot ihto porocaya umba Io, tului Io monguan ijo morong. Surat tuh tahkan Simon Petrus, ijo behti jihpon tutang rasul Yesus Kristus.