RUMA 4:18 - BOWOT BOHUA

¹⁸ Abraham toturus ih harap tutang porocaya oluka eam anai harapan hino. Tului orih io monjadi amai aro uhtus. Numbun ijo tonyurat ang Surat Borasih. ‘‘Lihit'mu ahkan monjadi aro samasino.’’

RUMA 4:18 ပူးပေါင်းရင်းမြစ်များ

LUKAS 1:18

‘‘Koloukuwoh ahku ta'an ijo kolourih ahkan nyolung?’’ hion Sakharia umba molehkat rih, ‘‘ahku jari oko, tutang oruh'ku ka'a jari oko.’’

KESAH RASUL-RASUL 27:25

Bain tului orih, Konduang-konduang, kohondakoh Konduang hajo ahtoi! Tului ahku porocaya umba Pohotala ijo paringoh ahkan nyolung kolou ijo tonuhtui-Oh ahkak'ku.

RUMA 4:17

Kotului Pohotala nuhtui koloutuh ahkan Abraham, ‘‘Ahku ius ngonjorian ihko amai bagi aro uhtus.’’ Kolouorih Pohotala nonga bowot rih ahkan Abraham. Tutang Abraham porocaya umba Io. Io rih Pohotala ijo mombolum ulun mahtoi: Iorih ka'a Pohotala ijo honong nuhtui iu, napa inon ijo eam pu'u anai, monjadi anai.

RUMA 4:19

Abraham ang ohkot rih kota'an ijo io jari eam aro harapan hino anaitepun lihit, tului bihtiouoh jari nokalou oko hawui umuroh jari doni solahtus toun; mahi hino Sarah, oruhoh rih, tomanang. Tahpioh koporocaya Abraham eam monjadi bokurang.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

RUMA 8:24

Tului umba koporocaya mahka ihto tonyolamatoh. Tahpi amat inon ijo ihto morocaya orih rih, jari ihto nohto-Oh, mahka orih eam hino porocaya. Kotului iaikah magun morocaya aang 'co ijo jari tonohtooh?

IBRANI 6:19

Koharap ihto rih, kolou sauh ijo tokelem paham timbon tutang monjadi ponambit ijo segah tutang sanang ahkan pombolum ihto. Koharap rih morutat dindingbenang, Ruang Ijo Mahaborasih ang Lohpou Tuhan ang soruga.