RUMA 4:5 - BOWOT BOHUA

⁵ Tahpi anai ulun ijo eam monggahtung aang gawiuoh bongoi io moporocayaoh aropoh ahkan Pohotala, ijo ngorinahoh ulun bodusa liwus tahkan kosalaioh. Hogalang koporocayaoh orih rih Pohotala norima ulun rih, monjadi ulun ijo ngojorih ahtoi Pohotala.

RUMA 4:5 ပူးပေါင်းရင်းမြစ်များ

MARKUS 9:23

‘‘Inon hion'mu? Amat Amai duon?’’ hion Yesus. ‘‘Koparing orih duon, amat ulun tu'u-tu'u porocaya!’’

YOHANES 5:24

Tu'u morong auh-auh-Ku tuh: Ulun ijo ngonih auh-auh-Ku, tutang porocaya umba Io ijo nyuhu Ahku, tepun pombolum sojahti tutang kototahiu. Io eam ahkan tonohukum; io jari morodehka tahkan popahtoi tutang dahpot pombolum.

YOHANES 6:29

Yesus mutah, ‘‘Tuhrih ijo ngonjolik Pohotala tahkan ihkam: porocayarih umba Io ijo tonyuhu Pohotala.’’

RUMA 10:3

Iro eam kota'an caraoh Pohotala napa kohihco ulun umba Io monjadi pios hoduli. Tutang tului iro kani numbun cara iro bongoi, mahka iro eam tunduk umba cara ijo pokarah Pohotala ahkan'ndo.

RUMA 3:22

Ijo Pohotala nonga jalan ahkan ulun hokopios umba Io, tihkas amat ulun porocaya umba Yesus Kristus. Pohotala nguan hal orih ahkan paring ulun ijo porocaya umba Kristus; tului eam aro kobohkoioh.

RUMA 4:24

tahpi ka'a ahkan ihto. Ihto ka'a ahkan tonorima monjadi ulun ijo ngojorih ahtoi Pohotala, kotului ihto porocaya ahkan Pohotala ijo mombolum Yesus Tuhan ihto, tahkan popahtoi.

RUMA 4:3

Luwang Surat Borasih anai tonyurat: ‘‘Abraham porocaya umba Pohotala, tutang tului koporocayaoh rih Io norima bain Pohotala, monjadi ulun ijo ngojorih ahtoi Pohotala.’’

RUMA 4:6

Kodorihoh tiruk Dawid ka'a; orih kotuluioh io ngohawot solamat, kosanang ahkan ulun ijo bain Pohotala jari tonorima monjadi ulun ijo ngojorih ahtoi-Oh, earo Pohotala nohtoani gawin-gawin ulun rih. Dawid nuhtui numbun tuh,

PILIPI 3:9

tutang tu'u-tu'u hihco umba Io. Kohihco ijo pios umba Pohotala eam hino ahku usaharih bongok umba jalan te'et ahkan hukum agama. Huntuh ahku anairih kohihco ijo pios umba Pohotala, kotului ahku porocaya umba Kristus. Jadi, kohihco ijo morong rih lombut tahkan Pohotala, tutang hogalang porocaya umba Yesus Kristus.